FRETILIN: " Tribunal Hetan Presaun”

.Timor Post - Kuarta, 11 Maiu 2011

Dili- Partidu Opozisaun sente preokupa no duvida tebes ho desizaun Tribunal Distrital Dili, ne’ebe fo liberdade total ba Jose Luís Guterres relasiona ho kazu abuzu de poder.

“Ami deskonfia, desizaun Tribunal nakonu ho presaun no influensia husi membru Governu, ami konsidera juiz ne’ebé kaer kazu ne’e, ta’uk atu deskobre realidade no lialos ba públiku, tamba hetan presaun maka’as,”Xefe Bancada Partido Opozisaun, Aniceto Guterres. SH hato’o

ida ne’e, Tersa (10/5) iha uma fukun PN, Dili.

Aniceto rekonese prekupa tiha ona, antes desizaun Tribunal julga membru governu ida, no Parlamentu kuandu la halo suspensaun, ne’e buat rum abele mosu iha tribunal, ne’ebe liliu oinsa atu kombate korupsaun, tamba bele mosu presaun ka influensia oi-oin ba juiz, ne’ebe kaer kazu ne’e, posibilmente bele halo ida ne’e, agora mak akontese,”Aniceto esplika tan.

Aniceto hateten, maske desijaun ne’ebe mai husi juis internasional ne’ebe depende ba kontratu ne’ebe governu halo, maibe husi kontratu refere iha presaun maka husi membru governu no influenzia ba juiz internasional, atu tesi tuir membru governu nia hakarak.

Ho atetude hanesan ne’e, tuir Anieto, estadu TL sei labele atu kombate korupsaun iha nasaun, hodi defende povu sira nia ezijensia kona-ba lia loos no justisa.

Opozisaun temi influenza maka’as mos be’e mai husi Asesor Legal José Luis Guterres, ne’ebe mos asumi kargu sekretariu Jeral Partidu CNRT, Deonizo Babo.

Fatot ida importante ne’ebe influensia desizaun tribunal, Aniceto dehan tan, mak laiha suspensaun, ba Jose Luis Guterres, suspensaun husi Parlamentu nasional, atu fasilita Jose Luis hatan iha Tribunal loron ne’e deit,”Lokraik, ni (Jose Luis-red) asumi fali nia kargu,

hanesan membru governu,”akresenta nia.

Iha fatin hanesan deputadu husi Bancada CNRT, Aderito Hugo da Costa konsidera desizaun tribunal ne’e positive, kredibel no imparsial tebes, tanba Juiz sira hatudu kapasidade Lei.

“Ne’e mesajen forte ba Ministeriu Publiku no Provedoria Direitus Humanus e Justisa (PDHJ), husu ba PDHJ ho MP atu esforsu servisu diak liu tan ba oin,”nia dehan.

Aderito Observa, PM ho PDHJ halo deitsensasi tanba oferese evidensia forte,”labele koko ka tenta politiza-liu ba opozisaun sira, Partidu opozisaun sira la fiar ona justisa, liliu juis sira ne’ebe mak servisu iha tribunal,”nia dehan tan.

Deputada Bancada PUN, Fernanda Borges mos dehan desizaun Tribunal hatudu honistidade ba publiku no hatudu duni justisa ne’ebe adekuadu no kredibel.

Deputadu Bancada PD, Adriano do Nascimento kongratula tribunal Dili ba desizaun ne’e, tanba hatudu kapasidade, indepedensia no professional.

Adriano mos husu ba Ministeriu Publiku atu labele konsentra demais ba kazu politku, maibe konsentra mos kazu sivil no kazu criminal sira seluk ne’ebe agora dadauk butuk hela iha Ministeriu Publiku.

Molok desizaun husi Tribunal, ba kazu JLG iha ona julgamentu popular ne’ebe politiku sira halo iha Parlamentu Nasional.

“Ami nia bancada hakarak kongratula ba vise Primeiru Ministru ba nia disponiveldade tomak atu presta deklarasaun, informasaun no dadus sobre nia kazu,”dehan Adriano.(cos/mel)