Written By, Fredy Costa
TDF: Iha Quinta-Feira 11/08/11, iha reuniaun ida iha CCF (Comite Central FRETILIN) ka fatin nebe uluk Suharto nia BP-7 (Badan Pembina Pendidikan Pelaksanaan Pedoman Penghayatan dan Pengamalan Pancasila) hamahan ba, Mari Alkatiri halibur militantes Fretilin radikal lobuk ida hodi haruka sira atu halo suksesu ba kandidato PAKOTE UNIKU Fretilin nian, ka kunhesidu iha Timor naran Domokrasia Ala Fretilin BP7.
Aproveita oportunidade ida ne, Mari Alkatiri nebe akompanhadu hosi Presidente Fretilin Lu-Olo, kritika planu nebe Xanana Gusmao, Primeiro Ministro IV Governo Constitusional introduz, atu halo auditoria ba Ministro ho Sekretarios Estados hotu hanesan “sudah terlambat”. No husu Xanana tun tanba Xanana la sarjana hanesan Mari Alkatiri, nebe Doutor ida hasai iha Mosambike.
Xanana Gusmão, bainhira jornalista sira husu atu hatan ba kritika ne, hatete katak nia la fo importansia tanba ne kritika ema frustradu, no ema nebe preokupadu ho nia empenhu politiku nebe nakonu ho odio, vingansa no tauk atu lakon. Hanesan Manu karik “Mari Alkatiri mate ona, maibe sei tebe ain. Tebe liman”, tenik Xanana nia asistente ida horiseik.
Kritika ida hatudu deit imaturidade politika Mari Alkatiri nian, kompara ho superioridade Xanana Gusmao, asswain luta nain boot ba ita nia rain, no ema nebe kometidu atu hadia moris povu nian iha tempo ukun aan nia laran.
Xanana promote katak, uluk antes governu komessa, membro governu sira hatam ona sira nia relatorio konaba riku soi iha Tribunal Rekursu. Tanba ne, nia hakarak deposi kaer ukun tinan 5 (lima), KAK ho institusisaun legal seluk tenki halo auditoria fali hodi hare membro governu sira nia riku soin.
Xanana nia intensaun diak ne, halo Mari Alkatiri tauk kedas, hodi hakilar tun sae katak, terlambat ona. Nia halo nune hodi lohi povu, tanba ida ne mak jadi duni, sei halo moe Alkatiri tanba durante ne nia dun matak governu dehan Korupsaun, maibe mak se Tribunal deklara katak korupsaun laiha, sei hatun kredibilidade Alkatiri nian.
Tuir Veteranu ida hosi CPD-RDTL, Mari Alkatiri koalia arbiru deit, no ita hare hanesan ema nebe bulak tiha ona, tanba nia hanesan los labarik, kritika maun Xanana Gusmao laos programa deit, maibe uza mos lia fuan balun nebe haneasn atake pribadi. Veterano ne suporta maun Xanana nia programa, no hatete katak ne hanoin diak nebe, sei fo valor ba ema hotu no estadu nia diak.
Tuir psikologu sira, aktu Mari nian ne, hatudu deit katak, tanba nia iha ambisi makaas (Wahang Besar), nia hakarak atu uza maneira oin-oin deit, termasuk desfamasaun, hodi ataka Xanana Gusmao no nune bele lohi povu atu foti nia sai Primeiro Ministro iha futuru. Mari Alkatiri hanoin katak ho ataka Xanana Gusmao nebe agora konsentara atu hamos korupsaun iha governu, povu atu fiar nia.
Tuir Mario Ximenes, Fretilin nia apoiante ida nebe marka mos prezensa iha CCF iha Quinta-Feira bainhira Mari Alkatiri hasai liafuan at hasoru Xanana, nia "lakon gostu kedas atu tuir Alkatiri ho hili Fretilin". NIa sente triste no "promote atu sei la tuir Fretilin durante Mari Alkatiri kaer pasta nudar Sekjer partidu ida ne". Tuir sira militantes Fretilin nian balun katak sira hare Mari Alkatiri laos ona lider, maibe bulak tiha ona alias sinting. jos
