quarta-feira, 30 de novembro de 2011

Mari Alkatiri tauk Xanana maibe ataka no kritika CNRT, tanba sei impata nia ambisaun politika


Dili, 30 Novembro 2011

Mario Ataide

Iha Jornal Nacional Diario, Kuarta-feira, 30 Novembru 2011, Mari Alkatiri halo atake makaas ba Partido Congresso Nacional da Reconstrução de Timor (CNRT), hodi tenta hafahe Presidente CNRT no actual PM RDTL Xanana Gusmão, hosi nia partido rasik.

Leitura ida né Mari Alkatiri halo bebeik ona, ho intensaun atu enfrakese CNRT, iha okaziaun oin-oin, tanba nia hatene katak CNRT agora forte tebes, no sei sai ameasa politika ba FRETILIN rasik iha oleisaun tuir mai. Iha Jornal Diario ne Mari Alkatiri hatete:

FRETILIN mak iha ema jerasaun oi-oin deit, jerasaun rua tolu ne’e hotu, sira seluk ne’e partidu foun hotu, Xanana, CNRT ne’e la’os Partidu, CNRT ne’e mak Xanana no ema sira ne’ebe mak tabele ba Xanana ne’e mak CNRT, mas la’os Partidu Politiku, kuandu aban bainrua CNRT ne’e xanana Husik, mak CNRT monu, monu hanesan karta be ita joga ne’e, so FRETILIN deit mak bele garante estabilidade,” informa Mari Alkatiri”.

Leitura ida né hatudo deit preokupasaun Mari Alkatiri nian tanba nia akompanha potensia nebe CNRT iha dadaun iha kampo. Maske Xanana la tun rasik ba karaik iha konsolidasaun CNRT nian nebe halao iha fatin-fatin, ema rihun ba rihun mak sempre partisipa hodi apoia CNRT, hosi lorosae to loromonu.

Konsolidasaun sira halao ona no hatudo bebeik iha TVTL no media seluk, sai nudar sasukat boot ida ba FRETILIN katak sira sei hetan problema iha eleisaun geral iha 2012, liu-liu tanba CNRT konsolida makaas tebes.

Mari Alkatiri tauk CNRT sei mossu hanesan forsa politika ida boot liu iha Timor-Leste no sei taka dalan ba FRETILIN iha eleisaun tuir mai. CNRT nia abut metin ona iha sosiedade Timorense nia laran, maske aban bainrua kuandu Xanana Gusmao laiha ona, CNRT sei buras ba nafatin, tanba Xanana nia hanoin, nia vizaun politika no planu nebe diak atu hadia nasaun kontinua buras nafatin.

Ho kritikas no atakes no esforsu negativu oin-oin hosi Alkatiri ho nia maluk sira atu hatun CNRT, partidu CNRT hakaas aan liu tan no komessa boot liu tan ona, tanba buat sira ne hotu mossu nudar dezafiu boot nebe partido CNRT agora komesa enfrenta. Iha partidu CNRT rasik, maioria veteraus sira mak konstitui estrutura hasi Nasional to iha baze.
Mari Alkatiri preokupadu ho kadeira (poder) iha eleisaun tuir mai, maibe CNRT sei la fo fatin ba nia ho FRETILIN ala Alkatiri ka BP-7, no sei esforsa makaas liu tan hodi tau Mari ho nia maluk sira hotu hein iha fileira ikus. 

Preokupasaun Mari Alkatiri nia iha leten, hatudo deit GRANDEZA Xanana nian, no hatudu mos katak nia rasik rekonhese katak nia la vale buat ida iha Xanana nia oin, inkluindu nia partidu rasik. Tanba enkuantu Xanana sei iha politika, Mari serve deit atu ba opozisaun, no sei laiha oportunidade atu bele manaan eleisaun, kuantu mais hetan pasta ka poder/kadeira.

Preokupasaun Mari Alkatiri nian né mos hatudu katak, Mari tenta hela atu hatun CNRT hodi fo esperansa ba nia maluk sira iha partido, mais nia la hatene katak, enkuantu Xanana sei moris no sai Presidente CNRT, partidu ne rasik kontinua buras no boot ba bebeik, no sei sai boot liu tan. Xanana nia hanoin, valores no klalaok sei moris nafatin iha CNRT nia aktividade hotu nudar objektivu politiku iha futuru.

