Partidu Trabalista Australia halo Enkontru ho lideransa CNRT

Friday, 27 May 2011 13:27 Written by Manuel Ximenes

Dili - Partidu Trabalista Australia ne'ebé representa husi Partidu Trabalista Western Australia, halo enkontru ho lideransa Partidu Kongresu Nasional Rekonstrusaun Timor Leste ( CNRT ) nudar parseiru, hodi troka ideia kona esperensia, no problema sira ne’ebé maka sira hasoru durante halao atividade partdu nian.

Iha enkontru ne’e diriji diretamente husi Politika Nasional (CPN) maka Sekretáriu Jeral P-CNRT, Dionísio Babo Soares.

Enkotru ne’ebé halao durante oras ida nia laran, Partidu Trabalista Australia fahe esperensia balun kona ba lalaok Partidu Trabalista hari, ne’ebé la-ses husi problema sira bainhira halao atividade partidu nian hanesan halao konsolidadsaun no halao kampania iha baze. 

Tuir Alana Clohesy Presidente Partidu Trabalista Western Australia hateten, bainhira sira hari partidu ne’ebé refere sira hetan desafiu ka problema sira hanesan Partidu CNRT infrenta iha ne’e.“Bainhira ami hari Partidu ne’e iha ami nia nasaun, ami mos imprenta problema hanesan agora dadaun ita bo’ot sira imprenta dadaun”.

Dehan Alana Clohesy Kinta-feira lokraik (26/05/11) iha sede P-CNRT bainhira halao espilikasaun ba membru KPN sira.

Durante diskusaun, membru KPN CNRT antusiasmu makas hodi rona esplikasaun, no sira mós halo perguntas ba membru P-Trabalista nain tolu ne’e. Iha troka ideia ne’e Partidu Trabalista Australia kompostu husi Presidenti Partidu Trabalista nian maka Alana Clohesy, Peter Yates, nudar Internasional Project Officer, no Australia Labor Party Nasional Secretariat no Lucky.

Husi parte P-CNRT representa husi Skretáriu Jeral P-CNRT Dr. Dionísio Babo Soares, Vise I Sekrétariu José da Silva (Folaran), vise Sekrétariu Jeral II Duarte Nunes, P-OMP Izilda Soares, José Francisco Silva Cefe Sekrétariu Nasional, no Reprezentane OJP P-CNRT . End