Valente: 2012 CPD-RDTL sei vota ba CNRT Tamba Lidera Husi Maun Xanana.

Monday, 20 February 2012 22:28 Written by Pedro Delfim

Dili MLP-Organizasaun CPD-RDTL deklara ba públiku katak sira sei fó apoiu ba CNRT liu-liu lideransa  Máxima Maun bo’ot Xanana hodi kaer ukun nafatin ba iha 2012 tamba Maun bo’ot Xanana mak bele rezolve povu nian moris.

Tuir Porta Voz CPD-RDDTL Sub-Distritu Baguia, Valente Guterres  hateten katak Organizasaun  CPD-RDTL  deklara ba públiku hodi fó apoiu ba Partidu CNRT ne’ebé lidera husi Lideransa Maximo Maun bo’ot Xanana atu bele kaer nafatin ukun iha 2012 tamba maun bo’ot Xanana mak bele rezolve Povu nian moris.

“Organizasuan CPD-RDTL  deklara ba públiku hodi fó apoiu ba Partidu CNRT ne’ebé lidera husi Liderensa Máxima Maun bo’ot Xanana atu bele kaer nafatin Governu hodi ukun iha 2012 tamba maun bo’ot mak bele halo buat ruma iha rai ida ne’e laiha ema seluk no bele rezolve povu nian moris ”dehan Valente hafóin delara an iha konsolidasuan Partidu CNRT nian iha Suku Afólicai,  Sábadu (18/02) Iha fatin hanesan mos,  Membru CPD-RDTL Boni Guteres deklara katak Orgainizasaun CPD-RDTL la’os ba Partidu maibe fó apoiu ba Figura tamba iha Timor Leste figura ne’ebé bo’ot mak Maun bo’ot Xanana la iha ema seluk mak hanean Maun bo’ot ,ne’e duni iha 2012 CPD-RDTL sei fó apoiu ba Maun bo’ot Xanana.

“CPD-RDTL la’os fó apoiu ba Partidu maibe CPD-RDTL fó apoiu haree ba lideransa no figura tamba figura maun bo’ot Xanana la’os ohin loron iha partidu CNRT mak ita koñese maibe ne’e figura koñesida iha tempu rezistensia nian laran”dehan nian.

Iha fatin seluk ,Membru Movilizasaun Masa Distritu Baucau , Júlio Tomás Pinto   hateten katak Parabéns ba Grupu CPD-RDTL ne’ebé deklara katak sei fó apoiu ba Partidu CNRT ne’ebé lidera husi Maun bo’ot Xanana’ ida ne’e hatudu katak sei kaer metin nafatin maun bo’ot Xanana atu bele kaer nafatin ukun iha 2012.

“Hau fó parabéns ba CPD-RDTL ne’ebé deklara katak sei fó poiu ba Maun bo’ot Xanana atu bele kaer nafatin ukun iha 2012 tamba Maun bo’ot Xanana mesak deit sei la halo buat ida, ne’e duni CPD-RDTL mai hamutuk ho Maun Xanana ita bele halo buat ruma iha rai ida ne’e”dehan Tomás Pinto.