Rai iha Timor Plaza nia sorin Familia Alkatiri hadau husi rai nain iha Indonesia nia ukun

Quinta-feira, 2 de Junho de 2011

Dili, Aileba Lian (AL). Tuir ema hotu hatene, se maka rai barak liu iha Dili laran,bele sura ho liman fuan deit,familia Carrascalao,Alkatiri no Albano. Sira hetan beneficiu husi kolinial Portugal nia ukun,iha tempu liu husi dekretu Governador,halo kontratu entre Administrasaun colonial ho sira ne’ebe maka nudar koloboradores ba autoridade colonial. Kompensasaun ida ne’e, autoridade colonial fahe rai parte Tasi ibun ba familia Alkatiri hodi kuda nu, husi parte delta agora ba familia Albano hodi halo natar,no parte Comoro to’o ba rai kotu ba familia Carrascalao hodi halo explorasaun ba industria Tabaco.

Maibe dekretu ka Lei colonial maka fo dalan no mahon ba sira hodi explora rai povo Maubere/Aileba nian. Iha tempu Okupasaun illegal Indonesia nian, familia rua (2) Carrascalao ho Alkatiri hetan beneficiu husi autoridade adminsitrasaun okupantes nian.Sasan sira ne’ebe dehan katak pretence ba sira fan hotu ona,hare deit parte Pertamina oras ne’e dadaun fan ona ba autoridade okupantes Indonesia. Oras ne’e dadaun mos sira sei reklama katak ne’e pertence ba sira nian. No fo arendamentu ba tan ema seluk,inkluindu Pertamanina rasik no aluga parte sorin hodi halo konstrusaun edificiu foun.

Tuir sira ne’ebe maka nain lolos ba rai ne’e lokaliza iha Timor Plaza nia sorin,ne’e nain lolos husi Timor oan lubung ida,inkluindu Sr.Jose Soares ne’ebe hela iha Manleuan. Husi familia balun ne’ebe nain lolos ba rai iha Timor Plaza denuncia husi Face Book (FB) katak “tuir Vitor Lay, Husu tok ba mari, nia hatene ga lae? kona ba rai familia alkateri sira dehan sira nian ne, hau hatene uituan kona ba rai ida PLASA TIMOR ne se nia rai? sira nia familia hadau husi povu beik ten sira iha tempu indonesia... ...Tempu indonesia povu labele koalia, agora mos povu sira sira hadau ne labele koalia nafatin, neduni rai sira sira hadau ne povu vitima sira ate agora labele koalia nafatin..... ida ne mak ita koalTempu indonesia povu labele koalia, agora mos povu sira sira hadau ne labele koalia nafatin, neduni rai sira sira hadau ne povu vitima sira ate agora labele koalia nafatin..... ida ne mak ita koalia injusto...Tempu Indonesia Povu rai nain labele koalia tamba sira uja forsa okupantes sira hodi ameasa povu Maubere/Aileba ne’ebe nain ba rai ne’e”.

Hatutan Vitor Lay,” Rai nia nain ne iha ema lubun ida inklui hau nian tiun ida naran Jose Soares (ema la eskola, le lahatene), agora dau-daun nia hela iha Manleuana igreja nia sorin, tempu indonesian nian sira hamutuk ho militar indonesia baku hau nian tiun ne..., atu oho tan mas destinu mak seidauk to, dokumentus ema hadau no les tena. Tempu ukun an sira lori ba tribunal ona mas ita hatene deit se mak ita hasoru ne?? laiha ema ida bele ajuda ema sira ne??? Ne mak ita atu buka justiça?".

Neduni koalia konaba Korupsaun,ema hanesan Mari Alkatiri iha autoridade moral ba koalia?Koalia konaba ukun lori povu Maubere/Aileba, bele duni iha autoridade moral no politika koalia loro sira nian naran?

*UNMIT apologize to PM Gusmao

*Independente, Jun 1, 2011 language source: Tetun

President Jose Ramos Horta said the Special Representative of the United Nations Secretary General in Timor-Leste, Ameerah Haq has apologized to Prime Minister Xanana Gusmao regarding the recent statements in the report of the United Nations Integrated Mission in Timor-Leste (UNMIT) saying PM Gusmao is an obstacle to democracy and national development in the country.

The Special Representative of UN, Ameerah Haq has talked to me that she had also
spoken to Prime Minister Gusmao expressing her apology about the statement of a UNMIT staff,

President Horta said. President Horta stressed it is important for UNMIT to select qualified staff to observe situation in any countries and should not select unqualified staff.

