Relatoriu UNDP Falsu, TL Hatama sugestaun 800

Segunda, 23 Maiu 2011 - 17:41:40 OTL

Posting Husi : Josefa Parada

DILI- Vise Primeiru Ministru (V-PM) Asuntu Sosiais, Jose Luis Guterres hateten governu iha sugestaun atus walu (800) ba relatoriu husi ajensia Internasionais sira nebe halao knar iha nasaun Timor Leste, liu-liu relatoriu konaba situasaun iha nasaun ne’e.     

V-PM Jose Luis Guterres hateten lia hirak ne’e, relasiona ho relatoriu husi Ajensia Internasionais sira, nebe tuir V-PM Jose Luis katak iha failansu barak iha relatoriu ne’e. Relatoriu ne’e, katak V-PM  falsu no la los.
“ Ida seluk fali relasaun relatoriu ida nebe Human Develop Report nebe UNDP hasai ami hateten ba sira mos katak informasoens balun nebe iha neba, informnasaun sira ne’e la los, informasaun sira ne’e sala, lia bosok maka iha neba,” hateten V-PM Jose Luis ba jornalista sira, hafoin lansa primeira Pedra ba edifisiu foun Ministeriu Solidaridade Sosial (MSS), Caicoli, Segunda (23/5).

Nia hatutan iha relatoriu balun relasiona ho konstrusaun eletrisidade iha rai laran, dehan governu atu sosa jeradores segunda maun. Informasaun ne’e katak vise PM, ne’e la los, publiku hotu hatene katak ne lalos.
Relasiona ho problema ne’e, governu hatutan V-PM Jose Luis Guterres, hein katak sira (Ajensia Internasionais-red) sei korize informasaun hirak ne’e. Relatoriu ne’e mos nasoens unidas intrega ona ba Governu atu hare no muda parte husi relatoriu balu.

“ Ami hare katak informasoens iha neba ne’e lalos, iha relatoriu balun la tuir dalan, neduni ami hanesan fo sugestoens atus walu (800) ba relatoriu ne’e para muda, I depois wainhira sira halo publikasaun ne;e la fo fali relatoriu final ami hare draft, nemak ita hare katak informasoens balun nebe ita hare kontein iha dokumentus ne’e la los,” esplika V-PM.

Sugestaun atus walu ne’e, esplika tan V-PM hanesan draft inisial nebe hateten BIS ne’e banku sentral mundu nian, nebe nia baze iha Swiss. Sira (Ajensia Internasional-red) hateten fali dehan banku foin estabelesidu husi ema Nazis sira.

Konaba mandate UNMIT nian, nebe sei remata iha 2012, tuir V-PM Jose Luis ne’e ofisial tena sei hotu iha 2012, governu rasik koalia ona ho nasoens unidas atu ratifika no termina lolos mandate UNMIT iha Timor ho diak.  Josefa Parada