Partidu PUN halo Afiliasaun ba Partidu CNRT

Monday, 22 August 2011 20:23 Last Updated on Tuesday, 23 August 2011 13:09 Written by Pedro Delfim

Alas-Prinsipiu Partidu Kongresu Nasional Rekontrusaun Timor Leste (CNRT)  ne’ebé hateten katak  nakloke ba ema hotu no hakuak ema hotu atu bele tama no sai husi partidu CNRT, iha Domingu foin dadauk ne’e iha Alas militante Partidu Unidade Nasional (PUN) hodi halo afiliasaun ba  CNRT.

Tuir eis Kordenador Partidu Unidade Nasional (PUN) , Rosalina Miranda ne’ebé halo afiliasaun ba  partidu CNRT iha nian deklarasaun hateten katak  hau ho hau nian militante sira hamutuk 600 hodi  halo afiliasaun mai partidu CNRT tamba partidu CNRT mak iha nian politika ne’ebé diak hodi hasai povu husi kiak no mukit.

“Hau halo afiliasaun mai partidu CNRT tamba partidu CNRT mak iha nian programa politiku ne’ebé diak hodi hasai povu husi kiak mo mukit tan ne’e hau deklara hodi afilia mai CNRT”dehan eis Kordenador PUN Rosalina Miranda iha Suku Waidauberek,Sub-Distritu Alas,Distritu Manufahi, Domingu 21/08. Eis kordenador ne’e mos informa tan katak ho figura maun bo’ot Kay Rala Xanana Gusmão hanesan prezidente Partidu CNRT ne’ebé ho politika ne’ebé diak hodi hasai povu husi kiak no mukit hodi hakuak ema hotu la halo diskriminasuan ba se deit.

“Halo afiliasaun mai partidu CNRT tamba haree ba figura maun bo’ot Xanana nian ne’ebé iha interese bo’ot liu ba rai ida ne’e no ba povu ida ne’e duni ohin loron mai hamutuk ho Maun bo’ot Xanana hodi lori rai no povu ida ne’e ba oin”dehan nian.

Iha fatin hanesan Sekretáriu Jeral Partidu Kongresu Nasional Rekontrusaun Timor Leste (CNRT) , Dionisio Babo hateten katak nia  fo parabéns ba maluk militante sira husi Partidu Unidade Nasional (PUN) ne’ebé ohin loron deklara an hodi afilia mai partidu CNRT.

“Hau fo parabéns ba Maluk militante sira husi Partidu Unidade Nasional ne’ebé ohin deklara an hodi mai hamutuk ho CNRT tamba CNRT partidu ne’ebé nakloke no hakuak ba ema hotu tuir Prinsipiu Partidu nian ne’ebé maun bo’ot Xanana hakerek iha estatutu Partidu nian ”dehan Babo hafoin partisipa iha Serimónia afiliasaun.