Timor Leste: GOVERNO APOSTA FORTE NA ENERGIA SOLAR PARA ELETRIFICAÇÃO RURAL

SAPO TL

No passado dia 27 de Maio, o Secretário de Estado da Política Energética, Avelino Coelho, assinou 23 acordos com chefes de suco para implementação de unidades fotovoltaicas (painéis solares) em seis distritos de Timor-Leste, informa a página do governo timorense.

Dos acordos assinados, 12 são para a continuação de projectos já iniciados, os restantes 11 destinam-se à implementação do projecto em novas zonas. A saber, Ailelo, Atabae, Beremana, Foholau, Humboe, Lesuata, Manlala, Matorek, Orana, Samara e Tibar.

Segundo a página do Governo, para além destes acordos, foi ainda assinado outro para a implementação de um projecto-piloto de uma central solar comunitária no suco de Mertuto (sub-distrito e distrito de Ermera) com a capacidade de 2 KW.

Desta forma, a Secretaria de Estado da Política Energética continua a fomentar a utilização das energias renováveis como alternativa para a electrificação das áreas rurais, contribuindo para a promoção do crescimento económico e a redução dos níveis de pobreza das zonas visadas.

SAPO TL com Governo Timor-Leste

Tribunál Distritál Díli julga membru Besi Merah Putih ba kazu krime graves ne’ebé akontese iha tinan 1999

Komunikadu Imprensa

Periodu           : Maiu 2011

Edisaun          : 31 Maiu 2011

 

Iha loron 26 Maiu 2011 Tribunál Distritál Dili julga kazu krime graves ne’ebé akontese iha tinan 1999 depois de Referendu. Kazu refere aprezenta ba tribunál  ho Nú. 13/C.Ord/2011. Julgamentu ne’e rasik dirije husi juizes kolektivu ne’ebé kompostu husi Juiz Dr. João Felgar (Juiz Internasionál) Dra. Rosa Brandão (Juiza Internasionál) no Dr. Deolindo dos Santos (Juiz Nasionál), no Ministériu Públiku reprezenta husi Dr Franklin A. Furtado (Prokuradór  Internasionál) no arguidu rasik hetan defeza husi Dr. José da Silva, husi Eskritóriu Defensoria Públiku.

 

Julgamentu ba membru milisia Besi Merah Putih (BMP)  ho inisiál VL ne’e loloos hala’ó mós ba membru seluk ho inisial AdJ,  ne’ebé  nu’udar VL nia komandante iha momentu ne’ebá.  Maibé tanbá arguidu AdJ to’o oras ne’e seidauk fila hikas husi Indonézia, Ministériu Públiku no Defensor husi arguidu husu ba tribunál atu halo julgamentu separadu ba arguidu ida seluk wainhira nia fila hikas ona mai Timór Léste. Pedidu ne’e, bazeia ba artigu 25(c)  Kódigu Prosesu Penál konabá separasau ba prosesu. Bazeia ba pedidu ne’e, julgamentu ba arguidu VL hala’ó nafatin tuir orariu ne’ebé Tribunál marka tiha ona.

 

Diretór ezekutivu JSMP Luis de Oliveira Sampaio deklara katak julgamentu ba kazu krime grave ne’ebé akontese iha tinan 1999 depoisde Referendu hanesan pasu ne’ebé refleta prinsípiu Konstituisionál ne’ebé defini iha Artigu 160 Konstituisaun ne’ebé ejije justisa ba krime sira iha tempu pasadu nian atu prosesa tuir Tribunál nasionál ka internasionál. Tanbá ne’e, mesmu preokupa ho prosesu ne’e rasik nia lalaok iha aspeitu rekursu umanus no koñesimentu autór judisiáriu sira nia ba prosesu ne’e relasiona ho krime graves nian, maibe enkoraza ema hotu atu nafatin fo konfiansa ba Tribunál atu halo nia funsaun tuir lei no Konstituisaun haruka.

 

JSMP haksolok ho desizaun Tribunál Distritál Dili relasiona ho pedidu  Ministériu Públiku nomós husi Defensor ne’ebé husu ba tribunál atu separa prosesu julgamentu bazeia ba artigu ne’ebé prevê iha artigu 25 (c) Kódigu Prosesu Penál, ne’ebé defini katak exesionalmente, bele haketak prosesu, ofisiozamente ka tuir rekerimentu kuandu bele hamósu atrazu sensivel ba prosesu.

