Xanana mak Salva Alkatiri ka Alkatiri mak Salva Xanana ?

By Jose da Costa

Ikus-ikus ne'e FRETILIN BP7 hamosu propaganda no estrategia politika baratu ho nia Autor mak Mari Alkatiri, kuase iha fatin hotu nebe FRETILIN halo konsolidasaun ba, fila ba fila mai mak dehan Xanana iha ona Tahu laran, so Ita mak sei salva Xanana ka hasai Xanana husi tahu laran.

"Ita", signifika iha ne'e mak Mari Alkatiri, komu nia transforma ona FRETILIN ba nia aset pribadi entaun nia hakarak atu dehan katak so ita FRETILIN (So Mari mak bele salva Xanana) ka hasai Xanana husi tahu laran. Deklarasaun ida ne'e, halo ema barak hakfodak sera ke ida ne'e mak dehan soe rai rahun ba povo nia matan atu labele hare buat realidade sira nebe akontese durante ne'e iha palku politika? ou atu desvia atensaun publiko nian liu-liu membro FRETILIN sira nian nebe iha ona dalan ba CNRT atu fila fali, ka materia kampanha mak laiha ona tamba laiha ona fundamentu atu koalia? pergunta hirak ne'e so Mari mak bele fo resposta tamba nia mak fo sai lia fuan sira ne'e.

At liu fali, kala doktrin tiha nia elementus oan sira nebe iha kraik ho liafuan propaganda baratu sira ne'e, ikus mai tama sai uma no fatin balun hodi dehan tan, Mari ho Xanana sei hamutuk iha eleisaun geral 2012. Maibe buat estranho nebe elementu sira joga iha kraik mos mak dehan fali tuir lei ema lebele sai Primeiru Ministro ba Periodo rua, entaun maski karik CNRT mak manan mos sei husu ba FRETILIN atu ukun. Hau senti laran makili oitoan, tamba propaganda sira ne'e, baratu tebes, no buat nebe hau labele imagina mak se konfia an dehan partidu historiko tamba sa mak tenke soe lia bosok ba publiko.

Mari Alkatiri ka FRETILIN mak atu salva Xanana nudar statementu ida nebe laiha base moral. Tamba temi ema seluk nia naran iha nia mensajen politika sa tan Presidente partidu ida nian. Halimar oitoan, hau atu dehan Mari iha hela tahu laran hakarak salva Xanana ba tahu laran hotu? duvida bo'ot. Uluk kuandu Xanana iha serku laran iha Aitana, no iha fatin seluk tan, durante luta ba Timor Leste nia independencia, Mari la mehi atu salva Xanana, Mari toba no hemu diak iha liur neba. Agora ukun an ona, Mari Hakfodak atu salva fali Xanana. Mensajem politika labarik sira nian. Agora komu iha ona situasaun difisil iha palku politika entaun temin netik salva Xanana para povo hanoin oh Mari mos SALVADOR. Ita parese tenke bolu naran "MARI SALVADOR ALKATIRI". Biar nune'e memoria povo Timor nian sei fresko hela, katak Mai ho nia elementu sira mak bolu Xanana Traidor, no hakarak hatun masa liu husi Marca da Pas atu hatun Xanana. Kuitadu teki-teki fila an tiha, maibe "La hetan Babol".

Molok Mari hakfodak atu salva Xanana, Xanana Salva ona Mari antes kedas. Salva Mari oinsa?

1. Iha 3 de Marco 1981, wainira iha Confrerencia Reorganizasaun da luta, Xanana mak hakarak sai  Presidente da Fretilin dalan luan hela, maibe Xanana lakohi tamba nia preokupa ho funu. Xanana fo garantia ba Mari atu sai lider da FRETILIN.
2. Iha 1998 iha ona Reformasi nia laran, husi Cipinang, Xanana haruku Mau Hodu ba to'o Sydney no hakerek karta ba FRETILIN atu organiza an nudar partidu. Husi neba dala ida tan Xanana Salva Mari atu sai ulun ba FRETILIN nian.
3. Iha 2001, ema barak ba Loby inklui partidu kiik sira balun, atu desolve CNRT (Conselho) no hari partidu seluk hodi hasoru FRETILIN, maibe Xanana dehan, lalika tamba hau nia pasagem sira mos hamutuk ho FRETILIN. Dala ida tan Xanana Salva Mari atu sai lider bo'ot no Heroi bo'ot ba FRETILIN.

