Radio Liberdade - Tuesday, 20 March 2012 - Written by Santino Dare Matias
Radio, online – Kandidatu Prezidenti husi Partido historiku FRETILIN Francisco Guterres Lu-Olo sei la halo koligasaun ho kandidatu sira seluk ne’ebe la liu hodi kompete ho Kandidatu Taur Matan Ruak (TMR).
“Hau sei halo koligasaun ho se deit atu kompete deit ho TMR. Hau optimista sei manan iha eleisaun II ronde mai ne’e,”dehan Lu-Olo liu husi konferensia emprensa iha nia sede susesu Hudi laran, Dili Segunda, (19/3).
Tuir Lu-Olo eleisaun ba tinan ida ne’e lao diak no laiha violensia, tamba eleisaun hanesan ne’e tenki mantein nafatin hodi fo valoriza iha festa demokrasia ne’e.
Lu-Olo mos dehan depoiis rona rezultadu hakat ba segundu ronde ho TMR, Lu-Olo ho nia ekipa halo kedas reuniaun urjenti atu hare ba kestaun ne’e. Ate agora Lu-Olo seidauk halo loby ba kandidatu sira seluk atu fo apoiu.
“Hau seidauk halo loby ba ema se’e deit atu apoiu hau iha II ronde, hau fiar katak mantein ho votus ne’e no sei aumenta tan votus husi kandidatu sira seluk ne’ebe fo ho laran, nein obrigasaun,”Lu-Olo akrezenta.
Sem comentários:
Enviar um comentário