quinta-feira, 1 de março de 2012

Militante Partido No Koordenador Fretilin - Movimentu Sai Jurkam Ba TMR

Addthis
Dili Libertasaun, Militante Partidu FRETILIN, Antonio Cardoso partisipa iha abertura Kampaña Taur Matan Ruak nian iha Kampu Futebol Don Bosco Komoro Dili no sai mos JURKAM ba TMR iha abertura kampaña ida ne'e.
Sr. Antonio Cardoso aktual Membru Parlamentu Nasional husi Bankada FRETILIN partisipa no sai haneasn JURKAM ba iha Abertura Kampaña Presidensiál Taur Matan Ruak nian iha Kampu Futebol Don Bosco Komoro Dili. Iha nia intervensaun nia hateten katak hanesan militante FRETILIN ne’ebé hamriik iha Maun Taur Matan Ruak nia Kotuk atu fo apóiu ba Maun Taur atu sai Prezidente Repúblika iha 2012 - 2017. "Kamarada sira hotu, hau temi kamarada iha ne'e, tanba hau hamriik iha ne'e hanesan militante Partidu FRETILIN ne’ebé hakarak atu fo apóiu ba hau nia Maun Taur atu sai Prezidente Repúblika iha Periódu 2012 - 2017" nia heteten.

Militante FRETILIN ida ne'e mos haktuir liu tan katak "Ema ne’ebé merese ita hotu nia konfiansa no apóiu mak Maun Taur Matan Ruak, laiha tan ema selulk. Nia mak ita hotu koiñese, ita hotu terus hamutuk ho nia iha tempu difísil nia laran no ohin hamutuk tan dala ida atu lori rai ne'e ba oin".

Entertantu iha fatin hanesan Sr. António Aitahan Matak, Koordenador geral CPD-RDTL hato'o mos nia liafuan ba apoiante sira ne’ebé hamriik hela iha loron manas laran. Tuir Matak katak, "Maun Horta ba Koalia ho Ami, ami la rona, Maun Xanana koalia ho ami, ami la Rona, ohin loron so uniko ami nia maun, nebe hamutuk ho ami, nebe tun ikus liu husi Ailaran nia mak Taur Matan ruak. Ohin Ami hamutuk ho nia ho total militantes 49.000 nebe ho Eleitoral hotu ona, prontu atu vota no sei mobiliza ema atu vota ba ita nia maun Taur Matan Ruak.

"Hau nia massa 49.000 pessoas, hau hein atu imi hotu hamutuk lori imi nia ema mai tan, barak tan para ita fo susesu ba ita nia maun Taur iha Primeira Ronde deit". Nia haktuir.

Iha fatin hanesan JURKAM seluk ne’ebé hato'o mos sira nia liafuan mak hanesan, José da Silva  Fo-Laran (Koordenador Konsolidasaun Distritu Dili), no Natalino (Coodenador Asosiasaun Feto Faluk Oan Kiak - FOK).

Militantes no simpatizantes, aprosimadamente ema nain rihun rua liu mak partisipa iha kampanha Abertura ida ne'e.  (JC)

Avo Xavier Nia Kondisaun Grave “PN Altera Lei Eleitoral Artigu 26”

Notisia Husi TVTL - Kinta kalan, 01 Fevereiru 2012

Parlamentu Nasional Kinta-feira (01/03/2012) halo alterasaun ba lei eleitoral artigu 26 ho votus unamidade iha uma fukun Parlamentu nasional, alterasaun lei ne’e bazeia ba ezizensia Prezidenti da Republika, relasiona ho kondisaun saude kandidatu Prezidenti ho numeru sorteiru 4, Francisco Xavier do Amaral oras ne’e daudaun.

Tuir kalendariu kampania Prezidensial hahu hala’o iha loron 29 fulan Fevereiru, maske nune’e, kandidatu Prezidenti da Republika Francisco Xavier do Amaral labele halo kampania tamba kondisaun saude la premiti.

Tuir Prezidenti da Republika Jose Ramos Horta, hafoin hala’o vizita ba Hospital Nasional Guido valadares (HNGV) katak, oras ne’e daudaun saude kandidatu Francisco Xavier do Amaral grave, tamba hetan moras kankro.

