quarta-feira, 4 de janeiro de 2012

BESIK ELEISAUN MARI ALKATIRI KOSSE FALI VETERANU SIRA: ULUK NIA BOLU SIRA FUK LA FASSE, DOIS, FAHI KREKAS


Radio Rekonstrusaun
Written by Borges

Iha loron Kinta-Feira, 29 Dezembru 2011 jornalista STL hatun berita nebe hatete katak Mari Alkatiri komesa kosse fali ona Veteranus hodi manaan votus iha eleisaun 2012. Iha  intergista ida Mari husu ba Veteranus sira atu labele tuir Xanana Gusmaun maske nia mak sira nia lider resistensia, no nia mak kria pensaun ka subsidiu ba veteranus sira.

Mari kosse veteranus sira hodi dehan “Veteranus  Sei La Faan Sira Nia Klamar Ba Partidu Seluk”. Iha berita nebe posting Husi : Josefa Parada STL, Mari alkatiri buka atu tenta kosse veteranus sira, tanba nia hatene katak veteranus sira sei la vota ba FRETILIN Mari Alkatiri nian iha eleisaun tuir ma.

Mari Alkatiri hatete katak “Agora hein too Junho, hau rona ona veteranus sira, iha Julho 2012 maka atu simu, nee duni hau husu ba sira atu hatudu lolos imi nia matenek katak labele faan imi nia klamar ba ema seluk,” hatete Alkatiri ba STL iha iha Nia servisu fatin Comite Central Fretilin Komoro, foin lalais nee.

Maibe iha antes ne ema hotu hatene katak Mari Alkatiri sempre dehan Veteranus sira FUUK LA FASSE, KREKAS, FOER HANESAN FAHI no KAIXA KAIXAUN.

Eis Primeiru Ministru, nebe nia governu monu deit iha klaran tanba inkapasidade governasaun ne agora halo propaganda baratu hodi dehan katak “Veteranus sira luta para laos faan sira nia klamar. Tuir Nia se sira faan sira nia klamar nusa sira barak mate tanba rai ida nee”. Maibe Mari Alkatiri la hatene katak, Veteranus sira luta hamutuk ho Xanana Gusmaun ne duni sira sei fiar Xanana to mate.

Sekjer Fretilin Mari Alkatiri hatete tan katak, fo deit subsidiu ba Ferik, katuas no fo pensaun ba veteranus sira, maibe sira izmola tun sae tanba ema sira ne lahatene maneja ossan. Fulan-fulan, sira mak lao foer los iha Dili laran”, tenik Alkatiri.

Mari Alkatiri uluk hatete veteranus sira fuk la fase, krekas, dois no la hariis, agora buka fali votu ona,komesa kos-kosse fali ona  veteranus sira (loa).

 Informasaun kompletu iha STL Jornal no STL web, edisaun Sesta (30/12).

2 comentários:

  1. Sr.Mari la precisa kose veterano tamba sr.Mari rasik mos ema veterano ida husi frente diplomatica nian,oinsa mak hakerek nain bele ignorante ida hanesan ne'e,tuir hau nia hare Sr.Mari bolu atenção ba nia maluk veterano sira para lalika sei tilun ba ema oportunistas sira nebe agora aproveita hela veterano balun atu nune bele hetan kadeira.Triste tebes hare hakerek nain ida nebe fo opiniaun ba publico no nia rasik lahatene saida mak nia hakerek.Hare ba aprende tan antes hatun artikel nebe baratu liu.

    ResponderEliminar
  2. Saida Sr. Daut kualia ne'e los maibe ita tenke mos hare realiadade nebe mak iha, tamba iha elisaun 2007 buat barak akantese tan desizaun politik Sr.Alkatiri, neduni hu atu dehan se mak sai hanesan oportunis hahalok sira ne'e mak ema dehan oportunis ne'e. nebe ita boot mos atu hasae artikel ruma hare realidade hakerek lia fuan baratu ne'e.

    ResponderEliminar