Hare husi pasagem sira nebe mak iha hatudu katak, molok Mari hakfodak atu salva Xanana, Xanana halo uluk ona ba Mari iha tempu hirak liu ba kotuk. Nebe la tama iha logika se Mari ka FRETILIN mak atu salva fali Xanana. Se Xanana hakarak halo koligasaun, nia sei halo koligasaun ho patidu seluk, laos ho FRETILIN.

Hakarek nain nudar Vendedor ikan iha tasi ibun Lecidere - Dilli

QUO-VADIS POLITIKA IHA TIMOR-LESTE OHIN LORON

Leitores sira:

Diskussaun iha karaik ne adapta hosi diskusao iha RENETIL@yahoogroups.com, tinan hirak liu ba, maibe sei iha relevansia ba analize politika ohin loron.

(I)

By Teodoro 

Iha hare fenomena boot ida iha politika Timor ohin loron. Dala barak, ema barak sai fali mau-lambe ho builambe. Ema bolu malu mau lambe ho mau kose los, tanba sira nia politik balu isin moris tebes muda nia kor kuandu ninia partido sai fraku ona.

Ita hare deit, balu deputado, balu president ho dirijente husi partido seluk, agora sira halai rame-rame ba CNRT tanba sira nian partido rasik iha eleisaun mai ne mate ona. Ema sira ne, ita analisa didiak iha lista partido hanesan CNRT, bele hare ema barak iha neba. Ema sira ne balu dala-ruma iha ambisaun atu ba kaer partidu nia lideransa tanba deit iha ambissaun nebe boot tebes.

Infelismente, ita hare ema buka poder mak barak liu do que luta ba principio hodi hadia povo nian moris. Parasit ho paraquedistas sira ne susar tebes atu hadia povo nian moris, tanba sira halo politika musiman deit, maibe laos ho konviksaun. Ema hotu hateten aat Alkatiri, termasuk hau, maibe hau foti chapeu ba Alkatiri tanba nia hatene defende ninia principio ho konsistente, maski ema barak la gosta nian.

CNRT ne sai fali hanesan fatin penampungan ba ema frustrado sira nebe la iha kapsidade atu kombate mesak Fretilin, sira buka rame-rame tabele ba CNRT hodi les lisuk Fretilin.

Hau sei lembra, sira balu iha Fretilin Mudansa, sira nia hatan partido opozisaun sira dehan katak,"se mak tuku Fretilin liman sei sai tuk, tanba Fretilin besi-asu".

Maibe agora sira rasik rame-rame tuku Fretilin e Fretilin sai tiha hanesan bibi malae diak ida nebe la halo reaksi ida. Afinal besi-assu ne hanesan fali sumasu mamar ida nebe konfortavel los ema tuku, tebe, toba no tuur iha leten. To'o Alkatiri ho Lu Olo dada is labele no hakilar husu tulun mos sira tebe i tuku nafatin.

Lu Olo mos beik, Alkatiri uluk dudu uluk nian ba kandidato presidente hodi ema bomba tasak no to lakon tan. Lu Olo liman ain tebe tun saen hanesan bibi maten ida iha tsunami rai maran ida. Agora Alkatiri mos tauk no nakdedar ona, neduni nia dehan nia lakohi ona halo parte iha Governo mai se Fretilin manan, maibe nia hakarak kaer nafatin partido hodi prepara ba eleisaun 2012.

Alkatiri hatene Fretilin sei lakon iha eleisaun legislativa ne, neduni nia antecipa tiha ona katak la sei halo parte Governo Fretilin mai, maibe nia atu prepara partido ba eleisaun 2012.

