Dionisio : CNRT Iha Planu Dezenvolvimento nebe Integradu, Ekilibradu No Sustentavel

Written by Domingos Silva Wednesday, 06 July 2011 18:28

CJITL Flash, Universidade Nasional Timor Lorosae no Universidade Vitória Australia organiza debate nakloke ida ho Lider Partidu Politiku ho tema “Koñesimentu, atitude no abilidade ba dezenvolvimentu Timor-Leste”.

Iha oportunidade  ne’e Sekretáriu Jeral Partidu CNRT  Dionisio Babo hateten katak Partidu CNRT iha nia planu dezenvolvimento hatoda-an iha prinsipiu tolu nia leteb Integradu, Ekilibradu no Sustentável ba prosesu dezenvolvimentu nasional.

"Planu ne’ebé integradu signifika katak politika Partidu CNRT hare ba aspetu hotu-hotu hanesan ekonomia, infrastrutura, edukasaun, saúde, justisa no agrikultura ho mos seitores seluk" dehan Dionisio Babo Iha nia Diskursu Segunda 04/6 iha CCD.

Nia Hatutan katak Planu integradu sira ne’e mak CNRT fo prioridade liu hodi  implementa iha prosesu dezenvolvimentu nasional. Ekilibradu tanba tenki iha ekilibrius entre areas rurais ho areas urbanas, no labele bias deit ba parte ida.

Nia hatutan katak politika Partidu CNRT nian katak planu estratéjiku dezenvolvimentu nasional-PED tenke ekilibradu duni ba área rural sira hodi bele fo sustentabilidade ba sira ne’ebé iha área rural.

CNRT mos iha planu sira tenke iha sustentabilidade, planu ne’ebé sustentável katak planu sira ne’e tenke refleta duni ba dezenvolvimentu nasional.(Domingos da Silva/CJITL)