Partidu CNRT sei hahu konsolidasaun iha Manleuana 25 Juñu

Tuesday, 31 May 2011 19:04 Written by Pedro Delfim

Dili-Relasiona ho elisaun jeral 2012 ne’ebé agora dadaun besik ona partidu politiku hotu- hotu komesa hahu halo konsolidasaun no reajustamentu struktura partidu nian iha nivel baze. Tuir Orariu Konsolidasaun Partidu Kongresu Nasional Rekontrusaun Timor Leste (CNRT) sei hahu halo konsolidasaun no reajustamentu hodi fó tomada de Pose ba struktura nivel baze iha 25 Juniu oin mai iha Manleuana.

Tuir Kordenador Konsolidasaun Partidu CNRT Paul Martins hateten katak iha 25 Juniu Partidu CNRT sei halao konsolidasaun no Reajustamentu struktura partidu nian no fó tomada de pose ba struktura Nivel Suku nia iha Manleuana.

“ita hotu hatene katak agora dadaun partidu hotu-hotu komesa halo konsolidasaun no rejustamentu struktura partidu nian iha nivel baze no iha 25 agora partidu CNRT mós sei hala’o konsolidasaun no  reajustamentu struktura ho fo tomada depose ba Kordenador  NUREP no CELCOM  nia iha Manleuana”

dehan Paul iha Parlamentu Nasional Terca (31/05).

Nia mos informa tan katak agora dadaun ami prepara ona kartaun militantes  no agora dadaun ami disribui tia ona ba iha baze inklui mos Dili, liu-liu  iha parte Manleuana compostu husi Sucu Bairo Pite no Dom Alexo sei konsentra hotu iha Manleuana.

“kartaun ne’ebé ami disrtibui ba kordenador sira bainhira sira hetan tomada depose mak sira bele distribui kartaun militante ne’e ba militante sira hotu hafoin halo konsolidasaun ne’e iha Manleuana”dehan nia.
Nia mós hatutan tan katak agora dadaun ami  sei dauk bele fo lista kona ba militante hira mak agora dadaun hetan ona kartaun militante. Maibe depois remata konsolidasaun mak ami bele fo sai katak militante iha parte Manleuana ne’e tomak kuantidade hira no geralmente kada Distrital hamutuk ema nain hira. Iha parte hanesan Deputadu CNRT Romeu Moises hateten katak konsolidasaun ne’ebe sei halo iha Manleuana atu bele hametin tan struktura Partidu nia iha nivel baze liu iha Parte Manleuana nia atu nune bele garantia ba elisaun geral 2012.

“ho konsolidasaun ne’e atu bele hametintan sruktura partidu nia iha parte Manleuana nia nebe kompostu husi Suku Bairo Pite ho Dom Alexo nia tamba iha Suku rua ne’e militante CNRT mak barak liu”dehan Romeu.

http://partidocnrt.com/index.php?option=com_content&view=article&id=196:partidu-cnrt-sei-hahu-konsolidasaun-iha-manleuana-25-junu&catid=29:notisia-cnrt&Itemid=154