ANIVERSÁRIO PNTL BA DALA 11

.

TIMOR EXPOSE

Pe Martinho: PNTL Tenke Hapara Violensia Kontra Povu

Dili - “Polisia tenke hala’o nafatin sira nia direitu nudar lutu ba nasaun fo seguransa no estabilidade ba nasaun sira iha direitu tomak, sira tenke hapara violensia i kuandu ema violentu demais hasoru populasaun ne’ebé ke sala laek sira tenke ser uza meius tomak laiha limitasaun atu proteje ema ne’ebé kiik , ema ne’ebé mukit ema ne’eb’e forsa laiha,”lia hirak ne’e hato’o husi reprezentante igreja katolika Pe.Martinho Gusmão iha Fundasaun Oriente hafoin remata seminario entre CNE ho Jornalista sira kinta ne’e (24/03).

“Ne’e duni parabens ba PNTL , deseja para sira sai nafatin lutu moris povu ninian ita bele dehan katak defeza ba ema ne’ebé mukit no kiik liu,” dehan Gusmão, relasiona ho loron aniversariu ne’ebé sei mosu iha domingu semana ne’e (27/03)

Iha parte seluk deputadu husi Bankada FRETILIN David Dias Ximens hateten Polisia Nasional Timor Leste tenke iah formasaun ne’ebé diak. “Ita nia polisia ne’e atu lao los tenke iha formasaun depois sira mos iha lei ne’ebé tenke regula sira nia aktividades sira nian, Ita iha duni polisia ne’e iha organizasoens bar-barak, hanesan UPF, Special no buat bar –barak tan sera ida ne’e hanesan efetivu ona ? hau nia hare seidauk tamba hau hare seguransa deit seidauk lao normal, ne’ebé hau dehan katak polisia ne’e atu diak ona mas hau seiduak hatene, sei at mos hau seidauk bele dehan, depois ita ne’e país postu konflitu ne’ebé ita sei gesek mengesek malu ne’e maka’as agora halo nusa maka ita bele garante keamanan kuandu polisia rasik ne’ebé atu garante keamanan mos la aman,”afrima Dias.

Entretanto Vice Prezidente Komisaun B Parlamentu Nasional ne’ebé trata asuntu negosiu estrangeiru, defeza no seguransa nasional deputadu Paulo Martins hateten “PNTL halo tinan 11 ne’ebé eziste iha Timor Leste maibe polisia ita hare sei nurak hela, husi personil, husi esperiensia serbisu purtantu ita hare sei nurak hela ne’e duni esforsu komando nian ita bele hadia diak liu PNTL liu-liu iha disiplina PNTL nian, disiplina iha atuasaun, polisia tenke hatudu nia maturidade bainhira nia foti medida ruma, Tenke hadia mos relasaun komunidade nian no PNTL.” (TE)