quinta-feira, 23 de fevereiro de 2012

PRESS RELEASE - PARTIDO CNRT NIA PREFERENSIA BA KANDIDATU PRESIDENTE 2012-2017

DECIZAUN CPN – CNRT
UNIKU TAUR MATAN RUAK MAK PRIENXE KRITERIO CNRT

Hafoin estuda no analiza modalidade ba kandidatura presidensial 2012 tuir kriterius nebe adopta no aprova iha Konferensia Nacional Partido iha loron 7-8 Janeiro 2012, Comisaun Politika Nasional (CPN) partido Congresso Nacional da Reconstrução de Timor Leste (CNRT), hakotu hodi ható ba estrutura tomak husi nasional to’o baze katak uniku kandidatu presidensial nebé prienxe kriterius Konferencia Nacional, maka kandidatu presidensial eis Major–General José Maria Vasconcelos, Taur Matan Ruak.
Decizaun né CPN–CNRT foti iha loron 23 Fevereiro 2012 iha reuniaun regular CPN-CNRT, hafoin halo estudo ho analize profundo, konaba profil kandidatu presidensial idak-idak, nebe Tribunal Rekursu halo apuramento official iha Fevereiro 2012.
Tuir desizaun nebe adopta iha Konferensia Nacional iha fulan Janeiro 2012 katak Partido CNRT sei apoia deit kandidatu nebe laos mai husi partidu seluk, maibe so apoio deit kandidatu independente nebe prienxe kriterio nebe foti iha Konferensia Nacional Partido CNRT nian né.
CPN-CNRT, halo ona reuniaun alargada ho estrutura partido CNRT tomak husi Distritu sanulun resin tolu (13) hodi komunika decizaun né formalmente. Partidu CNRT liu hosi diresaun Nacional fo mos instrusaun ba estrutura partido hosi nasional to’o baze, kuadrus, militantes ho simpatizantes tomak atu simu decizaun politika ida ne’e no fo apoio máximu ba kandidatu Taur Matan Ruak, atu alkansa Vitoria iha eleisaun presidensial 2012. 
Press Release, Media CNRT

BREAKING NEWS: OHIN PARTIDO CNRT ANUNCIA NIA PREFERENSIA BA KANDIDATO PRESIDENTE DA REPUBLIKA

Dili - TDF: Ohin, loron Sexta, 24/02/2012, sei iha reuniao alargada ida iha Sede Partido CNRT entre Comissaun Politiko Nacional ho Estrutura Partido CNRT distrito sanulu resin tolu, hodi deside konaba preferensia no apoio ba kandidatu ba Presidente da Republika 2012.

Reuniao ne sei halao iha tuku 10.00 htl, no sei fo sai iha Konferensia Imprensa iha 11.00 htl.

Media Release CNRT.