TDD Julga Kaju Violensia Domestika

Segunda, 27 Dezembru 2010 - 14:52:31 OTL

Posting Husi : Josefa Parada
Kategoria : Notisias Online - Le'e dala : 9 Ona.

DILI- Tribunal Distritu Dili (TDD), julga kaju violensia domestika nebe akontese iha suku Fatumasi, Sub-Distritu Bazartete, Distritu Liquisa, nebe akontese iha loron 22 Dezembro 2010.

Tuir Prokurador Antonio Tavares da Silva katak, Julio komete krime simples hasoru nia fen Rosita dos Santos, kuaze tuku 17 loraik.

“ Depois rona testemunha, alezada no suspeitu, hotu-hotu hatete katak Julio baku duni nia ferik oan iha suku Fatumasi no iha eskuadra policia Bazartete,” dehan prokurador Antonio Tavares hafoin rona deklarasaun husi testamunia, alezada no suspaitu iha Tribunal Segunda (27/12).

Entetantu Defensor Publiku Marcia Sarmento husu ba tribunal atu fo kosidaresaun ba argidu tamba iha deklarasaun, argidu rekonhese baku vitima iha eskuadra policia nomos arguidu arepende no triste ba nia hahalok.

“ Ita hatene katak depois de arguidu no vitima mai iha tribunal iha loron 23 foin lalais ne’e, sira fila hamutuk no hare malu diak tamba sira nia oan barak, tamba ne’e husu ba tribunal atu suspende pena ba arguidu,” dehan Marcia.

kronologia husi akontesementu ne’e, suspeitu Julio Gomes esplika iha tribunal katak, iha loron 22 Dezembru foin lalais ne’e, suspeitu baku duni nia ferik oan tamba hemu tua mutin nebe mak suspeitu rasik hola, wainhira hader mai tamba udan no suspeitu husu labarik sira ba vitima, maibe vitima hatan la iha. Ho ida ne’e mak suspeitu baku Vitima Rosita dos santos .

“ hau hemu tua, toba no hedar mai labarik sira laiha, hau husu ba nia (vitima), labrik sira iha nebe no nia dehan labarik sira laiha, labarik sira han tiha meudia, sira sai tiha ona ba liur, hau basa isin ida ba nia oin maibe kois deit,”dehan Julio
Nia hatutan, wainhira vitima kesar Suspeitu iha eskuadra PNTL Bazartete, depois halo investigasaun ba vitma no vitima sai husi kantor laran, sespeitu tuku tan isin ida ba alezada nia ibun, maske kanek maibe ran lasai.

Iha fatin hanesan vitima Rosita dos Santos deklara katak, Vitima hetan duni baku husi nia lean, wainhira hader mai no husu labarik sira laiha, tebe dala rua iha liman no tuku dala rua iha hirus matan.

“ Hau foti eskeiru iha visinu nia uma, fila husi neba, argidu tebe no basa iha hau nia oin karuk, hau halai ba iha eskuadra Polisia Bazartete hodi kesar suspeitu no sai husi neba arguidu tuku tan hau nia hirus matan no halo hau nia ibun kanek maibe ran lasai,” deklara Rosita.

Nune mos testemunia husi PNTL Eskuadra Policia Bazartete, Augusto Maria dos Santos dekalara katak, vitima aprezente nia problema iha Policia no suspeitu kous sira nia oan mai vitima husu nia oan atu kous maibe suspeitu tuku tan dala ida ba vitima nia hirus matan.

Julgamentu ne’e lidara husi Juis Jacinta Correia, Prokurador Antonio Tavares no defensor publiku Marcia Sarmento. Kazu ne’e tama iha tribunal ho numeru prosesa 345/sumario/TDD/2010. Tribunal foti desizaun sei fo sai rejultadu husi julgamentu ba kaju violensia domestika iha suku Fatumasi bazartete iha kuarta 29 ho horas 14.00 loraik. Timotio Gusmão