So Alkatiri deit mak moe la iha, kaer partido to'o partido lakon rabat rai mos lakohi husik ba ema seluk salva partido.

Ne hatudu katak Alkatiri laos ema estratega diak ida hanesan baibain ema hanoin. Ema estratega diak ida, tuir lolos nia hatene katak tanba nia mak hodi halo partido sai nakfera no lakon, neduni tenki fo fatin ba ema seluk, maibe Alkatiri sei hakarak boot nafatin to'o Fretilin mate los tiha ona mak foin nia para.

Dala ruma ita nia kabun mos makili, quando rona boot Ojectil nian dehan sira halo encontro hodi estuda fraqueza Fretilin nian iha nebe mak halo Lu Olo la manan. Ema buta huruf deit mos hatene katak Lu Olo lakon tanba Fretilin, maibe sira ne sei estuda fali hanesan ema atu estuda ba fulan nebe tenki halo investigasaun barak.

Kader partido nian mak ema sira hanesan ne, entaun Fretilin hein tama museu deit ona.

(II)

Abel Pires da Silva

Fretilin nia problema lo-los ne ema hotu hatene tiha ona: Alkatiri!!! Arogansia nebe mak nia halo ba ema hotu:

1. Timor dehan laiha Uma Lisan!
2. Sarjana husi Indonesia nia dehan Supermi!
3. Resistensia nia dehan Kaixote!
4. Eis-FALINTIL nia bolu Fuk -La-Fase!
5. Igreja dehan halo GOLPE no laos povo mak hili!
6. Xanana ho Ramos Horta, nia dehan truka kuartu!
7. Bispo sira dehan lalika koalia politik tanba Vaticano mak hatudu ho liman deit!
8. Padre/madre sira dehan lalika mete politik!
9.Des-empregu nia dehan Diak liu Nonok! Hare ba Ke'e Fehuk!
10. Ema kiak sira nia dehan Fahi Krekas!

Lu-Olo rasik mos hatene tiha ona, katak Alkatiri mak hun problema ba Fretilin. Durante tinan 5 nia laran, Alkatiri mak setir hela Lu-Olo liu husi nia Adviser ida naran Harold Mucho ne! Ema ida ne la hatene mai husi nebe, maibe sai tiha Lu-Olo nia adviser, isola Lu-Olo husi camarada sira seluk. Praktis, Lu-Olo hein tuir deit saida mak Alkatiri hakarak.

Ita bele halo analisa tun-sae dehan at Fretilin, katak Fretilin atu tama museu mos, Fretilin sei la lakon husi mapa politiku TImor nian!

Hasai tiha Alkatiri, entaun ema ida sei laiha tan razaun atu trata at Fretilin! Fretiln sei hamrik hamutuk fila fali kuandu CAUSA-PRIMA problema hotu-hotu iha Fretilin (Alkatiri) hasai tiha ona!!!

La kusta buat ida mai Fretilin atu manan fali votus nebe mak lakon!

(III)

Victor Tavares


Ita koalia buat aat hirak iha Fretilin ne'e ba ita nebe ho hanoin mos ne'e diak, atu ema sira Fretilin bele reflete hodi buka mudansa. Maibe ba ema Fretilin sira justru la gosta ema seluk koalia sira nian partido nian problema maibe anehnya sira nian partido mout dadaun ona, sira seidauk rekonhese katak partido Fretilin hanesan ema ida karik hetan trombose bele hetan paralizia. Aneh liu tan sira sei hahii aas Alkatiri nebe ita hotu haree momos hakoi moris Fretilin hodi ninian ambisaun pesoal. Maibe ema sira nebe sei haleu MA nian sorin seidauk hanoin hetan konsekuensias todan nebe Fretilin nudar partido boot ida iha Timor hetan dadaun, sira sei kumu metin istoria funu hahu hodi doko liman hatauk povo, atu povo fiar nafatin sira no hili nafatin Fretilin hodi ukun.

