quinta-feira, 21 de julho de 2011

CNE Apela Ba Partidu Politikus Atu Konsolida A’an

CJITL Eleisaun, Prezidente Comisaun Nasional ba Eleisaun-CNE Foustino Cardoso hasoru malu ho lider Partidu Politiku sira iha Parlamentu Nasional, hodi apela ba Partidu Politiku atu Konsolida A’an.

Prezidente Parlamentu Nasional Fernando La Sama de Araujo hateten CNE hatama karta ida mai Parlamentu Nasional hodi apela konaba  Partidu politiku sira oras ne’e dadaun konsolida nia A’an,  tanba iha Partidu balun halo konsolidasaun hanesan fali halo kampania, buat sira ne’e maka perkupasaun CNE nia.

“tuir hau nia hakarak maka ema hotu tenke moris iha ambiente nia laran, moris hakmatek fo liman ba malu, atu nune’e Partidus Politukus ida-idak ba halo nia konsolidasaun ho laran hakmatek, tanba ida ne’e hanesan prosesu ida ne’ebe ita perpara ba elisaun 2012, atu nune’e povu iha duni ambiente ida ne’ebe livre para sira bele partesipa iha elisaun ne’e ho diak” dehan La Sama tersa 19/7, iha Parlamentu Nasional hafoin halo enkontru.

Nune’e mos Deputadu Natalino do Santos hateten katak CNE koalia hanesan ne’e dala ruma tuir sira nia observasaun Partidu balun halo konsolidasaun hanesan fali halo kampania, tanba ne’e sira hakarak fo hanoin ba Partidu Politiku sira.

“Dala ruma  Partidu balun ba halo konsolidasaun, maibe buat ne’ebe sira Promesa ba militantes hanesan lolos sira halo kampania, ida ne’e maka ita mos labele hatene, maibe ne’e politika ema ida-idak nian”dehan Natalino.(Domingos da Silva/CJITL)

Bankada CNRT : Fundu Minarai Tenke Investe Iha Timor Leste.

Dili-Deputadu husi Bankada Partidu Kongresu Nasional Rekonstrusaun Timor Leste (CNRT) hateten katak fundu minarai ne’ebé oras ne’e dadaun iha Banku Amerika ne’ebá tenke mai investe iha Timor Leste hodi nune’e   bele hala’o dezenvolvimentu iha rai laran.

Deputadu husi Bankada  Partidu CNRT Aráo Noe haktuir katak atu foti no tau osan refere mai Timor Leste ne’e pasu diak ida atu  hala’o dezenvolvimentu iha rai laran .

Tamba ne’e agora dadaun submete ona ba lei altersaun ,lei fundu petrolífero, no lei imprestimu, tamba ne’e ita hotu  konkorda ho obsaun ida ne’e katak hasai osan mina nian atu mai investe iha Timor Leste, atu  ita mos tenke halo dadauk ona sistema investe 90% iha “bons” Amerika no depois 10% mak ita invste iha liur ita hetan ninian lukru boot liu fali 90 % ne’ebé maka  ita investe iha Amerika tamba Amerika hetan deit 0,3 % menus,se ita investe iha liur ita bele hetan 3 %  ”

Osan ne’ebé foti tan husi osan Tmor Leste rasik iha banku Amerika ne’e atu investe fali iha fatin seluk hodi hetan lukru liu tan , signifka katak 50% mantein investe iha Banku Amerika, no  50 % ita investe iha liur.
Deputadu Arão Noe subliña lia hirak ba jornalista sira Tersa-Feira(19/07) iha Parlamentu Nasonal.

 Tamba ne’e lei fundu petrolífero ne’e atu fó dalan mos ba Timor Leste bele hala’o imprestimu katak osan ne’ebé garansia Banku imperesta fali  osan ne’e halo investimentu iha rai laran depois tinan sanolu mak selu.
 Iha fatin hanesan Deputadu husi Bankada Partidu Demokratika (PD) Rui Menezes afirma katak Fundu minarai ne’e tenke investe iha ita nian Nasaun rasik tamba ida ne’e importante teb-tebes ba ita nian povu no ita mak hanesan nain ba osan, tamba ne’e mak povu merese duni atu obrigatoriamente atu rekeja investe fila fali iha povu, atu nune’e  povu sira bele sente katak investimentu ne’ebé nasaun ka estadu halo fó benefísiu duni ba povu ain tanan sira.

 “Hau la fiar tan katak ita gasta hotu ita nia osan  ba Amerika,Amerika atu fó deit osan tamba ne’e ita Timor labele tabele  hanoin ba mala’e ne’e ita klot” Tenik Riu Menezes iha Parlamentu Nasonal (19/07)