quarta-feira, 4 de janeiro de 2012

CNRT Preparadu Simu Konferensia Nasional Atu Decide Kandidatura PR

.

CJITL - Kuarta-Feira, 4 husi Janeiru 2012

Tuir publikasaun ekipa komunikasaun partidu Conselhu Nasional Rekonstrusaun de Timor – CNRT katak Ekipa Téknika ba konferensia nasional partidu ne'ebe sei hala'o iha loron 7 Janeiru ne'e preparado ona.

Komisaun Organizadora husi Kuadru Politika Partidu CNRT halo avaliasaun final ba programa molok atu diskuti iha konfrensia nasional Partidu CNRT nian ne’ebe sei realiza iha semana ne’e durante loron rua 7-8 iha Centru Convensaun Dili.

Konferensia nasional ne'e sei sai hanesan ekontro importante atu foti desizaun konaba kandidatu partidu nian ba kandidatu Prezidente Republika – PR.

Tuir Sekretariu Jeral Partidu CNRT Dionisio Soares Babo hateten katak inportante ba komisaun atu prepara materia hodi diskuti molok atu tama ba konfrensia nasional atu nune bele komprende didiak materia ne’e molok atu aprezenta ba delegadu sira hotu iha sala konfrensia.

Dionisio hateten ida ne'e iha Sekretariadu Nasional Partidu CNRT Bairo Dos Grilhos, Terca-Feira ne (3/01). (*/Amandio Magno/CJITL)

Sem comentários:

Enviar um comentário