segunda-feira, 22 de agosto de 2011

FRUSTRASAUN IHA KOMITE SENTRAL BP-7: VOTANTES ELEISAUN “DIREKTA HO INTERNA”, LA TO 50.000


FRETILIN BUKA HELA OINSA ATU KATROL NÚMERO NÉ HODI LOHI MILITANTES SIRA

Written by Joanico da Costa

TDF: Komite Sentral Fretilin hasoru problema boot tanba “turn out” votantes ba eleisaun internal direkta Fretilin la hetan partisipasaun maxima hanesan Mari Alkatiri ho Lu-Olo komenta antes eleisaun. Difikuldade boot ida mak Fretilin hasoru agora, oinsa publíka “derrota” boot ida né ba públiku, deklara membro Komite Sentral Fretilin ida nebe lakoi temi nia naran ohin (21/08/11) iha sede Komite Sentra Fretilin, Fatuhada, Dili.

Iha loron hirak antes eleisaun interna primeiro partido nian, nebé kamarada Mari Alkatiri ho Lu-Olo hatete katak sei atende hosi por volta 150.000 militantes rejistados, mossu hanesan tsunami ka tópiku kontroversia boot ida horikalan iha Komite Sentra Fretlin, tanba tuir dados preliminaries nebé indentifika ona, menus ema nain 50.000 mak tuir.

Ida né hatudo derrota boot ida ba Fretilin katak Mari Alkatiri ho Lu-Olo laos ona figura importante iha Fretilin, hodi assegura vitória iha 2012.

Iha diskussaun nebé hatudo momos katak votantes nebé, tuir Komissaun Organizadora Eleisaun Fretilin, rejista 150.000, laiha entuziasmu ho vontade hodi partisipa, hodi nune, tuir maluk balun iha Komite Sentral Fretilin, signifika Fretilin nia derrota ansipada iha eleisaun 2012.

Problema ida né halo konfuzaun entre militantes sira, hodi horikalan labarik radikal balun nebé sai hosi Komoro lao hodi halo ameasa atu sunu fali STAE. Antes né, tuir informasaun, Fretilin nia nai-ulun balun obriga Direktur STAE atu assina akta eleisaun ne hodi reforsa apuramento final, maibe Direktur STAE Tomas Cabral rejeita tanba konsidera eleisaun né nudar assunto internu Fretilin nian.

Polisia horikalan kedas hein iha nebá tanba ema sira ameasa STAE né, hodi haré karik ameasa ne los maibe la akontesse buat ida. Iha motor rua ka tolu mak lao ba mai iha STAET nia oin hodi gas makaas, maibe la para no halo buat ida.

Tuir informasaun hosi fontes nebé iha Komite Sentral Fretilin, tanba konfuzaun ho partisipasaun nebé menus, Komissaun Organizadora eleisaun interna Fretilin nian hakarak halo “penkatrolan” ba número total votantes, hodi bele aumenta número total votantes nian, maski aktu ida ne rasik la hetan apoio hosi membros balun.

Tanba ne "ita lalika surpreza se loron hirak mai, Fretilin, tanba deit tauk ho dezesperado ba assunto ida ne, sei muda apuramento total to fulan hirak mai, no sei aumenta tan numero votantes, hodi fo sai katak sira hetan partisipasaun maxma", tenik Joao (lakoi hatete nia apelido) militanted Fretilin ida iha Komite Sentral Fretilin horikalan.

Eleisaun nudar iha Korea do Norte

Iha enkontro nebé halao horiseik baihira simu eis Ministro Englaterra Tony Blair, bainhira Mari Alkatiri to ba iha fatin jantar konfraternizasaun, Presidente Ramos Horta halo kómiku hodi hatete ba Mari “Congratulations for the election, I don’t know the results yet but I know you won the election”. Jestu goza nian ida né Ramos Horta hatutan, so iha North Korea (Korea do Norte) mak halo eleisaun interna nabé iha pakote úniku, no sempre pakote úniku mak manaan. Nune mos so iha Irak, kuando Sadam Huseim moris mak akontesse, iha nebe, so nia mesak mak sai pakote uniku no manaan mesak, alias saingan laiha.

Ida né hanesan manipulasaun ida ba demokrasia, nebe nebe konhesidun mos hanesan demokrasai alá Fretilin: katak, so hakarak bosok deit povo.

Ho resultado ida né hatudo momos katak Fretilin laiha konfiansa, iha Mari Alkatiri ho Lu-Olo nia liman, no partidu ida né tenki prepara aan atu sofre derrota boot iha eleisaun Presidensiais no mos eleisaun Legislativas.

Ita espera deit mak Fretilin nia “muturabus” la fila fali ba estrada hodi halo violensia, mais fila fali hodi hadia sira uma laran nebé runggu-rangga no halo demokrasia fantochada iha Timor Leste. Res

Sem comentários:

Enviar um comentário