“PM Xanana Gusmao Kole, laos Moras”: Labele Fiar Propaganda Fretilin

Jornal Rekonstrusaun.

Written ba Manuel

Media Propaganda FRETILIN hanesan Blogo Timor Hau nia Doben ho Diário Timor Post, kontinua diskredita Primeiru Ministru (PM) Xanana Gusmao hodi lohi povo katak PM moras no tanba né labele lidera ona Governasaun Aliansa maioria Parlamentar (AMP).

Diario Timor Post, nebé mos kunhesidu ikus né hanesan media propaganda FRETILIN nian hatete iha sira nia edisaun 28 Dezembro 2012 katak mandate AMP nian  besik atu remata, maibe kondisaun Xefe Governu neé komesa fraku ona, tanba hetan moras ataka bebeik.

Tuir Timor Post iha loron, Tersa (27/12) PM xanana hetan tan atakasaun moras no fila kedas ba uma hafoin husi uma mai rezidensia Palasiu Governu hodi halo servisu, maibe la konsege no fila kedan ba uma tanba hetan atakasaun moras.

PM Xanana nebé desde loron 23 to 27 Dezembro halo visitas “non-stop” ba distritos hirak iha parte leste ho rai-klaran, senti kole no kotuk laran moras tanba viagem longa né. Maski ho kondisaun kole, PM Xanana esforsa a’an hodi mai servisu nafatin. Tuir informasaun Gabinete PM, chefe governo né obriga a’an mai servisu maske medico sira aviza ona nia hodi hela deit iha uma.

Tanba né PM Xanana iha dadersan loron tersa 27/12) deside atu fila fali ba deskansa hodi bele rekopera fali. Horiseik dader (28/12), PM diak fali ona, no tam servisu hanesan bain-bain no simu embaxador Xina Mr. Fu Yuancong durante oras rua iha Palacio Governo.

Iha sesaun parlamentaria banhira diskuti orsamento geral 2012 li ba Xefi Governu hetan moras ulun sorin (migraine) no deside ba Singapura hodi halo tratamento. Maibe tuir Ministro Saúde Nelson Martins, Hopspital Nasional Singapura relata katak maske halo scan complete ba PM, la hetan nein moras ida. Tuir medico sira iha Singapura, PM kole demais, no hakaas aan atu servisu la tuir oras, no falta deskansu.

“Fila husi ospital Nasaun Singapura doutor hameno atu xanana presija tempu barak deskansa, maibe nia kontinua halao servisu hanesan baibain no la hanoin ba moras neébe afeita ba nia an”, katak eskolto PM nian ida nebé lakohi temi nia naran.

Nuneé mak hafoin fila husi lansamentu sentral eletrisidade ba Distritu Baucau, Lautem, no vizita servisu ba Aileu, xefi Governu nia kotuk laran moras tanba kondisaun Estrada ladiak.

Primeiro Ministro Xanana mos hatete katak nia stress tanba hanoin barak konaba moris povo nian no dezenvolvimento rai n’e nian. “Hau nia ulun todan ituan ona, hau iha hela S3 (Stres) nia laran, hau stress tanba tinan besik atu hotu ona, no tenki hakaas aan hodi bele responde ba necessidade povu nian, no povu nia moris,” deklara PM Xanana Gusmao antes neé.

PM Xanana Gusmao haktuir tan katak,”Agora ita iha tempo nebé todan, estadu iha hela konstrusaun nia laran, neé be, Governu hakaas aan atu hadia problema sira neébe mak akontese,” tenik xanana.

Hafoin liu husi vizita servisu durante semana hirak nia laran iha distritu, PM Xanana Gusmao sente kole nebé provoka nia koruk laran moras, maibe deposi diak fali hanesan bain-bain. Tuir médico specialista Mendes Pinto hosi Hospital Guido Valadares (HGV), “PM nia kondisaun diak hela, so ke nia kole demais tanba la hatene deskansa. Scan iha Singapura mos la akuza buat ida, no PM nia kondisaun saúde diak tebes”.

Ita hatene katak media propaganda FRETILIN ho Diário Timor Post sempre hatun informasaun nebe miring konaba PM Xanana nai kondisaun, hodi hatete ba Povo katak PM moras, no so sira nia partido ho Mari Alkatiri mak isin diak no la moras.

Media propaganda FRETILIN ho Diário pro-FRETILIN “Timor Post” iha semana hirak ikus n’e sempre halo kobertura nebé la favorece governu no ho intensaun atu hattun governu nia imajem, liu-liu PM Xanana nia imajem (Frs).