Tanba né CNRT sei moris nafatin, no sei forte liu tan, no sei la fo dalan ba Mari Alkatiri atu bele sae ba poder. Boa Viagem Senhor Mari Alkatiri hosi palku politiku Timor Leste.

terça-feira, 29 de novembro de 2011

Bisoi: Feto ho Mane iha Direitu Hanesan maibe feto nia direitu boot liu ba mane.

Addthis
Dili MLP- Vice presidenti Comisaun directiva Nasional (CDN) Maria rosa Camara hateten katak oras ne’e dadaun feto ho mane iha direitu hanesan atu hola fatin iha vida politika maibe feto iha direitu boot liu ba mane sira.

Iha tempu uluk liu feto laiha direitu atu hola parte iha vida politika,edukasaun no buat barak maibe oras ne’e dadaun mundu modernu feto mos iha direitu ona atu halo saida deit iha parte vida politika nia.

“hau hatene iha tempu uluk ita feto laiha direitu atu halo buat ruma maibe oras ne’e dadaun hau fiar katak feto iha direitu bo’ot liu mane atu halo saida deit no feto mos iha direitu atu hetan edukasaun nebe mak iha “katak Bisoi iha konsolidasaun partidu CNRT iha Sub-Distritu hatolia suku Fatubolu (26/11)” Nia mos hatutan tan katak oras ne’e dadaun nasaun sai modern ona feto mos iha ona direitu atu hola paerte iha vida politika no feto ho mane iha direitu hanesan maibe feto nia direitu sei boot liu ba mane.

Feto Timor mos agora ne’e la hanesan uluk ona tamba iha tempo uluk feto laiha direitu atu hetan edukasaun nebe mak a’as no laiha direitu atu hetan iha vida politika no laiha direitu tomak atu halo saida deit maibe oras ne’e dadaun feto mos iha direitu atu bele hamoris demokrasia.”katak Bisoi

Partidu PD, ASDT, PUN halo afiliasaun ba CNRT.

Addthis

 
Dili MLP -besik atu tama ona ba elisaun jeral 2012 Militantes partidu politiku barak hanesan,ASDT,PUN,PD, mak haksoit sai husi nian partidu   hodi halo afiliasaun ba partidu CNRT tamba hare deit ba programa partidu CNRT nian ne’ebe hakuak ba ema hotu hodi hasai povu husi kiak no mukit.

Tuir eis sekretaris  husi Partidu  ASDT Sub-Distritu Hatolia  Lino hateten katak hau ho hau nia militants hamutuk  kompostu husi suku 5 halo afiliasaun ba partidu CNRT tamba hare ba Figura Maun bo’ot Xanana Gusmao ne’ebe trasa ona nian programa iha partidu CNRT nian laran hodi hasai povu husi kiak no mukit tamba la iha lideransa ne’ebe diak hanesan Maun Xanana.

“ koordenador partidu PUN  Alberto hateten hau ho hau nian militantes tomak hamutuk 770 halo afaliasaun ba partidu CNRT tamba hare deit ba figura maun bo’ot Xanana nian ne’ebe durante ne’e nian halo ba povu no rai ida ne’e tamba la iha figura seluk hanesan maun bo’ot Xanana”dehan Alberto halo afaliasaun ba partidu CNRT iha Sucu Fatubolu Sub-Distritu Hatolia Distritu Ermera Sabadu (26/11) Iha fatin seluk Partidu PD Idelfonso Soares hateten ami kompostu husi suku 5 mak halo afiliasaun ba partidu CNRT ne’ebe hamutuk 30 tamba CNRT agora ne’e hanesan CNRT ne’ebe mak iha 1999 hodi hamutuk ho Maun boot Xanana hodi lori povu no nasaun ida ne’e ba oin.

“Tamba durante durante 24 anos iha ai- laran hamutuk ho maun boot Xanana hodi luta ba ita nia rai ida ne’e”.
“hau ho hau nian militantes ho deklara ba publiku hodi halo afiliasuan ba partidu CNRT hodi hamutuk ho Maun Xanana hodi lori povu no rai ida ne’e ba oin”dehan Idelfonso hafoin halo deklarasaun afiliasaun ba partidu CNRT.

Partidu CNRT hala’o konsolidasaun suku Fatubolu Distritu Ermera

Addthis
Dili MLP-Partdu Congressu Nasional Recontrusaun Timor Leste (CNRT) sabadu foin dadauk ne’e halo konsolidasaun no rejustamentu ba strutura partidu CNRT nian Sucu Fatubolu Sub-Distritu Hatolia Distritu Ermera atu hametin iha estrutura iha baze no hodi grantia Vitoria iha elisaun jeral 2012.

