domingo, 28 de novembro de 2010

LERE: ESPIRITU PATRIOTIZMU NO NASIONALIZMU, " TL HETAN UKUN AN "


.
Timor Post - Sesta 26 Novembru 2010

Dili-Komandante Falintil Forsa Defeza Timor Leste Brigadeiru Lere Anan Timur informa, ho esperitu patriotizmu no nasionalizmu Timor oan hotu iha tempu rejistensia mak nasaun Timor Leste hetan ukun an.

Brigadeiru Lere iha Otel Timor, Kuarta (24/11) hato’o lia hirak ne’e bainhora partisipa iha lansamentu Uniaun Nasional de pequenas Emprezas (UNAPE) iha Otel Timor, Brigadeiru iha nia deskursu hateten, lia fuan patriotizmu no nasionalizmu la’os simles teoria, hanoin no mehi deit maibe patriotizmu no nasionalizmu ne’e realidade ida.

Lere esplika liu tan, realidade que tenki mudansa iha Timor oan ida-idak nia laran, nia fuan, tamba tuir komandante ne’e hateten patriotizmu no nasionalizmu ne’e laos sosa mak hetan.

“Realidade ne’ebe kuda iha Timor oan ida-idak nia fuan laran. Tamba pariotizmu no nasionalizmu ita la sosa,”tenik Lere.

Lere Reafirma, maibe patriotizmu ne’e ita tenki konkista nune’e bele dezenvolve nasaun ida ne’e atu povu hotu bele moris diak liu tan iha futuru.

Lere realsa, maske politika nain sira propaganda buat barak, bele haksesuk malu no sai manas iha konsellu Ministru ma’eba maibe Timor oan kuandu hamtutuk ita la hakfodak.

Iha parte seluk kuandu ema riku ida sosa tiha ema balun nia fuan no nia esperito nasionalizmu Timor bele nakfera.

“Pruzemplu hau komodante forsa armada nian, se dehan bah au ho halo ida ne’e, hau fo millaun ida ba o,” no hau aseita ba nian, ne’e katak fa’an hau nia nasionalizmu no nasaun bele nakfera”Lere hateten.

Brigadeiru Lere esklarese katak, iha tempu okupasaun Indonezia, Timor oan barak mak fa’an sira nia fuan no nasionalizmu ba rupiah no supermi maibe balun dehan “Mate Ka Moris Ukun Rasik An”.

Lere hateten, ho esperito nasionalizmu no patriotizmu ida ne’e mak Falintil ho povu tomak fo an ba mate hodi hetan ukun an ida ne'e.
.

Sem comentários:

Enviar um comentário