KANDIDATURA BA PR POTENSIA LASAMA-HORTA 50-50

Sexta-feira, 25 de Março de 2011

MIRO NASCIMENTO – SUARA TIMOR LOROSAE – 24 marsu 2011

DILI – Publiku komesa fihir ona kandidatu ne’ebe soin atu tuur iha kadeira Prezidente Republika iha eleisaun 2012. Balun sei fo nafatin apoiu ba Prezidente Republika atual Jose Ramos Horta atu kontinua, tamba rekoinese programa balun ne’ebe nia hala’o tiha ona. Seluk fali, hakarak jerasaun foun ne’ebe reprezenta husi figura Fernando La Sama Araujo atual Prezidente Parlamentu Nasional ne’ebe iha ona esperensia nudar Prezidente Republika Interinu durante krizi 2006. Ne’eduni, potensia La Sama-Horta bele dehan 50-50.
Tuir Juviaun da Silva, (Estudante UNTL Faculdade Ekonomia), ba STL iha nia knar fatin Quarta (23/03) hateten katak, Timor Leste ema hotu iha Direitu maibe povu mak determina tamba povú mak iha direitu atú hili se deit mak atú sai Presidente Republika.

Nia hatútan, Kandidatúra nain rua ne’ebe iha ona iis katak atú kandidata an ba Presidente Republika hare husi esperensia, nain rua priense hotu, maibe kuandu hare husi idade, La Sama sai hanesan jenerasaun ba futuru Timor-Leste nian, maske nia hanesan jerasaun foun.

Tamba tuir nia, La Sama iha ona esperensia ba Presidente nian mak hanesan dadauk ne’e sai hanesan Presidente Parlamentu, no iha mós esperensia mak hanesan dala ida sai hanesan Presidente Interinu iha momentu krize 2006 nian ne’e.

Iha fatin ketak mós, Filomeno dos Santos (Jovens Caicoli), hateten katak, se deit mak sai atú ukun nasaun ne’e, liu-liu ba Kargu Prezidente Republika, povú mak iha direitu atú nune’e bele hili tuir sira nia hakarak, tamba ne’e povú atú hili kandidatú se deit mak ba tur iha kargu Prezidente Republika importante mak tenke halo mudansa ba nasaun no povú iha rai ida ne’e.

“Ida ne’e direitu povú nian, tamba ne’e povú atú hili kandidatú ida konforme sira nia hakarak, maibe importante mak tenke halo mudansa no bele halo dezenvolvimentu ba povú iha nasaun ne’e,” hateten nia.

Nune’e mós, Miguelina Fatima, iha ninia komentariu hateten, durante ne’e kandidatú nain rua ne’ebe mak iha ona iis atú nune’e bele kandidata an ba Prezidente Republika nian, iha eleisaun tuir mai, importante mak sira nia programa ne’ebe sira atú halo, hodi nune’e povú bele hare kandidatú ida ne’ebe mak serve duni atú nune’e bele halaó knar ida ne’e.

Tamba ne’e, husu bo’ot ba kandidatúra ne’ebe atú kandidata an ne’e, hodi halo planu ne’ebe diak atú nune’e bele halo dezenvilvimentu ba nasaun no povú ida ne’e, tamba atú hili laós ema seluk mak hili maibe povú mak sei nomeia hodi kandidatú ne’e ba tuur iha kargu Prezidente Republika nian.

Nune’e mós, Silvino Savier, (Komunidade Fatúhada), hateten katak, nia parte sempre apoiu ba kandidatúra ne’ebe atú kandidata an, tamba ne’e espera katak ho iis ne’ebe iha katak Fernando La Sama ho Ramós Horta atú kandidata an, konforme Povú ona atú hili ida ne’ebe.

Nia parte halo komparasaun katak, Fernando La Sama hanesan figura ida ne’ebe serve ona hodi halo kompetisaun ho Ramós Horta, Prezidente Atúal ne’e, maske nia hanesan jerasaun foun maibe nia hanesan figura ida ne’ebe bele prepara ona ba jenerasaun futuru nian, relasiona ho nia esperensia ne’ebe durante ne’e nia iha ona.

Prezidente Parlamentu, Fernando La Sama de Araujo, rasik prontu ona hodi nune’e bele halo kompetisaun ba kandidatúra Prezidente Republika nian ho kandidatú sira seluk iha eleisaun prezidensial tinan oin mai. pri