Tuir Arjuntu Sekretariu Jeral Partidu CNRT Jacinto Rigoberto iha nian diskursu hateten katak husu ba strutura partidu CNRT nian hahu husi nivel Distrital to’o baze atu servisu makas hodi grantia Vitoria iha eleisaun jeral 2012 oin mai.

“Husu ba Strutura tomak Partidu CNRT husi Distrital to’o iha baze atu servisu makas hodi fahe programa partidu CNRT nia ba militante no simpatizante sira atu nune bele grantia Vitoria iha eleisaun jeral 2012 tamba partidu CNRT atu manan iha imi strutura nian liman”dehan Arjuntu Sekjen iha nian dsikursu hafoin halo konsolidasuan partidu CNRT iha Suku fatubolu sub-Distitu Hatolia Distritu Ermera (26/11) Nian mos hatutan tan katak husu ba Militante no simpatizante sira atu hare didiak partidu tamba agora iha Timor Partidu barak ona ne’e duni atu lalika lakon imi nian votus tenke fihir didiak lideransa tamba agora iha ita nian rai iha partidu politiku ne’be barak ne’e duni imi tenke fihir didak partidu .

“Ita hotu hatene katak Timor Leste foin mak ukun rasik an maibe iha ona partidu politiku ne’ebe barak ne’e duni husu ba militante no simpatijanete tomak atu fihir didiak partidu atu nune imi lalika lakon imi nian votus tamba iha partidu poltiku hamutuk 22 mak ejisti ona iha Timor Leste”katak Jacinto”

Iha fatin seluk hanesan Koordtenador  distritu Ermera Antoninho Carvalho hateten  2012 partidu CNRT sei manan maioria iha Distritu Ermera liu-liu sub-Distritu Hatolia tamba strutura partidu CNRT nian agora metin ona to’o baze.

“Hau fiar katak Partidu CNRT sei  manan maioria iha 2012, tamba strutura partidu CNRT nian agora metin ona hahu husi Distrita to’o iha nivel baze ne’e duni hau fiar katak CNRT sei bele kaer ukun mesak iha 2012”dehan Antoninho hafoin partisipa iha konsolidasaun.

Partidu CNRT ukun 2012 aldeia sira ahi sei lakan hotu.

Addthis
Dili MLP:  Partidu Kongresu Nasional Rekonstrusaun Timor Leste maka kaer ukun iha tinan 2012 ahi sei tama too aldeia sira iha teritóriu laran tomak.

Programa Partidu Kongresu Nasional Rekonstrusaun Timor Leste (CNRT) nian maka agora dadaun implementa ona  barak ona iha Governu AMP nian mandatu hanesan sentru elektrika Héra ne’ebé maka foin dadauk inagura ne’e no fo subsidiu ba ferik katuas sira no veteranu sira.

Sekretáriu Jeral Partidu CNRT, Dionísio Babo hateten katak iha 2012 Partidu CNRT maka kaer ukun aldeia sira mos ahi sei lakan.

“Iha mandatu Governu Aliansa Maiória Parlamentar nian ukun Programa Partidu CNRT konsege implementa barak ona hanesan Sentru elektrika Héra, fo subsidiu  ba terseira idade, no fo rekoiñesementu ba ita nia vetesranu sira. Programa Partidu CNRT nian boot liu maka sentru elektirka Héra ne’ebé foin dadauk inagura ne’e ne’eduni iha tinan 2012 maka Partidu CNRT kaer ukun ahi sei too aldeia hotu iha teritóriu Timor laran tomak”

Hateten Sekjen Partidu CNRT, Dionisio iha Palasiu Prezidente Ncolau Lobato Aitarak laran Dili Segunda-Feira (28/11/11).

Sekjen ne’e mos hatutan katak sei fo atensaun liu ba povu ne’ebé maka kbiit laek atu enérgia elektrisidade.
“Bainhira Partidu CNRT maka kaer ukun maka sei fo atensaun ba ita nia povu ne’ebé maka laiha atu enérgia eletrika, signifika katak sei loke kampu servisu ba sira” Sekjen haktuir.

Ikus Sekretáriu Jeral ne’e konkorda ho Prezidente Repúblika nia apelu atu povu tenke kontribui  osan oituan hodi selu enégia elektrika atu nune’e governu bele halo manutensaun ba jeradór sira no hola mina pronese mentu nian.