 

Ba kazu refere, mesmu iha faktus barak ne’ebé hatudu involvimentu arguidu nu’udar membru aktivu BMP iha Distritu Liquica antes, durante no depoisde referendu, maibé Ministériu Públiku, akuza arguidu ho krime kontra humanidade, homisídiu konsumadu hasoru matebian Patriçio Sarmento Viegas iha loron 6 de Setembru 1999 iha tasi ibun Pala, Liquiça. Tuir Ministériu  Públiku, aktu ne’e konsidera hanesan parte ida hodi halo ataké generalizasaun sistemátiku kontra populasaun sivíl ho koñesimentu públiku. Hahalok ida ne’e kontra ona artigu 5. 1 (a) no 14 iha Regulamentu UNTAET No 15/2000,

 

Wainhira tribunál lê akuzasaun ba arguidu VL, ba ninia involvimentu durante periodu krize tinan 1999 nu’udar milisia BMP, arguidu halo rejeisaun totál ba akuzasaun ne’e tanbá iha ninia deklarasaun ba tribunál katak iha momentu ne’ebá nia ho nia família sira evakua ba iha Atambua (Indonézia) iha loron 6 de Setembru 1999 iha oras 10:00 dader. Arguidu mós deklara katak nia la hatene tanbá sa mak halai husik hela nia rain ba Indonézia. 

 

Tuir observasaun JSMP nian durante prosesu jugalmentu, wainhira juiz no ministériu públiku husu perguntas ba arguidu ka halo cross check ba faktus relasionadu sira, arguidu hatan ho reazem makaas no manifesta atitude ne’ebé la hatudu respeitu ba Meritísimu juizes sira iha Tribunál. Arguidu hatan ba perguntas hirak ne’ebé dirije ba nia hanesan arguidu no koko atu dezafia perguntas ba Meritísimu juizes sira. Ezemplu ida husi resposta arguidu nian ba juiz nia pergunta mak nia hatan ba Meritísimu juiz katak “sé o hatene ona nusa o husu fali mai hau?”

 

Depoisde rona tiha deklarasaun husi arguidu VL, tribunál deside hala’ó fila fali ka kontinua fali julgamentu ba membru BMP ne’e iha loron 2, 3, 6, no 7 de Juñu 2011 hodi rona fali depoimentus husi testemuñas sira ne’ebé hamutuk totál ema 42 bazeia ba informasaun ne’ebé mak JSMP konsegue kolekta.

 

JSMP hanoin katak importante teb-tebes ba entidade no parte hot-hotu, tantu individu ka koletivamente atu dignifika papél estratéjiku husi instituisaun judisiáriu sira iha kontestu prosesu dezemvolvimentu nasionál nian. Partikularmente, JSMP hein katak orgaun soberania sira bele ezerse sira nia kbi’it konstituisionál tuir regra sira ne’ebé defini ona iha Konstituisaun. Kazu krime grave, krime kontra umanidade, jenosida nu’udar krime ne’ebé afeita dignidade umana, tanbá ne’e, ejije ba sosiedade hotu iha mundu rai-klaran atu hakribi krime hirak ne’e, liu husi, fó fatin no apoiu prosesu justisa to’o nia finalidade.

 

JSMP mós enkoraza arguidu atu respeita funsaun Tribunál nian, no husu ba arguidu atu kolabora ho prosesu, no karik sente la konfortavel atu koalia bele uza nia direitu fó ka la fó nia deklarasaun tuir saida mak defini iha letra (c), husi Artigu 60 Kódigu Prosesu Penál, duque halo reazem hasoru autoridade judisiáriu durante prosesu julgamentu nia laran.

 

Atu hetan informasaun kle’an favor kontaktu direitamente:

Luis de Oliveira Sampaio

Diretór Ezekutivu JSMP

Diresaun e-mail: luis@jsmp.minihub.org

Landline: 3323883

 

“Asia-Pacifi Roundtable” internasional iha Malayzia Debate Maka’as Konaba Siguransa ho Defeza

Thursday, June 2nd, 2011 | Posted by TimorExpose

Direitor NGO nasional Fundasaun Mahein (FM) Nelson Belo,partisipa inkontru “The Institute of Strategic and International Studies (ISIS) Malayasia, tuir ASIA-PACIFIC ROUNDTABLE Meeting ba dala 25 nian iha Kuala Lumpur husi dia 29 Maiu-1 Junhu 2011.

