quinta-feira, 21 de abril de 2011

“CNRT Sei La Kandidata Fila Fali Xanana Gusmao Ba Prezidente da Republika"

CJITL Flash, Deputado Arao Noe, husi bankada partidu Conselhu Nasional Rekonstrusaun Timor – CNRT konfirma katak partidu ne'e sei la kandidatu fila fali Xanana Gusmao ba kadeira Prezidente Republika Timor Leste nian.

Arao Noe hateten ida ne'e iha intervista ho CJITL online, Quarta feira ne'e iha Parlamentu Nasional.

“Iha kongresu Nasional ne’ebe mak sei realiza iha 29 Abril  to'o 01 Maiu ne’e mak sei desidi se mak sei kandidata ba Prezidenti Republika iha 2012” dehan Arao.

Nia hatutan katak Partidu CNRT sei la kandidatu fila fali Xanana Gusmaõ ne’ebe aktual hanesan Prezidenti CNRT ba Prezidenti da Republika, maibe wainhira CNRT manan iha eleisaun 2012 sira sei mantein nafatin Xanana hanesan Primeiru Ministru.

Noe informa katak Partidu CNRT nakloke hodi halo koligasaun ho partidu ne’ebe deit hodi serbisu hamutuk ho objetivu ida deit para bele dezenvolve Timor-Leste, maibe sei la koliga ho partidu sira ne’ebe buka komfrontasaun deit.( Imaculada & Chylda Oliveira/CJITL)