segunda-feira, 28 de fevereiro de 2011

Cecilio: Hakarak Simu Nafatin Osan, Tenki Vota ba CNRT


.
Written by Pedro Delfim - Monday, 28 February 2011

CJITL Flash, Partidu Conselhu Nasional Recontrusaun de Timor Leste (CNRT) halo konsilidasaun partidu nai iha Distritu Ermera, Su-Distritu Ermera Sucu Estadu, atu bele hametin estrutura partidu nia iha baze.
Tuir Cordenador Consolidasaun Partidu CNRT, Cicilio Caminha Freitas hateten katak militantes hotu-hotu tenki hametin unidade Nasional nune'e bele trasa planu ne’be CNRT halo ona atu bele realiza mehi partidu.

“Programa partidu CNRT hakerek tiha ona iha politika partidu CNRT nia katak Ferik ho katuas sira sei nafatin hetan osan, no Veteranus sira sei nafatin hetan subsidio husi governu tenke tau nafatin konfiansa ba Partidu CNRT atu bele manan iha elisaun jeral 2012” dehan Caminha iha Distritu Ermera Sub-Distritu Ermera Sucu Estadu Sabdu (26/02).

Nia mos hatutan katak Partidu CNRT iha ona politika rasik atu bele fo nafatin subsidiu ba ferik ho katuas sira, veteranus sira no mos sei fo bolsa estudu ba Timor oan sira ne’ebe hakarak atu eskola maibe la iha kbit partidu CNRT halo ona planu atu bele realiza maibe atu planu ne'e povu rasik mak sei diside iha eleisaun 2012 oin mai.

“Banhira povu iha Distritu ida ne’e fo konfiansa ba Partidu CNRT mak partidu CNRT sei realiza program ne’ebe partidu CNRT trasa tiha ona atu nune'e bele realiza iha tinan oin mai”dehan nia.

Iha fatin hanesan Vice Partidu CNRT Virgilio Smith hateten katak partidu CNRT nakloke ba militants hotu-hotu maske nia iha partidu seluk maibe CNRT nafatin nakloke ba militantes hotu-hotu atu bele partisipa iha programa partidu nia kualker partidu.

“Partidu CNRT sei la bandu nia militantes atu ba partisipa iha programa partidu seluk tanba partdu CNRT partdu ne’ebe atu liberta povu no partidu unidade nasional ne’e duni husu ba militants hotu-hotu atu bele partisipa iha programa kualker partidu maibe la haluha fo nafatin konfiansa ba Partidu CNRT”dehan Smith.

Iha fatin seluk hanesan Cordenador Sub-Distritu partidu CNRT Jose Salsinha das Neves hateten katak ho konsolidasaun ida ne’e sei hametin tan estrutura partidu nia iha Distritu Ermera liu-liu iha Sucu Estadu no ami iha espransa bo’ot iha eleisaun 2012 partidu CNRT sei menan maioria iha Sub-Distritu ida ne;e liu-liu Sucu Estadu.

“Hau sei nafatin esforsu an iha Sub-Distritu ida ne’e liu-liu iha Sucu Estadu Partidu CNRT sei manan maioria iha elisaun 2012 tian oin mai” dehan Jose. (Pedro Delfim/CJITL)

2012,“FRETILIN Mudansa Nakfila Ba Partidu”


.
Timor Post - Segunda, 28 Fevereiru 2011

Dili-“Planu Grupo FRETILIN Mudansa atu hamrik mesak nudar Partidu ida iha ona Sinal Pozitivu, Minimu, molok tinan 2012, Politika no Militante sira iha ‘grupu’ ne’e deklara sai Partidu Politiku.
“Oras ne’e, FRETILIN Mudansa iha hela faze konsultasaun, atu rona opiniaun husi militante no lideransa sira iha distritu tomak, molok hasai desizaun,”Sekretariu Jeral Grupu FRETILIN Mudansa, Dr. Jorge Da Consecão informa ba Timor Post, Sabadu (26/2) iha Salaun Parokia Becora, Dili.

“Ami sei konvida lideransa no strutura FRETILIN Mudansa husi distritu hotu, atu halo deklarasaun ho intensaun ho hamrik rasik,”Teme dehan tan.

Durante tinan hat nia laran, pregunta barak mosu iha publiku, kona ba distinu FRETILIN Mudansa atu ba loos ne’ebe?,”Jorge hasai pergunta ne’e.

FRETILIN Mudansa mosu iha tinan 2006, hafoin krize 2006, momentu ne’eba, sira ne’ebe to’o hikus deklara a’an ba FRETILIN Mudansa, senti la haksolok ho lideransa Marí Alkatiri eleitu fali iha kongresu nasional FRETILIN Setembru 2006, ba Periudu 2006-2011.

Kona-ba naran FRETILIN, bainhira sai ona partidu Politiku, Jorge Teme, eis Embaixador Timor Leste ba Australia no Nova Zelandia dehan,”Agora ami sei kontinua ho naran FRETILIN, tamba sira sei iis husi FRETILIN, Ami seidauk bele deklara naran,”nia dehan.

Jorge mos labele responde pergunta, karik FRETILIN Mudansa atu hamutuk fali ho Partidu istoriku FRETILIN?, resposta ne’e so bele fo sai ba publiku, depois de remata konsultasaun iha distritu tomak,”Jorge hatutan.

Maske nune’e, nia hatutan, FRETILIN Mudansa pronto no preparadu atu compete ba elisaun Jeral no elisaun Parlamentar 2012, tamba estrutura FRETILIN Mudansa kompleta ona to’o suku no Aldeia iha teritoriu tomak, nia klaim, Militante FRETILIN Mudansa ne’ebe registradu, to’o ona ema nain 60.000.

“Ami iha optimismu sei hetan kadeira iha elisaun tinan oin mai, no povu sei fiar ami, atu reprezenta sira iha Parlamentu nasional,”nia dehan.(myn)
.