FRETILIN no Governu Alkatiri mak reponsabiliza krize 2006. Governu koncentra ba rezolve problemas sira ne´ebe krize 2006 nian
Dili. Sekretariu Jeral Partidu Demokratiku (PD), Máriano Assanami Sabino deklara, iha eleisaun Jeral 2007 liu ba PD deside halo koligasaun ho Partidu Congresso Nacional Reconstrução Timorense (CNRT) inklui mos partidu sira seluk iha AMP no lakohi hamutuk ho FRETILIN ne´ebe iha ninia Governasaun 2006 mosu krize ne´ebe halo povu terus, susar no mós mate.
”Iha tempo ne´eba (2007, red) ami labele koliga ho sira (Fretilin, red), tanba iha situasaun krize ida que sira komete, maibe ba futuru ita nakloke ba ema hotu, maibe tenki hadia-an, ema ne´ebe la halo susar povu, la halo terus povu, ita bele lao hamutuk”, deklara Assanami, iha aldeia Nopen, Suku Vila Verde wainhira halo tomada de posse ba estrutura foun PD iha aldeia ne´e, sabado (14/05/2011).
Tanba ne´e, Sekjen PD ne´e mos husu bá povu atu tetu didiak, tamba Partidu hotu-hotu ukun ona nasaun ne´e, ho ida ne´e povu maka tenki hatene hili partidu ne´ebe bele diak no partidu ne´ebe bele dezenvolve Nasaun no povu Timor-Leste ba oin.
”Ita tenki hatene partidu hotu-hotu pernah ukun ona, povu tenki loke matan haree ida ne´ebe mak ukun ho diak, no ida ne´ebe mak lider sira hahalok diak, no ida ne´ebe lider sira hakuak ema no ida ne´ebe maka lider sira babain trata ema, sobu ema no koalia ema nia vida privada”, haktuir Assanami.
Nia dehan, iha tinan 2007 PD la kolobora ho FRETILIN hodi forma Governu ho razaun PD lakohi halo koligasaun iha 2007, tanba tinan 2006 Governu iha I, II no III Governu Konstitucional, ne´ebe Fretilin mak lidera I Governu ida ne´e, maibe iha tinan 2006 instituisaun Estadu bo´ok-an hotu hanesan F-FDTL no PNTL, iha mos birokrasia iha governu ne´ebe maka mosu krize bo'ot ida.
Tanba ne´e Sekjen hateten, razaun ne´ebe tenki fó hatene ba povu hotu para hatene se la´e Povu hotu duvida tanba sa PD ho jerasaun barak liu ne´ebe mai husi ASDT no FRETILIN, maibe nusa mak la hamutuk ho FRETILIN hodi forma Governu aliansa ida, maibe hamutuk fali ho CNRT no partidu sira seluk.
FRETILIN no Governu Alkatiri mak reponsabiliza krize 2006
Nia deklara, krize 2006 ne´e se mak tenki responsabiliza, tanba krize ne´e Governu ida kaer ukun mak tenki responsabiliza, tanba ukun ida iha momentu ne´eba material, instituisaun iha Governu nia liman, nia mak tenki orienta no fó programa atu oinsa Governu bele rekopera nafatin konfiansa povu atu Governu bele forti ba oin.
“Ho ida ne´e, hanesan Partidu determinadu iha 2007, ita deside katak Partidu ida ne´ebe halo ona krize, halo ona terus no susar ba povu, ita la hamutuk ho nia maibe ita koko hamutuk ho partidu sira seluk hodi forma AMP”, deklara Assanami.
Governu koncentra ba rezolve problemas sira ne´ebe krize 2006 nian
Tanba ne´e, Sekjen PD ne'e dehan, programa partidu nian barak mak la hala´o, tanba iha problema barak ne´ebe prezisa resolve problema hanesan refuziadus, problema peticionarius, situasaun ne´ebe mosu iha instituisaun Estadu nian hanesan F-FDTL no PNTL ne´ebe prezisa reforsa fali atu bele salva guarda fali konfiansa povu ninian atu povu tau fiar fali ba Estadu.
“Iha ohin loron PD reforsa iha Governu AMP (Aliança Maioria Parlamentar) nia laran oinsa maka bele hadia makina estadu ne´ebe la´o diak”, hakotu Assanami.
Fonte: Timor Post (TP), edisaun Tersa-Feira (17/05/2011, paj. 3)!