Iha inkontru ne’e matenek nain husi universidades sira,  husi NGO sira ne’ebé serbisu ba area siguransa ho Defesa nian, husi Akademisi Universidades sira seluk hanesan iha Amerika, Korea do Norte, Korea do Sul, Xina, Australia, Singapura, Indonezia, kombodia, ho Malayzia e  mos ho autor siguransa nian husi nasaun sira iha Sudeste-Aseatiku, Sira hotu fahe sira nia informasaun husi aspeitu pesimista no optemista nian iha area siguransa ho defeza ba malu. Iha inkontru ne’e barak liu mak debate konaba nasaun boot sira hanesan Amerika ho Xina nia influensia iha seitor siguransa ho defeza nian, nebe’e mos hamosu perguntas barak-barak iha regiaun ne’e.
Asia-Pacific Rountable nebe’e loke husi Vice Premeiru Ministru Malayzia DR. Hj. Mohd Yassin, deklara katak inkontru ida ne’e atu esplora hanoin diak husi parte hotu-hotu atu bele kria paz no prosperidade iha regiaun Sudeste-Asiatiku.
Iha fatin seluk DR. Marty Natalegawa, Ministru Estranjeiru Indonezia nian  mos afirma katak komunidade ASEAN sei forte no sei hari’i lidun ida ne’e halo koperasaun diak ho nasaun boot sira hanesan Xina, Amerika ho Japaun.

Iha  biban hanesan, DR. Natalegawa mos katak proposta Timor-Leste nian ba prosesu integrasaun ba komunidade ASEAN no husu ba komunidades ASEAN seluk iha regiaun ne’e atu fo suporta ba Timor-Leste.

nune’e mos DR. Surin Pitsuwan, Sekretariu Jeral ASEAN ne’ebe hasoru Direktor Fundasaun Mahein, Nelson Belo mos fo nia suporta konaba proposta Timor-Leste ba komunidade organizasaun ASEAN.
Fundasaun Mahein nia partisipasaun iha Asia-Pacific Roudtable ne’e hanesan rekuinesementu internasional nian ba NGO nasional sira hotu nia kontribuisaun ba prosesu dezenvolvementu iha seitor siguransa ho Defeza. Tuir Direitur Fundasaun Mahein, katak rekuinesementu ida ne’e hanesan motivasaun ida ba FM no NGO nasional sira seluk iha Timor-Leste atu kontinua halo nia kna’ar nudar parseiru dezenvolvementu ho governu atu dezenvolve liu liu iha areia seitor siguransa ho defeza nian.

Iha Asia-Pacific Rountable Direitur FM mos esplika ba partisipante sira katak kapasitasaun ba institusan  Seitor Siguransa ho Defeza iha Timor-Leste kontinua la’o nei-neik maibe dezenvolve  bebeik no ho tulun sira husi nasaun sira seluk husi komunidade ASEAN ho internasional sira seluk. Direitur ne’e mos afirma katak profesionaliza institusaun iha Seitor Siguransa ho Defesa hasoru dezafiu boot nudar hanesan nasaun foun, maibe esforsu maka’as hosi lideransa Timor-Leste nia kapasidade nebe’e kontinua hamosu solusaun diak ba obstaklu sira ne’e.

Hein katak suporta husi Indonezia, kamboja, Thailandia, Burnai ho komunidade ASEAN seluk ba Republika Demokratika de Timor-Leste nia proposta hanesan rekuinesementu pozitiva husi komunidade iha regiaun ne’e ba prosesu Timor-Leste nia integrasaun ba ASEAN signifikadu tebes. Tanba geografikamente Timor-Leste nia pozisaun termina maka’as sai aliadu ba organizasaun ASEAN. Fundasaun Mahein mos espera katak prosesu integrasaun Timor-Lesta ba AEAN la’os sai aumenta numeiru deit iha regiuan ne’e maibe mos fo kontirbusaun ba prosesu dezemvolvementu iha seitor hotu hotu iha regiun ASEAN.(*/TE)

MARI ALKATIRI LAIHA ONA KILAT-MUSAN ATU TIRU ALIAS “POLITIKAMENTE IMPOTEN”

Jornalista: Manuel Pinto

02-06-2011

TDF Dili: Mari Alkatiri, Sekjen Fretilin, bazikamente laiha ona kilat musan hodi tiru maun  Xanana, CNRT ho AMP, alias politikamente IMPOTEN. Tanba né mak iha nia kampanha oin-oin iha distritos, nia uza fali Xanana hanesan kilat musan hodi lohi militantes Fretilin rasik.

Lia-fuan sira né hasai hosi Vicente Mau-Bocy, Presidente partido foun FRETLIN-MUDANSA, bainhira dada lia kinta semana né ho jornalista né. Tuir Maubocy, durante né Alkatiri sempre ataka Xanana, maibe nia hatene katak povu maubere asswain sei la hosik Xanana no sei kontra Mari rasik ho Lu-Olo (Mari-Lu), no sei hamutuk defende ka sei vota hotu ba Xanana ho CNRT iha eleisaun 2012.

