quinta-feira, 8 de março de 2012

ASDT parece Apoia TMR, Trabalhista apoia Lu-Olo

Sexta-feira, 9 de Março de 2012



.

SAPO TL ho Jornal Independente - 09 de Março de 2012

Jornál Independente fó sai katak, partidu ASDT parece deside atu apoia Taur Matan Ruak, no Trabalhista desidi ona atu fó apoiu ba Francisco Lu Olo.

Foti desizaun ne’e, bainhira hasai Angela Freitas ninia naran husi lista kandidatura ba eleisaun prezidensiál nó simu mós konvite husi Lu Olo. Maibé, ho Francisco Xavier do Amaral nia mate, mak Freitas atu foti desizaun ikus mós todan tebes.

“Bainhira ha’u halo vizita ikus bá Ospitál Nasionál Guido Valadares, Xavier do Amaral husu atu ha’u bele halo buat hotu, hodi fó tulun ba ami ninia povu, maski ida ne’e hanesan buat ida ne’ebé kontra ha’u ninia ideiais sira, ne’e siknifika katak ha’u só bele tau liu atensaun ba ha’u nia partidu”, esplika Freitas ba jornál Independente.

“Tinan barak ona mak ha’u halo kritika hasoru FRETILIN, maibé foin daudaun ne’e José Ramos Horta dehan katak “ita tenki haluha saida mak akontese iha tempu uluk”.

Oras ne’e daudaun hanesan tempu atu Partidu Trabalista nó FRETILIN haluha buat pasadu nian, hodi bele hamutuk fó apoiu ba Francisco Lu Olo. Ha’u fi’ar katak Lu Olo sei manan”, haktuir Freitas.

Orsida lorokraik, iha sede FRETILIN sei hala’o serimónia ida hodi ofisializár apoiu ne’ebé Freitas fó ba Lu Olo.

Iha parte seluk, sekretáriu jerál husi Associação Social Democrata Timorense (ASDT), Gil Alves, sei fó sai ohin, anúnsiu katak nia sei apoia Taur Matan Ruak.

Tuir fonte partidária desizaun ne’e foti rasik duni husi militantes ASDT hothotu.

Sem comentários:

Enviar um comentário