FH: FRENTI-Mudanca sei compete ho partidu FRETILIN

Dili. Partidu Frente Reconstrucao Nacional Timor-Leste-Mudanca (FRENTI-MUDANCA), oficialmente hetan rekonecimentu husi Tribunal Rekursus (TR) nudar partidu Politika hodi halai taru ba eleisaun jeral 2012 nudar forsa politika ida. Tuir Noticias husi Jornal Nacional Diario (JND) iha ninia edisaun Terca-Feira (19/07) katak “ DezisaunTribunal Rekursus FRENTI-Mudanca sai partido, hodi compete ihaeleisaun jeral 2012 (JND,19/07,paj.1 e 15)”.

Tuir JND, TR legalija Frente Nacional Reconstrucao Timor-Leste (FRENTI-MUDANCA) nudar partido tanba kumpri ona formalismu legal tuir artigu 13 Lei No.3/2004, konabapartidu politikus, hanesan mos dispostu husi No.1 ho 2, artigu 12 husiLei No.3/2004 .Nune’e mos tuir termus artigu 15, diploma legal ne’e fó deskrisaun definitiva ba partidu politiku Frente Reconstrucao Nacionalde Timor-Leste Independente-Mudanca ne’ebe adopta siglaFRENTI-Mudanca.

Iha parte seluk, Sekretariu Jeral Partidu Frente RevolucionarioTimor-Leste Independente (FRETILIN) Mari Alkatiri, afirma foin dadaun ne’e ihakongresu Distrital Dili,Partidu FRETILIN, katak,”FRETILIN Garantemanan 60 % iha Eleisaun 2012 (Timor Post,19/07/2011,paj.19)”.

Hatan afirmasaun ne’e, fundador Partidu FRENTI-Mudanca, Vicente Maubocy, haktuir katak,” Partidu FRENTI-Mudanca, se ba compete hopartidu FRETILIN, ne’ebe lidera husi Dr. Mari Alkatiri iha eleisaunjeral 2012”.

Hatutan Vicente maubocy,” Dr.Mari Alkatiri niniaafirmasaun ne’e hanesan diskursu politika hodi hibur diri deit. Tuirlolos nia (Mari Alkatiri) tenki hatudu dadus ruma ka analizasientifiku ruma konaba ninia previsaun ba Vitoria 60% iha eleisaunjeral 2012”,kestiona fundador Partido FRENTI-Mudanca.

“Oinsa maka partidu FRETILIN, ne’ebe lidera husi Mari Alkatiri belemanan no rekopera eleitoradus sira ne’ebe maka la vota ba partiduFRETILIN iha 2007?Sa tan ho existencia legal husi FRENTI-Mudanca,ne’ebe fornece ona espasu politiku ida ba eleitores sira ne’ebe husiFRETILIN maibe la konkorda ho partidu no ninia lideransa maka MariAlkatiri rasik, sira sei vota ba FRENTI-Mudanca”.

Iha kongresu Partidu FRETILIN iha fulan Maio tinan 2006,iha lista ruamaka halai taru ba lideransa partidu historika ida ne’e. Iha bibanne’eba lista ida apresenta husi kandidatura Lu’olo/Mari Alkatiri nolista seluk husi grupos Fretilin Mudancas (GFM) lidera husi VitorCosta, Vicente Maubocy, Jorge Teme,Cesar Moreira no sel-seluk tan,apresenta lista alternative hodi kandidatu José Luis Guterres nudarSektretariu Jeral.Maibe iha biban ne’eba meja kongresu ne’ebe lidera husi Estanislau daSilva la fó biban ba GFM hodi apresenta sira nia kandidatura.Mos mosusabotajen ho ameasas katak iha grupos armadas ilegais ne’ebe makainfiltra iha kongresu, ne’eduni husi GFM desiste husi kombatepolitika hasoru grupos Mari Alkatiri nian.Iha eleisaun Prezidencial no lejislativa 2007, GFM suporta Jose RamosHorta ba sai nudar Prezidencia Republika no suporta Xanana ho CNRT balejsilativa. Ikus mai GFM hola decisaun,deposi konsulta klean husimilitantes sira,hodi nakfilak ba partidu Politika hodi halai taru baeleisaun jeral 2012!