Projeitu Harii Uma 5 Sei Fo Servisu Ba Povu Rihun 8.000 “FRETILIN lakoi halo Uma ba Povo”



Jornal Liberal - Tersa-feira, 30 Novembru 2011

Programa Governu hodi harii uma lima ho total 11,855 iha Suku 442, sei lori vantazen boot ba populasaun Timor oan Rihun walu (8.000) liu maka sei hetan benefisiu servisu. Maibe Bankada FRETILIN iha uma-fukun lakoi halo uma ba Povo, tanba sira dehan ne’e gasta deit osan.

“Maizumenus Povu rihun walu (8.000) mak sei hetan servisu husi projeitu uma lima ne’e,” dehan Ministra Financas, Emilia Pires durante deskute OJE 2012 iha Parlamentu Nasional foin lalais ne’e.

Ba kestaun ne’e, iha parte seluk, Deputadu Bancada FRETILIN, Estanislau da Silva kestiaona maka’as Politika Governu hodi fo projeitu harii uma lima iha suku ne’ebe sei gasta ossan saugate no arbiru deit, tenik nia.

Estanislau dehan, loloos projeitu ne’e lalika halo lai, tanba bele hein tinan hirak tan mak halo. Depois emprejariu Timor oan tomak bele hetan projeitu hodi hasae sira nia kapasidade tuir Politika Governu nian.

“Ami kestiaona maka’as nusa mak tenki halo uma ba povo agora ho ansia. Povo la preciza uma sira ne’e.” Estanislau kestiaona durante debate OJE iha PN.

Nune’e mos, iha deputado FRETILIN balun ne’ebe la konkorda ho governu halo uma ba povo. Sira dehan tuir lolos, ossan ne’e rai iha banku deit ba jerasaun aban-bainrua, ita agora lalika haoin atu moris diak.

Maibe, tuir programa governo nain, povo agora mos iha Direito atu moris diak. Ita gasta ossan, maibe, ossan ne gasta ho responsabilidade, hodi halo uma ba povo, hadia estrada, dada be-mos no hadia povo nia moris tomak, tenik Romeu Moises, Deputado CNRT iha uma fukun.

Tuir Moises, FRETILIN sira la hanoin povo moris diak ka at, ba sira importante mak sira bele manaan ossan makaas no bele hetan moris diak, sira nia familia iha kareta hodi sae, sira la interese ema seluk, Tenik Romeu. jos

Na’i-Ulun Balun, inklui Nai Ulun Opozisaun ‘Kaan Teen’


Jornalista: Vital Moreirra
Jornal Liberal - Tersa-feira, 30 Novembru 2011

Povo Aileba iha Ainaro hatene to oras ne’e, nain ulun balun iha Timor Leste, hanesan mos lider balun iha opozisaun kaan-teen ba rikusoin ne’ebe mak rai ne’e iha, tanba sira riku ona, maibe seidauk to’o nafatin hodi haluha nia maluk Timor oan sira seluk.

“Ohin loron ukun nain balun inklui lider opozisaun sira riku ona hakarak riku tan, iha kareta haat-lima seidauk to’o nafatin, la haree ba nia maluk ne’ebe sei dudu karrosa no sa’e bisikleta,” dehan Mario Mendonsa, Povo Aileba ida hateten.

Maski la temi naran husi nain ulun hirak ne’e, maibe Mario Mendonsa hateten, hahalok nain ulun hirak ne’e sei kria dezigualidade iha Timor Leste hodi fo nafatin ba potensia atu mosu iha konflitu ba rai ida ne’e. Sira neb’e uluk kaer governu agora ba pozisaun mos hakarak atu hadau fali poder hodi bele hetan lukru hosi ukun nasaun nian, tenki Mario Mendonsa.

Razaun Mario dehan ne’e tamba,” Povu kuandu bosu sira kontenti haree nia nain ulun sira, basa liman simu ho hamnasa,” dehan Mario iha Seminar ida iha Bekora, foin lalais ne’e.

Joao Maria, povo ida hosi Ai-lelehun  mos hatete katak, kuandu povu hamlaha pas sei laiha, unidadi sei labele akontese, kuandu rikusoin Timor Leste ne’ebe mak iha balun deit mak goza no sente. Joao Maria hatene katak lider opozisaun hirak ne’ebe agora koalia makaas iha Parlamento, la senti povo nia moris susar,  sira mak buka soran deit povo atu bele hadau poder, no sai riku ba bebeik.

