Lei Eleitoral, CNRT Mantein La Altera Tanba Sei Dificulta STAE ho CNE nia Servisu

28 de Abril de 2012, 12:33

Representante povu iha uma fukun Parlamentu Nasional (PN), husi Bankada FRETILIN ho PD hakarak halo alterasaun ba lei eleitoral, maski hatene katak ida ne sei difikulta servisu STAE ho CNE nian.

Deputadu husi Bankada FRETILIN, Francisco Miranda Branco hateten maioria deputadu iha PN eseitu hasai tiha CNRT no hot-hotu hakarak halo alterasaun ba lei. Maibe iha deskonfiansa hosi CNRT tanba ida ne sei fo tan todan ba STAE ho CNE atu halo servisu tanba tempo badak los, no alterasaun lei ne sei difikulta sira halo servisu didiak. Tuir Deputado CNRT Aderito Hugo, "FRETILIN ho PD hakarak halo nune hodi bosok povo katak sira mak hakarak fo oportunidade ba sidadaun hot-hotu halo ezersisiu sira nia dereitu siviku no politiku tuir konstituisaun haruka maibe ida ne justru sei fo todan ba nasaun tanba tenki aumenta tan todan ba Estado. Karik lei ne muda, Estado tenki hasai tan 6 milhao hodi finansia eleisaun parlamentar." tenik Aderito..

Tuir Deputadu Adriano do Nascimento husi Bankada PD hateten husi PD rasik asina hotu proposta hodi halo alterasaun lei eleitoral. Altersaun dehan Adriano ho objetivu katak iha eleisaun prezidensial povu barak maka la tuir eleisaun tamba lei la premiti, ema hot-hotu tenki fila fali ba moris fatin. Maibe problema ba TL maka povu laiha osan atu selu rasik transporte ba sira nia rain.


Tuir analista politika ida nebe lakoi temi naran, "FRETILIN ho PD hakarak muda lei ne tanba tauk atu lakon ka lahetan voto, maibe uluk sira mak aprova tiha lei ne. Agora tanba sira tauk lakon voto, sira hakarak muda fali lei ne hanesan muda roupa, hodi bele alkansa sira nia ambisaun politika"







Adriano Nasimento hatete katak "TL nia transporte mos sei limitadu tebes" maibe iha fatin seluk nia mos hakarak katak estado tenki hasai tan ossan hodi manaan, ida ne tuir analista politiku ne la los.

Ha sorin seluk,. Deputadu husi Bankada CNRT, Pedro dos Martires da Costa hateten katak husi CNRT bazeia ba iha eleisaun prezidensial ne’ebe liu ba katak partisipasaun povu nian maksimu ona porsentu hitu nulu resin lima (75%), alende ida ne’e komunidade inter nasional mos gava TL.

Jornal Liberdade ho SAPO TL ho Suara Timor Lorosae