Ha'u nudar Timor oan nebe kuaze kalan-loron kritika Mari Alkatiri ho dirijentes boot sira iha Fretilin no mos sempre alerta problemas nebe Fretilin iha, ida nee la'os la gosta Alkatiri pessoalmente ka ba ha'u nian intereses hodi hateten aat Fretilin lae ! Maibe rasional no siente katak partido boot hanesan Fretilin ninian ejistensia no "forte" ka boot hanesan ho ninian naran ne'e importante tebes iha ukun an ida ne'e nian laran.

Tanba iha realidade povo Timor, balu sei fo ninian fiar ba partido ida ne'e.

Karik Fretilin ninian ejistensia ne'e iha realidade partido nebe solidu, konsensual, no funsiona tuir NORMAL nian, se karik nune'e ha'u mos la retira ha'u nian simpatia no apoio ba partido historiku ida ne'e, i se mak hatene karik ha'u bele defende liu fali ema sira mate bandeira hun. Infelizmente Fretilin nebe ha'u hatene ninian ejistensia iha anos '70, atrai ha'u nian simpatia durante anos '80, maibe hahu 2001 Fretilin sai buat seluk ida nebe halo ha'u lakon fiar tomak. Neduni, horiseik ha'u hato'o ba maluk Timor oan ida nebe duvida tebes ho ha'u nian pozisaun, até husu ha'u atu la bele preokupa demais ho Fretilin, dehan katak Fretilin iha estrutura etc.etc.

Ohin ha'u hakarak repete tan hato'o ba maluk Timor oan sira nebe halibur hamutuk iha Fretilin katak, ha'u preokupa duni, ha'u nian preokupasaun karik hanesan mos ho ema barak nebe balu la iha meius hanesan ha'u no sira seluk atu hodi hato'o sira nian preokupasaun liu hakerek iha meius de informasaun. Secara akal sehat babain ema nian kritikas ba funsionamentu organizasaun nebe ladun diak ka ba lideres ruma nebe ninian atitudes la diak ne'e atu hetan efeitu nebe diak, atu iha mudansa iha funsionamentu ka metudus organizasaun nebe la diak ka atitudes lideres sira nebe aat. Maibe em jeral ema haree buat ne'e husi segi aat deit nebe ema nian kritikas, sujestoins hirak mos la iha efeitu tanba interpreta indevida kritikas ka sujestoins barak nebekonstrutivu.

É muita pena !

Bom dia ba hotu-hotu !

Prezidente P-CNRT fó pose ba Koordenador sira iha Taibesi atu hametin estruktura iha Baze

Monday, 04 July 2011 15:56 Written by Pedro Delfim

Dili-Prezidente Partidu Kongresu Nasional Rekontrusaun Timor Leste (P-CNRT) Kay Rala Xanana Gusamão fó  pose ba koordenador serlkom no nurep atu hametin estrutura iha baze hodi garantia ba elisaun jeral 2012.

Tuir Prezidente Partidu Kongresu Nasional Rekontrusaun Timor Leste (CNRT) Kay Rala Xanana Gusmão hateten katak husu  ba koradenador hotu atu bele haklaken no habeler programa partidu nian ba iha ita nia militante sira hotu atu iha baze, atu nuene bele garantia Vitoria iha elisaun jeral 2012.

“Ohin loron ita bo’ot sira simu ona kna’ar todan ida ne’e hodi habeler no haklaken tan programa partidu nian ba iha ita nian Militante sira hotu no ba povu rai ida ne’e atu bele hatene klean liu tan programa saida maka CNRT atu halo bainhira povu fó fiar iha 2012”. Dehan Xanan hafoin partisipa iha konsolidasaun iha Suku Lahane Oriental Sub-Distritu Nain Feto,Distritu Dili Sábdu (2/07/11).

