Diskusaun lao nafatin iha Parlamento Nasional ba revisaun lei eleitoral lejislativa ba eleisaun 2012.
Partido CNRT propoen atu halo mudansa ba iha Lei eleitoral. Proposta ne'e mai ho intensaun atu fo kor oinseluk ba buletim de votos tanba CNRT hanoin katak ne'e importante atu guia votantes ne'ebe hela iha area rural nebe vota bazeia deit ba sentimento istoriku, no la hare ba importansia progresso nian.
Proponentes mai husi deputadus CNRT hakarak altera artigu hatama tan iha buletim de votus, nebe iha artigu 39 proposta lei liu-liu iha diskusaun kona ba buletim de voto. Propontes sira hanoin katak iha Buletim de votos laos tau deit sigla, bandeira ka emblema, partidu nia nian maibe tuir proponentes CNRT nian hakarak aumenta mos figura primeiru ka figura dala uluk husi lista kandidatus parlamentares husi kada partidu.
Proposta ne mai husi Deputadus CNRT, Pedro da Costa, Carmelita Moniz, Duarte Nunez, Romeo Moeses no Paulo de Fatima Martins. CNRT husu ba FRETILIN atu lalika tauk no disputa buat ne'e tanba ne ideia progressivo ho diak atu eduka ita nia povo sobre politika iha ita nia rain.
Tan proposta aumenta figura iha buletim de votus hodi bele tau iha buletim de votus PM de Faktu Xanana nia oin nudar Presidente CNRT.
Eleisaun iha Timor Leste nia sistema atual se ho lista fechada, deputadus proponenste CNRT hanooin katak iha faze de konstrusaun do Estado agora ne, ita preciza uza didiak oportunidade atu bele lori moris diak ba ita nia rain.
CNRT nee partidu boot atu bele sustenta nia aan. Maske proposta laliu, tanba resultadu,30 kontra, 18 favor,1 absteinsaun, maibe ne importante katak ita iha intensaun atu halo mudansa.
Sem comentários:
Enviar um comentário