segunda-feira, 20 de Fevereiro de 2012

Potensial Kandidatu ba Elisaun Prezidensial 2012

Quarta-feira, 15 de Fevereiro de 2012

Husi: Cesar Dias Quintas (Lere-Cay)
Alumni Fulbright no Membru RENETIL
Tuir istoria politika Timor-Leste hanesan nasaun ida independente, foin iha elisaun prezidensial dala 2 maibe tuir istoria sistema presidential ninia, Timor-Leste foin rekunhese Avo Xavier Fransisco do Amaral hanesan premairo prezidente no Nicolão Lobato hanesan segundu prezidente da Republika. Maibe sira nain rua nee laos hili liu husi prosesu elisaun hanesan Timor-Leste halao dadauk. Sira nain 2 hili liu husi prosesu situasaun politika ida haran “deklarasaun independensia unilateral” hahu husi 28 Novembru 1975 i so uniku foin sira nain rua estado Timor-Leste rekunhese sira.

Tuir mai prezidente Nicolao Lobato depois militar Indonesia o’ho tia, Kay Rala Xanana Gusmão troka nia fatin (simu stafeta) to’o CNRM mosu iha 1986 maibe Xanana sidauk rekunhese henesan preseidente parte istoria nia. Purtantu Timor-Leste iha ona Prezidente nain 2 durante prosesu funu no prezidente nain 2 nebe hili direitamente husi povu idepois de independensia hanesan Kay Rala Xanana Gusmão no Jose Ramos Horta. Tuir konstituisaun da Republika, Prezidente da Republika hili direita, livre no sekretu husi povu.

Tuir mai iha 2012 hanesan prosesu ida atu hatutan prosesu politika nee, Timor-oan sei halibur malu atu hili fali prezidente foun ba periodu 2012 -2017. Tuir analiza Autor, elisaun prezidensial 2012 sei iha abiente ida que oin seluk kompara ho elisaun husi 2002 ho 2007 tamba iha kontextu Timor-Leste, maioria kandidatus iha kapasidade no eisperiensia politika iha Timor-Leste. Tuir informasaun agora dadauk iha ona 10 kandidatus mak resistu iha Tribunal Rekursu atu hetan legalidade atu tuir elisaun prezidensial nebe monu iha 17 Marsu 2012. Tuir lei katak kandidatu prezidente tenki mai husi independente labele representa nein partidu ou gropu ida maibe partidu sira so bele fo apoiu politika tuir normas ho leis elitoral Timor-Leste nia.

Tuir observasaun politika, iha ema nain 4 hanesan politikamente konsidera mai husi kandidatu independentes mak henesan Jose Ramos Horta , Taur Matan Ruak, Lucas da Costa no Roserio Tiago Lobato nebe too agora ofisialmente sidauk hetan apoiu husi partidu politiku. Kandidatus apoiu husi partidus mak henesan Fransisco Lu-Olo, Fernando Lasama, Jose Luis Guteres, Manuel Tilman, Fransisco Gomes, Angelita Pires, Abilio Araujo no Angela Freita nebe sei iha prosesu verifikasaun dadurs apoiantes. Avo Xavier mos kandidata apoiu husi partidu nebe atu tama ba kopetesaun elisaun prezendensial.

Hanesan prosesu elisaun iha mundo tomak katak kualidade programa ba kampanha sai aspeitu ida importante atu hetan votus maibe wainhira lahatene hatoo, artikula no konvinse vontates sei hetan difikuldade atu hetan votus. Orsamentu ba kampanha mos sai fator determinante ida atu halo kampanha ho suksesu, wainhira osan la iha buat barak sei la konsege halo durante kampanha nebe sei hetan resultadu ladun diak. Iha fatin seluk, ikipa seksesu sei halao kanar importante ba kandidatu, liu-liu Gestor Ikipa Kampanha (Campaign Manager) nebe sai hanesan sofer ba kampanha (driver of campaign). Ikipa kampanha ho gestor ikipa kampanha nebe diak i forti persiza forma iha tinan ida ou rua antes elisaun par bele iha liu perepasaun maximu.

