Sexta-feira 7 Outobru 2011
Jornalista Timor Doben Furak: Joao Inocêncio Pires
TDF - Dili: Planu Politika Ministerio Edukasaun no ninia pariseiru atu implementa lingua maternal hodi hanorin iha escola hanesan politika diak no sei la perturba dezenvolvimentu iha Timor-Leste ba futuru.
Membro Sindikatu Profesores Timor-Leste Antonio Soares hateten politika ida ne’e sei diak liu ba Timor tanba sei kuda-metin ba Timor oan sira sira ni abut, identidade no konhesimento profundo konaba sira nia lian rasik. Antoninho hatete lia ne hodi la konkorda ho Presidente Agostinho Soares nia statement nebe dehan katak politika ne sei “fo espasu foun atu hafahe jerasaun foun iha Timor-Leste ba future”.
Agustinho nia lia fuan ne hanesan mos ema-lobuk ida iha komite Sentral Fretilin nebe hatete katak “lingua materna” Timor nia sei primitive. Ema sira ne kestiona governo nia politika ne, tanba deit sira lakohi atu introduz ka hanorin ita nia oan sira atu hatene ita nia dalen rasik, nebe hatudo ita nia identidade, no hodi prezerva ita nia kultura, tenik Antonio Soares horiseik iha nia hela fatin iha Bekora.
Antonio kestiona Sindikato Professores Timor Leste nia representante Agostinho Soares hanesan koalia hodi representa fali ema sira uma-lulik laiha no ema sira nebe laiha identidade forte iha Timor-Leste nebe agora dadaun halo hela politkka kontra decizaun governu ne nian. Agostinho tenki hatene katak, nudar Timor oan ita mak tenki defende ita nia kulutra nia lingua materna laos fali defende ema sira abut laiha Timor-Leste na hanoin, tenik Antonio.
Iha fatin seuk, Juvitu Moreira hosi Daudere Lospalos kontenti katak ho politika ida ne, sei hanorin liu tan ema Lospalos atu aprende diak liu tan Fataluco no mos lian Mak’oa ho Sa’ani, lian rua nebe atu lakon dadauk ona. Tuir Juvitu “ita lalika ba rona ema sira nebe abut laiha iha Timor, nebe sempre hatete katak ita nia identidade primitif hodi dehan katak sira nia lian mak diak liu iha Timor ne”.
Tamba ne’e Juvitu Moreira hatete Governu ho nia periseiru tenki kontinua ho politika implementasaun lian maternal iha eskola hodi bele prezerva ita nia identidade no future ba labarik sira.
“Lingua maternal importante atu uja iha sistema ensinu iha Timor-Leste tanba ne bele ajuda it ania oan sira nebe seidauk hatene Tetum no Portugues simu lalais ensinu basiku nebe sira hetan ho sira nia lian rasik” tenik Antonio Soares. Nune mos populasaun ida iha Tilomar, Suai naran Filipe Tilman nebe mos apoia politika governu ne nian sujere ba Ministerio Educasaun no ninia pariseru atu implementa politika ne lalais, tanba selae, neneik neneik ita sei lakon hotu ita nia lingua maternal ka ita nia identidadi rasik.
Ne’e duni governu tenki tau planu dezenvolvimentu lingua maternal iha ambitu lingua rua nebe konsituisaun rasik haruka rua mak hanesan Portugues no Tetum, atu mos bele prezerva ita nia lingua maternal ho diak. Met