Dili. Sekretariu Jeral Partidu Demokratiku (PD), Máriano Assanami Sabino deklara, iha eleisaun Jeral 2007 liu ba PD deside halo koligasaun ho Partidu Congresso Nacional Reconstrução Timorense (CNRT) inklui mos partidu sira seluk iha AMP no lakohi hamutuk ho FRETILIN ne´ebe iha ninia Governasaun 2006 mosu krize ne´ebe halo povu terus, susar no mós mate.
”Iha tempo ne´eba (2007, red) ami labele koliga ho sira (Fretilin, red), tanba iha situasaun krize ida que sira komete, maibe ba futuru ita nakloke ba ema hotu, maibe tenki hadia-an, ema ne´ebe la halo susar povu, la halo terus povu, ita bele lao hamutuk”, deklara Assanami, iha aldeia Nopen, Suku Vila Verde wainhira halo tomada de posse ba estrutura foun PD iha aldeia ne´e, sabado (14/05/2011).
Tanba ne´e, Sekjen PD ne´e mos husu bá povu atu tetu didiak, tamba Partidu hotu-hotu ukun ona nasaun ne´e, ho ida ne´e povu maka tenki hatene hili partidu ne´ebe bele diak no partidu ne´ebe bele dezenvolve Nasaun no povu Timor-Leste ba oin.
”Ita tenki hatene partidu hotu-hotu pernah ukun ona, povu tenki loke matan haree ida ne´ebe mak ukun ho diak, no ida ne´ebe mak lider sira hahalok diak, no ida ne´ebe lider sira hakuak ema no ida ne´ebe maka lider sira babain trata ema, sobu ema no koalia ema nia vida privada”, haktuir Assanami.
Nia dehan, iha tinan 2007 PD la kolobora ho FRETILIN hodi forma Governu ho razaun PD lakohi halo koligasaun iha 2007, tanba tinan 2006 Governu iha I, II no III Governu Konstitucional, ne´ebe Fretilin mak lidera I Governu ida ne´e, maibe iha tinan 2006 instituisaun Estadu bo´ok-an hotu hanesan F-FDTL no PNTL, iha mos birokrasia iha governu ne´ebe maka mosu krize bo'ot ida.
Tanba ne´e Sekjen hateten, razaun ne´ebe tenki fó hatene ba povu hotu para hatene se la´e Povu hotu duvida tanba sa PD ho jerasaun barak liu ne´ebe mai husi ASDT no FRETILIN, maibe nusa mak la hamutuk ho FRETILIN hodi forma Governu aliansa ida, maibe hamutuk fali ho CNRT no partidu sira seluk.
FRETILIN no Governu Alkatiri mak reponsabiliza krize 2006
Nia deklara, krize 2006 ne´e se mak tenki responsabiliza, tanba krize ne´e Governu ida kaer ukun mak tenki responsabiliza, tanba ukun ida iha momentu ne´eba material, instituisaun iha Governu nia liman, nia mak tenki orienta no fó programa atu oinsa Governu bele rekopera nafatin konfiansa povu atu Governu bele forti ba oin.
“Ho ida ne´e, hanesan Partidu determinadu iha 2007, ita deside katak Partidu ida ne´ebe halo ona krize, halo ona terus no susar ba povu, ita la hamutuk ho nia maibe ita koko hamutuk ho partidu sira seluk hodi forma AMP”, deklara Assanami.
Governu koncentra ba rezolve problemas sira ne´ebe krize 2006 nian
Tanba ne´e, Sekjen PD ne'e dehan, programa partidu nian barak mak la hala´o, tanba iha problema barak ne´ebe prezisa resolve problema hanesan refuziadus, problema peticionarius, situasaun ne´ebe mosu iha instituisaun Estadu nian hanesan F-FDTL no PNTL ne´ebe prezisa reforsa fali atu bele salva guarda fali konfiansa povu ninian atu povu tau fiar fali ba Estadu.
“Iha ohin loron PD reforsa iha Governu AMP (Aliança Maioria Parlamentar) nia laran oinsa maka bele hadia makina estadu ne´ebe la´o diak”, hakotu Assanami.
Fonte: Timor Post (TP), edisaun Tersa-Feira (17/05/2011, paj. 3)!
Escolhido husi FORUM HAKSESUK
Sem comentários:
Enviar um comentário