Eis Petisionario Ida Hetan Oho Iha Polisia Akademia Nia Oin

		Written by Domingos Dasilva/CJITL
Tuesday, 18 January 2011
Breaking news, Agustinho Viegas Barreto alias Sikito, ne’ebe mak hetan oho husi ema deskoinesidus iha segunda 17/01 kalan iha Comoro, besik Akademia Polisia nia oin. Tuir informasaun husi Polisia Investigasaun Distritu Dili ne’ebe hala’o hela investigasaun ba kaju ne’e haktuir ba CJITL online katak vitima ne’e hetan oho husi ema deskoinesidu nain ha’at,  wainhira vitima fila husi Cruz Joven iha tasi tolu hodi ba nia uma, to’o iha Comoro ema nain ha’at ne’e tuir ho motor rua. Sikito hanesan Eis petisionario ida, ne’ebe  mak dadaun ne’e halo nia negosio kiik hanesan fila liman. Tuir fontes ne’e husi polisia investigasaun  ne’e katak ema baku vitima ne’e ho besi kanu iha nia ulun. “Vitima mai uluk iha academia nia oin sosa minuman iha tiga roda no la kleur nia maluk na’in ha’at mai hemu tan hamutuk ho nia, derepenti sira nain 4 baku mate fali vitima” haktuir fontes ne’e ba CJITL online. Mate isin ohas ne’e dadaun lori ba iha Hospital hodi hein prosesu autopsia, Sikito husi Sud- Distritu Bobonaro, distritu Bobonaro. Komunidade ida ne’ebe mak hela iha Comoro hateten problema ne’e akontese iha polisia nia oin kedas tanba sa mak polisia la atua lalais problema ne’e, ida ne’e mak frakeza polisia nian. To' noticia ne'e hatun CJITL sei kontinua hatene tuir kronologia lolos konaba kaju ne'e. (Domingos da Silva/ CJITL)

Familia Husi Vitima Eis Petisionariu Halo Atake Ba Kampaun UNPOL MALAYSIA

Written by Domingos Dasilva/CJITL

Wednesday, 19 January 2011

Dili Flash, Familia no kolegas  husi vitima Agustinho Viegas Barreto, Eis Petisionariu ne’ebe hetan oho iha segunda kalan liu ba hatudu sira nia lamentasaun ba Polisia ONU husi Malaysia tanba akontecementu oho Agustinho Barreto alias Sikito ne’e iha kedas kampaun polisia nia oin, maibe polisia la fo salvasaun.   Ho hahalok Polisia Malaysia nia ne’e mak Familia no Kolegas husi Sikito nian, tersa Loro kraik tuku 18:30 OTL, hodi atake no hodi tuda Polisia Malaysia. Agustinho Viegas Barreto ho naran koinhesidu Sikito ne’ebe mak hetan oho husi ema deskoinesidus nain ha’at iha segunda 17/01 kalan, iha Estrada bo’ot iha kampaun Polisia Malaysia no Polisia Akademia nia oin. Tuir komunidade sira iha Comoro katak wainhira Vitima mai iha Polisia academia nia oin atu sosa sasan iha tiga roda ne’ebe mak besik los Kampaun Polisia Malaysia nia oin, no bainhira hetan atake husi jovem na’in ha’at, maibe kuando Katuas ne’ebe mak fa’an sasan iha neba halai ba Polisia Malaysia husu ajuda maibe Polisia Malaysia sira taka deit sira nia Portaun ka Odanmatan. Hahalok ne’e rejulta Sikito to’o hetan mate iha fatin akontecementu. Mate isin husi Sikito lori fila ona ba Bobonaro, no la konsege hetan autopsia husi polisia. Tuir fontes husi Polisia Investigasaun nasional katak familia mak decide atu lori mate isin husi Hospital hodi la fo atu polisia halo autopsia.(Domingos Da silva/CJITL)