“Hau ba vizita ita nia Avo Xavier, Primeiru Prezidenti da RDTL, Proklamador, eis titular, avo Xavier hetan moras kankro (Bemaglino) hakat ba figado ne’e hanesan grave ona,” dehan PR Horta.

Bazeia ba artigu 26 lei eleitoral hateten, wainhira kandidatu ida mate prosesu kampania Prezidensial tenki hahu fali husi inisiu, hare ba interese nasional, hafoin Prezidenti da Republika Jose Ramos Horta halo konsulta ho Primeiru Ministru Xanana Gusmao, inklui instituisaun estadu seluk, hikus mai Prezidenti husu ba Parlamentu Nasional atu altera lei refere.

Liu husi Plenaria extraordinaria, Parlamentu Nasional kuarta-feira ne’e halo alterasaun ba artigu 26 ho votus unamidade, ho alterasaun lei ne’e ba oin maske kandidatu ida mate prosesu eleisaun sei kontinua la’o hanesan baibain.

Tuir planu alterasaun artigu refere sei hetan promulgasaun emediatu husi Prezidenti da Republika.

Taur Hakarak Redus Importasaun Aihan Mai Timor-Leste

Sexta-feira, 2 de Março de 2012

.

Jornal Independente - Husi: Eugenio Pereira

DILI: Kandidatu Prezidente Republika Taur Matan Ruak hatete nia hakarak estadu tenke redus importasaun aihan husi rai seluk mai Timor-Leste kuandu nia maka sai prezidente republika ba periodu 2012-2017.

“Ita agora depende nasaun seluk nia produtu makas liu, to be’e sira ita hemu mos lori husi nasaun seluk, hanesan masin no fos ne’ebe ita han mos lori husi rai liur mai, ita tenke kombate,” Taur hatete bainhira halo ninia primeiru kampania iha Kampu Dom Bosco, Komoro, Dili, Kuarta (29/02).

Hari’i no dezenvolve sistema ekonomia nasaun ne’ebe sei la depende ba ekonomia no produsaun hahan rai seluk hodi Timor-Leste hetan konkorente hetan sustentabilidade, dehan nia.

Tautr dehan papel emprezariu Timoroan sira importante tebes hodi haforsa investimentu iha rai laran.

Nia husu ba emprezaeriu Timoroan sira atu halo investimentu barak liu tan iha Timor-Leste.

Timor-Leste nudar nasaun riku bo’ot ida tanba ne’e tenki hahu investe iha areia tomak hodi hadia moris povu no nasaun, nia hatete.

Kona-ba programa fundamental sira seluk ne’ebe maka nia sei halo, Taur dehan nia hakarak kaer metin independensia nasional, garante integridade nasional, kaer metin unidades nasional, haburas demokrasia no hametin integrasaun regional ho internasional.

Eis komandante F – FDTL hatete, uluk iha funu nain sira jura atu lori povu ba ukun aan, agora tempu kaer ukun hamutuk ho povu atu hetan moris diak, tanba se la halo nune’e matebian sira babuer Timor oan mate mohu.

“Hau mai ho hanoin ida deit ho forsa ida deit halibur Timor oan atu manan tan dala,” katak nia.

Nia dehan, Timor oan tenki hatudu ba mundu katak, Timor oan bele kaer rasik ukun hodi hetan dignidade, tanba independensia lori mate no terus maka sosa ho orgulho hari’i Timor-Leste sai nasaun independente ho demokrasia.

“Ita husu nafatin ba ita nia matebian sira ho rai lulik fo nafatin kbit ba ita ho brani para ita nebe moris halo tuir ezemplu sira hasik hela ba ita atu fila Timor-Leste sai nasaun nebe sei sai loron diak ba jerasaun foun,” tenik nia.

Luta ba Ukun rasik an ne’e povo tomak mak envolve

Luta ba Ukun rasik an ne’e povo tomak mak envolve

Dili. TMKL (Task Media Kandidatura La Sama). Luta ba ukun rasik an ne'e, procesu ida envolve povo tomak, laos grupos ida ka individu balun mak habot historia ne'e, haktuir Jose Nominando Buras Vice-Presidente PD ba TMKL, iha sede kampane kandidatura La Sama ba PR2012, Vila Verde, Dili, Quinta- Feira ne'e (01/03).

