By Mau-Meta
Governo nebe lidera hosi Presidente CNRT nia prinsípio boot durante governacao halo iha baze hosi vizaun kiik maibe iha mehi boot nia hun nudar sasukat. Conceito ida ne ita bele hare iha dokumento oin-oin nebe CNRT hasai ona, iha forum oin-oin no diskusaun nebe lideransa partido nain hatoo iha fatin fatin. Vizaun ne simples hela deit, maka:
Justiça Social ba Timor oan hotu-hotu,
Interpretasaun Justiac Social ne liu hosi hala’o programas atu assegura inclusão social no segurança social. Ida ne halao ho Conceito inclusividade, conceito ida nebe involve Timor oan hotu, laos hateke ba partido deit maibe, fo espasu ida luan hodi Timor oan hotu bele involve ne hetan moris diak.
Conceito inclusividade, conceito luan ida mai husi ‘direito hanesan ba ema hotu-hotu’, ‘oportunidade hanesan ba ema hotu-hotu’, hodi tau matan ba questão dos ‘marginalizados’, tau matan ba questão dos ‘desfavorecidos’ no tau matan ba questão dos ‘vulneráveis’, iha sociedade tomak nia laran – bain-hira ita temi ‘sociedade’ la ós fali sociedade civil!
Dala ruma mossu lia fuan, ema balun deit mak hetan, no seluk seidauk! fraze nune importante atu hare, tanba oportunidade mak seidauk hanesan.
Hanesan uluk iha funu, ema balum mak sai ass'wain tanba sira ha oportunidade tuur iha estrutura, seluk mos luta hotu maibe laiha oportunidade tur iha estrutura.
Ita tenki valoriza sira hotu, laos hare deit ba sira nebe tur iha estrutura. Tanba Timor oan hotu involve iha processu ne mak ita sai ukun aan.
Tanba ne maka conceito inclusividade, mos aborda ba Timor oan hotu, maibe oportunidade mak la hanesan. Balun iha oportunidade atu hetan ona, maibe balun seidauk, tanba ne, ita tenki kontinua dezenvolve nafatin, lori nafatin rai ne ba oin, ho paz, estabilidade, unidade nasional no dezemvolvimento.
Justica social ne objectivo atu hare ema hotu, no nia fim mak atu fo duni justisa sosial ba ema hotu nai moris.
Sem comentários:
Enviar um comentário