Iha kontextu Timor-Leste iha situasaun ida que oinseluk ituan tamba rai ida kiik ho populasaun sidauk iha kunhesementu no eisperiensia politika nebe klean, liu-liu povu sira iha rural area sira. Kandidatu sira sei izizi atu halo kampanha iha gropu (town-hall meetings), uma ba uma (door-to-door campaign), panfletus (banners) no suratahan ho information politika (flyers) tamba Timor-Leste nia infrastrutura nebe sidauk sufisiente. Purisu ba kandidatu independente sei hetan dificuldade ituan wainhira sira la apoiu liu husi partidus politiku tamba sira la iha bazeia de apoiu,nebe tenki depende ba nia ikipa suksesu kampanha atu monta ikipa-ikipa iha kada distritu too aldeia. Kandidatus independentes presiza servisu makas atraves husi nia ikipa suksesu atu bele hari’i bazeia de apoiu, see lae sira bele halo aprosimasaun ba organizasaun sosial ho non governmental atu halo kompromisu programa par bele azuda hato’o sira nia programa to’o aldeia sira.

Iha Parte seluk sei fo vantazen liu ba kandidatu nebe apoiu husi partidus politiku sira tamba bele uza bazeia de apoiu husi partidu nia iha nivel nasional too aldeia liu husi sira nia representatantes no aktivistas. Purisu kandidatus nebe husi partidu bem organizadu (well-organized party) nebe apoiu ba kandidatu ida sei iha oportunidade liu atu hetan votus tamba sira la persiza buka no forma ema atu halo sira nia kampanha. Sira persiza deit atu hato’o programa ho diak nebe bele konvinse votantes atu hili sira nia kandidatu wainhira sira nia kandidatu la konsege to’o iha fatin hotu-hotu. Politikamente, Kandidatu apoiu husi Partidu sira iha vantazen barak, liu-liu partidu sira mai husi Membru Koligasaun iha governu nebe bele utiliza rekursu nebe iha atu apoiu nia kandidatu sira. Husi parte nee, FRETILIN mos iha vantazen barak liu tamba bele apoiu nia kandidatu liu husi rekusru partidu nia husi nasional too iha ladeia.

Iha fatin seluk povu sei iha mentalidade nebe tendensia ituan ba veteranismu no heroismu. Asuntu nee sei fo influensa ituan ba vontates sira maibe durante tinan 10 nia laran asuntu nee la utuliza ho diak purisu ema sei valoriza wainhira asuntu rua nee lori hamutuk ho kolidade rekusru humanu. Tamba ema barak promete lori asuntu nee maibe sira la halo tuir, nee duni povu komesa duvidas ona ho asuntu 2 nee wainhira kandidatus sira kolia bebeik asuntu nee durante kampanha. Purisu kandidatus persiza mos haree stratezia seluk oinsa atu hetan votus. Tamba atu uza stratezia oin-oin, nia objetivu mak ida deit “ oinsa atu hetan votus barak par manan elisaun”.

Dili Geografikamente hanesan fatin ida sei influensia no determina votus barak husi fatin seluk tamba Dili hanesan uniku fatin ho infrastrutura sufisiente no ema matenek marak liu hela iha area nee. Ita hatene katak ema hotu husi Dili hatun logistiku no informasaun ba distritus halo kampanha (maioria orientasuan mai husi Dili). Ema sira iha Dili mak bele halo influensia iha fatin seluk hanesan iha distritu sira, pruzemplu ema barak mak nia oan mak servisu no iskola iha Dili purtantu inan ho aman no familia sira sei rona uluk liu husi oan no familia sira iha Dili tamba sira manus informsaun. Purisu kadidatu nebe iha influenza iha Dili ho ikipa forti sei hetan votus barak mos iha fatin seluk.

Eisperiensia hatudu ona katak partidu no kandidatu nebe hetan votus barak iha Dili, sira sei hetan mos votus iha fatin seluk. Purtantu Dili hanesan metru ida ba kandidatu sira atu hetan votus mos iha fatin seluk (distritu sira). Kandidatu nebe bele konvinse votantes sira iha Dili, nia iha posibilidade boot atu bele konvinse votus barak iha fatin seluk. Ida nee depende kapasidade no servisu ikipa seksesu elisaun atu identifika asuntu importantes no hatene kerateristiku votantes iha vatin hotu-hotu. Iha natureza politika kampanha ida katak “votantes sei la hili kandidatu ida wainhira sira la hatene no kunhese” ou “votantes sei hili kandidatu ida wainhira sira hatene no konhese”. Nee duni agora depende ba ikipa suksesu atu halo stratezia oinsa votantes bele hatene liu sira nia kandidatu iha nivel nasional too area rural. Tuir teoria politika katak iha karateristiku vontates 3 deit: Sira nia votus, Ita nia votus no votantes nebe sidauk deside. Kandidatu persiza haree no istuda karakter votus nee par bele target sira nia mesazen no stratezia politika.

Sem comentários:

Enviar um comentário