Haktuir tan Buras, “Procesu luta ba ukun rasik an, ne’e procesu bot ida ne’ebe povo tomak mak envolve, laos ema ida rua deit ka grupos kiik oan mak mai atu apropria fali patrimonio historika no luta nian”.

“Mundo tomak hatene ita nia funu, tamba determinasaun povu ida nian ba luta libertasaun nasional, laos tamba ema ida rua ka grupos ida deit”.

“La los, karik kandidatu balun mai dehan sira maka representa procesu tomak no na'in ba histroia funu Libertasaun nian”, defende Buras, nebe mos membro organizasaun OPSLATIL nebe apoiante ba Kandidatura La Sama ba PR2012.

Iha kandidatu ba eleisaun Presidente Republika 2012, buka apropria ba instrumentus historikus no patrimonio povo tomak nian, hodi atinji ba objetivu poder politika, ekonomika no sosial!

Kontaktos: Email: lasamatl12012@gmail.com

Taur: Hau Husik Fitu Rua Tanba Hanoin Povu

Addthis
Dili-MLP, Kandidatu Prezidente Republika periodu 2012-2017, Jose Maria de Vasconselo (Taur Matan Rua) husik hela nia kargu Jeneral Fitun Rua iha Forsa Defeza Timor Leste-FDTL, tanba hanoin Povu, lori Povu maka ohin loron Nasaun ida ne’e moris.

“Hau husik Fitun Rua iha F-FDTL tanba hanoin imi povu, tansa uluk fakar ran imi iha oin, maibe hisik kosar imi iha fali kotuk” hateten Taur Matan Rua iha Kanpaña dahuluk, iha Kampu Futeboll Dom Bosco, Dili Kuarta 29/2.

Tuir Taur katak uluk ita hamutuk hodi manan Independensia, tanba ne’e ikus fila fali ho povu hodi manan dala ida tan, hodi Manan Eleisaun Prezidensial.

“Uluk ami hotu jura atu servi ita nia rai to’o mate, ohin ami jura servi povu to’o mate” komenta Taur. Nia hatutan katak hakarak sai Prezidente tanba hakarak hakuak povu tomak ho hanoin dia deit, tanba ne’e it abele manan tan dala ida, tansa uluk lori mate maka sosa ita bele nusa mak lori kosar ita la bele, no ita tenki hatudu ba Mundu katak Timor Leste mos bele, Timor Leste iha Dignidade.

“Hau iha hanoin tomak hakarak lao hamutuk ho povu, lori povu ba future hodi halo dezenvolvimentu ba oin” Informa Taur.
Eis Komandante Fitun Rua ne’e hatutan katak karik povu fo fiar hodi manan iha eleisaun Prezidenzial, no hamutuk ho povu sei ke’e hofo sira ne’e sai tetuk hotu, tanba durante tinan 36 servi ona Nasaun ida ne’e, laiha ema ida deit maka bele halao servisu ho diak, maibe ita hamutuk maka bele manan buat hotu.

“Dala ida tan hau lori hau nia forsa no kbiit tomak atu halibur povu hotu para ita bele manan tan dala ida” Komenta Taur.

Kandidatu Numeru sorteiu rua ne’e reforsa liu tan katak karik manan iha eleisaun Prezidensia iha buat balun mak halo iha tinan lima mai,  hametin Independensia, hametin Ekonomia, hametin soberania, hametin unidade no reforsa toleransia.

Kandidatu Taur Matan Ruak hanesan kandidatu Independente maibe hetan apoiu masimu husi Partidu CNRT, UDT, Undertim, no Organizasaun Rezistesia mak hanesan Fitun, Fuan Domin, Sagrada Familia, St. Antonio, Organizasaun CPD-RDTL no seluk tan Inklui Eis Petisionariu.

Iha kanpaña dahuluk Kandidatu Taur Matan Ruak nian iha Kampu Futeboll Dom Bosco Comoro ne’e hetan antusiasmu makaas husi militante no simpatizante sira kuaze 20.000 pesoas.