Sekjer Babo Simu husi Uma Lisan “Berbau Mau Teni”Ho Tradisaun Kultura

Monday, 29 August 2011 11:29 Written by Pedro Delfim

Letefoho-Sekretáriu Jeral Partidu Kongresu Nasional Rekontrusaun Timor Leste (CNRT), Dionísio Babo ho nian estrutura Nasional tomak partisipa kultura iha Uma Lisan Berabau Mau Teni ne’ebé  agora dadaun  mak atu harii iha Suku Duku Rai Sub-Distritu Letefoho Distritu Ermera.

Hafoin partisipa iha kultura ne’e Vise Sekretáriu Jeral Partidu CNRT, Jacinto Rigoberto hateten katak prinsípiu Maun bo’ot Kay Rala Xanana Gusmão nian ne’ebé durante ne’e tane as liu kultura tradisional Timor Leste nian hanesan uma lisan tamba ita nian kultura importante iha ita nian nasaun ne’e.

“Ita nina Maun bo’ot Xanana Sempre kaer metin Kultura Timor nian ne’ebé durante nian sei iha Ai laran mos nian sempre hamulak ba mate bian sira no uma lulik sira mak sai hanesan mata dalan hodi nian la’o”dehan Jacinto hafoin partisipa iha Uma lisan Berabau Mau Teni, Sábadu (27/08) Iha parte seluk hanesan lia nain Uma Lisan Berbau Mau Teni, Marcos da Costa hateten katak uma lisan Berbau Mau teni hanesn uma liu rai iha Suku Dukurai tamba ne’e ita hanesan jerasaun foun tenke banati tuir saida  mak ita nian avo sira husik hela mai ita ne’e.

“Uma lisan Berbau Mau Teni hanesan uma liurai iha suku Dukurai tamba uma lisan ne’e harii  uluk avo sira ne’e duni ohin loron ami uma lisan Berbau Mau Teni hodi tur hamutuk hodi harii fali”dehan Marcos.

Nian mos informa tan katak ita hanesan jerasaun foun ita tenke halo tuir saida mak ita nian avo sira husik hela mai ita atu nune’e ita bele moris ho diak se ita la halo tuir ita moris sei la diak no mos bele mate mohu tamba ita moris iha ita nian kultura ne’ebé ita nia beiala sira husik hela mai ita.