Tanba né iha kampanha sira Fretilin halo antes ona de eleisaun geral, Mari Alkatiri lohi povu katak Fretilin mak sei hasai Xanana hosi tahu-laran. Mari Alkatiri nia koalia ida né hatudo katak nia kilat-musan laiha ona ka “politikamente IMPOTEN”. Impoten katak, ema nebé laiha ona kapasidade ho forsa hodi produz buat ruma (termu biolojia: manu-oan/penis maten) ka labele halo oan ona. Tanba Mari nia impoten né, Mari Alkatiri agora uza fali Xanana hanesan kilat-musan hodi tiru atu manaan votus. CNRT tuir Deputado Arao Noe, kondena makaas Mari Alkatiri nia hahalok mafiozo ne, hodi husu Mari Alkatiri para uza Xanana nia naran ba nia "kepentingan".

Tuir Joao Reis, militante CNRT ida, Mari-Lu so hatudo dei baixeza iha politika, no moe mos laiha ona atu uza fali Xanana hodi manaan votus. Xanana rasik iha okaziaun barak hatete, “nia nunka fiar Fretilin radikal sira iha BP-7, apalagi Alkatiri atu hasai nia hosi tahu laran. Justru sira mak sei hatama fali hau ba ahi no tahu-laran karik”, katak Xanana iha okkaziaun balun. Xanana mos hatete bebeik katak nia nunka bele servisu ho Mari Alkatiri tanba nia nunka fiar Mari Alkatiri. “Ema né bosokte boot ida, ohin nia koalia oin ida, aban fali nia koalia oin-seluk”, tenki Reis iha nia knar fatin iha Baukau.

Xanana iha rasik nia partidu ona, no ita hare hosi konsolidasaun durante né Xanana hetan apoiante barak tebes, rihun ba rihun iha territorio tomak. Sira rona maun-boot tun, povu halais hotu tun mai hodi hasoru lider ida nebé sira hotu hadomi tebes. Tanba so maun boot Xanana mak moris no terus hamutuk ho povu. Durante funu 24 anos, maun-boot mesak mak tau neon ba povu, ukun tiha, hafoin sai PM, nia mos kontinua tau matan no neon nafatin ba hodi kria pakote orsamento oin-oin termasunk ferik katuas, veteranus, feto-faluk, no konsege resolve probelma oin-oin iha rai ida né hodi lori paz no estabilidade ba ita nia rain.

Reis mos hatete katak, “durante rezistensia Mari Alkatiri moris diak, eskola, han paun ho keiju no hakiak koelho iha Mocambike, tanba sa mak nia dehan nia mos terus hotu iha Ai-Laran? Mari-Lu durante kaer governu iha 2002-2006 nunka halo buat diak ida ba povu, mais agora sira sempre dehan buat diak nebé CNRT ho maun Xanana halo, sira nia ideia… Sira moe laiha duni.

Tanba né,”Diak liu fo apoio ba ema Nasionalista sira hela iha Timor durante tempo rezistensia, mesmo ke ema né la aktivu iha ai-laran, tenik Evaristo Pinto, militante Fretilin nian ida nebé agora hakarak atu apoia CNRT iha eleisaun geral 2012.

Mari Alkatiri nia IMPONTENSI né laos buat foun ida. Hanesan politiku, Mari-Lu sempre hanoin katak povu Timor sei hanesan hela iha 1975 nebé sir abele lohi ho propaganda “murahan” sira nebé falsu. Maibe Mari Alkatiri nia keberhasilan maka “konsege menciptakan grupo radikal oan ida iha Fretilin BP-7 nia laran hanesan Arsenio bano, Jose manuel Fernandes, Jose Reis ho Harold “Angin Ribut” Mucho” hatete Evaristo iha nebé uluk bapak tiru ain to agora lao ladiak.

IMPOTENSI Mari Alkatiri né mak hatudo ona iha governasaun 2002-2006, nebé lori rai-doben ida nebé ema barak lori raun ho ruin mak sossa atu tama iha raikuak boot krize 2006. Mari mos uluk fahe Lorosae-Loromonu no laiha kapasidade atu jere governu no hamossu petisionario sira no harahun F-FDTL ho Polisia. Tanba né ira duvida se IMPONTESI né nia bele sae dala ida tan ba kaer Ukun, nebé mos bele lori Timor monu dala ida tan ba funu no konflitu naruk. TDF