Ezemplu, Joao Maria hateten, durante 24 anos iha ailaran nia hatene no koinese diak Timor oan sira nia hahalok, tanba bainhira nia elementu sira ne’ebe hamutuk ho nia iha ailaran bosu sira sei halo tuir orden ba ne’ebe sira ba deit, maibe kuandu hamlaha dala ruma ordem mos sira sei la halo tuir.

Nune mos komunidade ida iha Aidaba leten, Bobonaro hateten, see mak ukun nasaun agora tenke kaer metin prinsipiu no kultura Timor Leste hodi tau interese nasional iha oin, hodi nune’e Timor oan hotu bele senti valor ukun rasik an. Lib

quinta-feira, 24 de novembro de 2011

Edio: Mai Ita Hamutuk CNRT Atu Liberta Povu

Addthis
Dili MLP – uluk ita hamutuk ho CNRT hodi liberta ba rai ida ne’e no agora ita hamutuk fali ho CNRT atu liberta ita nia povu.

Vise Sekretáriu Juventude , Edio Saldanha hateten katak papel juventude nian atu kontinua sai koordenador ba jerasaun ne’ebé foun,ita juventude sira tenke aprende no rona tuir programa ne’ebé iha atu ita bele banati tuir.

Ita tenke buka estuda barak no depois iha  kongresu juventude,  sira desidi ona programa saida mak juventude sira halo ona no atu kapasita sira nia a’an no moral ne’ebé iha oinsa mak juventude sira atu analiza sira nia a’an.

Foin dadauk ne’e ami halo inagurasaun ba laboratóriu ida iha ita nia sede hodi ita nia juventude sira bele aprende buat barak ne’ebé ami prepara hela iha laboratóriu OJP nian. Dehan Edio iha Suku Miligu Sub-distritu Cailako Dsitritu Maliana, Sábado (19/11/2011) Laboratóriu ne’ebé ami oferese ba ita nia juventude  sira hodi sira bele aprende buat barak ne’ebé ami prepara ona iha ita nia sede.

Hau husu ba ita nia juventude  sira atu tesik ba ita nia sede hodi ba halimar ka  aprende iha laboratóriu  OJP nian ne’ebé oferese tomak ba ita nia juventude iha distritu 13.

Xanana: 2012 Governu sei Aumenta Ponte Komoro 2 ba Diresaun Delta no Kampu Baru

Addthis
DIli MLP-Kuatru Governu Konstituisional ne’ebé hanaran ( AMP) Aliansa Maioria Parlamentar ne’ebé lidera husi Primeiru MInistru Kay Rala Xanana Gusmão hodi  planeia tan programa fóun atu aumenta ponte komoro 2 iha diresaun Delta hodi liga ba Kampun baru atu nune’e bele fasilita transporte pébliku ne’ebé dala barak hetan tránsitu barak.

Tuir Primeiru Ministru Kay Rala Xanana Gusmão hateten katak iha 2012 , govenru sei aumenta tan ponte Komoro 2 hodi responde transporte públiku ne’ebé agora dadaun komesa aumenta iha Dili laran atu nune’e bele redus transporte públiku ne’ebé sempre iha tránsitu  ida Dili laran ne’e.

“Iha ona planu governu Aliansa Maioria Parlamentar (AMP) iha 2012 sei aumenta tan ponte Komoro 2 atu nune’e bele responde transporte públiku ne’ebé durante ne’e sempre aumenta iha sidade Dili laran ne’e duni atu aumenta tan ponte komoro 2 atu bele responde transporte públiku ne’ebé sempre iha tránsitu”dehan Primeiru Ministru hafóin  halo diskusaun ba orsamentu Jeral 2012 iha Parlamentu  Nasional, Kuarta (23/11) Eis Prezidente Republika ne’e mos infórma tan katak infra-estutura sai hanesan  fator importante ba dezenvolvimentu nasional , ne’e duni tinan-tinan tenke tau nafatin perioridade ba iha área infra-estutura atu nune’e dezenvolvimentu bele la’o ho diak.

“Dezenvolvimentu atu la,o ho diak tenke hadi’a infra-estutura,  ne’e duni tinan-tinan governu sempre tau  liu perioridade ba iha área infra-estutura atu nune’e  dezenvolvimentu bele la’o hodi diak iha rai ida ne’e”dehan PM