Nian mos informa tan ba militante sira katak Paritudu CNRT mosu hafoin fulan rua tama ba elisaun 2007 ho nian prinsípiu rasik atu bele hasai povu husi kiak  mukit,no atu hakuak ba ema hotu atu dada ema sira husi nian sanak atu bele buka nian hun no abut iha ne’ebe ida ne’e mak Prinsipiu paritudu CNRT nain.

“Partidu CNRT mosu hafoin fulan rua tama liu ba iha elisaun jeral 2007 CNRT sei hetan kadeira 18 iha Parlamentu Nasional ne’e duni ohin loron CNRT mosu halo tinan hat (4) ona  hau fiar katak CNRT sei  hetan kadeira tuir ita nian formula 45 + iha Parlamentu Nasional  hodi kaer governu iha 2012”dehan Xanana

Prezidente ne’e mos informa tan ba militante sira hotu ne’ebe ohin loron mai hamutuk iha fatin ida ne’e hatudu katak ita iha fatin ida ne’e iha hanoin ida deit no objektivu ida atu bele lori nasaun ida ne’e ba oin.

Iha parte seluk hanesan Kordenador Partidu CNRT Sub-Distritu Naine Feto Jaime de Fatima hateten katak iha Sub-Distritu Nain Feto agora dadau Struktura to’o ona iha baze no nia fiar katak iha Sub- Distritu Nain Feto CNRT sei manan Maioria. “Ho estruktura foun ne’ebé ohin simu pose hau fiar katak sei sei esforsu an hodi servisu maka’as atu nune’e partidu CNRT sei bele manan maioria iha Sub-Distritu Nain Feto”dehan Jaime hafoin partisipa iha Konsolidasaun.

PM Xanana Gusmão lança Plano Estratégico na Reunião dos Parceiros de Desenvolvimento

Díli, 04 jul (Lusa) -- O primeiro-ministro de Timor-Leste, Xanana Gusmão, vai apresentar aos parceiros de desenvolvimento o Plano Estratégico de Desenvolvimento Nacional (PED), que define estratégias integradas nos vários setores até 2030.

A versão final do documento foi aprovada na última reunião do Conselho de Ministros, uma "maratona" que se prolongou pela madrugada de hoje, e reúne em cerca de 200 páginas os planos estratégicos setoriais elaborados pelos diferentes ministérios, para curto, médio e longo prazo, e o resultado de cerca de 70 consultas comunitárias realizadas desde abril de 2010.

"O plano foi desenvolvido para inspirar mudanças, apoiar ações coletivas ousadas e pensar num futuro melhor", refere uma nota do Conselho de Ministros.

Vontade política, potencial económico, integração nacional e população dinâmica são os atributos com que o Governo conta para a transformação de Timor-Leste, até 2030, "de um país de baixos rendimentos para um país com rendimentos médio-altos, com uma população saudável, instruída e segura", mediante as estratégias e ações estabelecidas no PED.

O plano é um pacote integrado de políticas estratégicas a serem implementadas a curto prazo (um a cinco anos), a médio prazo (cinco a dez anos) e a longo prazo (dez a vinte anos).

Segundo o Governo, o plano está alinhado com os Objetivos de Desenvolvimento do Milénio das Nações Unidas, mas é mais do que um conjunto de metas porque pretende estabelecer uma orientação que possibilite um desenvolvimento inclusivo, sustentável e a longo prazo em Timor-Leste.

O Plano visa "desenvolver infraestruturas fundamentais, recursos humanos e o fortalecimento da sociedade, bem como o crescimento do emprego no setor privado e nos setores industriais estratégicos, tais como a agricultura, o turismo em crescimento e indústrias a jusante no setor do petróleo e do gás".

O documento fornece um quadro para a identificação e avaliação de prioridades e um guia para a implementação de estratégias e ações recomendadas, estando dividido em três partes: capital social, infraestruturas e desenvolvimento económico.

O lançamento do PED será feito formalmente em Díli, durante a Reunião dos Parceiros de Desenvolvimento de Timor-Leste (RPDTL), que vai decorrer no Centro de Convenções, entre os dias 11 e 13 de julho.

MSO.

Lusa/Fim