quarta-feira, 14 de março de 2012

Lu-Olo Rekonhese: Uluk Halo Salah - Agora Hau Sei La Fahe Tan Povu

EMA BARAK SEI DUVIDA TANBA, EMA SELUK BELE UZA LU-OLO

Written by Leonardo F 


Kuarta, 14 Marsu 2012

Dili- Iha kampania Prezidensial ba dala ikus husi Kandidatu Prezidente (Kanprez) Fransisco Guterres Lu-Olo nebe halao iha Tacitolu, rekonhese katak uluk mak sira fahe povo, no agora nia promote sei la fahe tan povu Timor Leste ba Lorosae no Loromuno.

Maski Lu-Olo rekunhese maibe ema nebe pertense ba partidu Fretilin versi Lu Olo ho Mari Alkatiri (Lu-Mar) loron hirak liu kontinua hatudu hahalok violensia. Membro Fretilin sira iha Makadiki Viqueque tuda apoiante Kaprez Taur Matan Ruak nian bainhira fila hosi comicio iha Viqueque.

Rekonhesimentu ida ne'e nudar rekonhesimentu nebe sai hosi lider Fretilin boot nia lideransa, tanba durante ne'e Mari Alkatiri sempre nega katak sira nia partidu nunka afhe povo.

Kanprez husi partidu Fretelin Francisco Guterres liu husi deskursu ba apoiantes, simpatizantes, militantes husi partidu Fretelin no povu iha distritu Dili, promote katak sei la fahe tan povu Timor Leste ba Lorosae no Loromonu hanesan uluk ona.
Lu Olo rekunhese katak, tanba sira nia hahalok maka iha 2007 povo iha parte leste halao hotu ba Fretilin, maibe hare ba hare mai povu terus barak ona, tan ne’e sei hametin paz no estabilidade iha rai laran hodi halao dezenvolvimentu.Kandidatu prezidente ne’e hatutan tempu too ona ba povu Timor Leste atu hamutuk ho hametin unidade nasional.

Nia hatutan nia rasik kandidata aan ba prezidente, tamba hakarak atu korije salah nebe lider Fretilin balun uluk halo ona iha 2007, no hakuak fali povu Timor Leste tomak.
Maski ema barak fiar Lu-Olo ema ida sinseru no sei kaer nai lia-fuan, ema barak sei duvida hela tanba karik nia sai Presidente, ema seluk mak sei "setir" fali nia. "Hau fiar maun Lu-Olo, maibe hau sei la hili nia tanba sai Prezidente, Mari Alkatiri mak sei kontrola nia, tanba ne'e hau sei la fo voto ba maun Lu", tenik Merio Boavida, cidadaun ida nebe tuir hotu comicio iha Tasi Tolu hosi Baucau.

Kampaña ne´e "susesu" ida ba kandidatura Taur Matan Ruak


Díli, 14 mar (Lusa) - Kandidatura Taur Matan Ruak ba prezidensiais sábadu ne´é íha Timor-Leste ohin afirma íha Dili katak kampaña eleitoral sai hanesan susesu ida no devolve ba Fretilin akuzasaun ba ex-xefe Forsas Armadas konaba uza bandeira partidu.

"Em jeral, kampaña ne´é sai ahnesan susesu ida no ami ksolok tebes", afirma Fidélis Magalhães, porta-voz ba kandidatura, subliña ho ho katak íha sivismu barak. "Íha diskusaun polítika, maibe ida halo parte ba prosesu polítiku", nia hatete ohin íha deklarasaun ba jornalista sira.

Konaba rejistu insidente hirak ne´é, Fidélis Magalhães apena lamenta ba ida, rejista kedas husi inisiu ba kampaña, no ke envolve apoiante husi kandidatu Lu Olo.

"Sira tuda ho fatuk. Ami expresa ami-nia tristeza no remorsu ba insidente ida ne´é. Kada kandidatu íha responsabilidade atu eduka ninia apoiante sira", nia hatete tan, salienta mos katak fatuk be tuda ne´é hakanek ema na´in haat, ida mak tenki simu tratamentu.
Konaba uza bandeira Fretilin, be lori kandidatu hodi fo apoiu husi forsa partidária ne´é hodi lori hato´o keixa ba Comissão Nacional de Eleições, porta-voz husi

kandidatura Taur Matan Ruak hatete katak nunka fo autorizasaun ba uza bandeira.

Fidelis Magalhães hatete mos katak elementu popular husi Conselho Popular ba Defesa de República Democrática de Timor-Leste, ke fo apoiu ba Taur Matan Ruak, mak uza bandeira.

"CPDL no Fretilin mak tenki diskuti konaba direiru atu uza bandeira. Ami lae", nia afirma.

Asuntu sleuk ke Fidélis Magalhães koalia mak faktu ke kandidatu Taur Matan Ruak uza uniforme íha fotografia be hasai ba kampaña eleitoral, be inklui íha foto íha boletin votu.

"Ami hakarak hato´o ba dahuluk katak uniforme be kandidatu uza ne´é husi rezisténsia-nian, husi Falintil, laos husi F-FDTL (forsas armadas Timor-Leste). Tenki klaru íha parte ida ne´é", nia afirma.

Fidélis Magalhães esklarese mos katak imajen be kandidatu uza íha boletin votu liu tiha ona husi prosesu legal ida no lahetan impedidu atu uza husi Supremo Tribunal de Recurso.

"Ami hatuir prosedimentu legal hotu kedas. Ami konsidera buat sira ne´é hanesan komentáriu polítiku", nia hatutan, hodi hatete katak uniforme ne´é reprezenta identidade no istória kandidatu ne´é-nian.

Kampaña eleitoral ba prezidensiais sábadu remata ohin.

Íha sábadu, eleitor sira sei híli ida husi kandidatu 12, entre sira mak Prezidente atual rai-laran nian, José Ramos-Horta.

MSE

Lusa/Fim