Dili-“Tribunal Distrital Dili. Terca, (2/3) adia julgamentu kazu indikasaun korupsaun Vice Primeiru Ministru, Jose Luis Guterres ba loron 11-14 Abril tinan ne’e. tanba arguidu ne’ebe nudar espoza VPM seidauk notifika no VPM rasik seidauk hetan suspensaun husi nia kargu.
Kazu refere, rezistu iha Tribunal ho numeru Prosesu 266/C.ord/2010 ne’ebe kaer husi Juis kolektivo Dr. Joao Ribeiro, Dr. Joao Velgar no Dr. Alvaro Maia Freitas, prokurador kolektivo Dr. Aderito Tilman no Dr.Carlos Venecios no defeza kolektivo Sergio Hornai, Cancio Xavier, Cerelio no Jose Pedro Camoes.
Tribunal deklara katak, tuir lei tribunal seidauk bele halao julgamentu ba kazu indikasaun korupsaun VPM, Jose Luis Guterres nian, tanba arguidu Ana Maria Valerio nudar espoza VPM seidauk notifikasaun no Jose Luis Guterres ne’ebe sai arguiduba kazu ne’e seidauk suspensaun ba nia kargu nudar Vice PM nune’e adia fila fali ba loron seluk.
“Ami seidauk bele julga kazu ne’e tamba ami seidauk karta suspensaun VPM husi Parlamentu Nasional no seidauk notifika ninia espoza, tanba tuir lei tribunal labele julga membru governu ida ne’ebe sidauk suspende husi nia kargu no residensia arguida Ana Maria,”hateten Presidente de Juis Joao Ribeiro iha sala de audensia.
Antes ne’e tribunal haruka ona karta notifikasaun ba VPM iha loron 23 Dezembru tinan 2010 no ba PN iha loron 8 Fevereiru tinan 2011, maibe to’o agora tribunal seidauk hetan karta suspensaun husi PN rasik.
Tanba ne’e Tribunal mos deklara katak, iha loron ne’ebe deside ona mak arguidu la marka prezensa bele halo separasaun prosesu mais tribunal mos fo posiblidade atu arguidu mai volontariamente ou hato’o karta ba defeza sai reprezenta arguida nian iha Tribunal.
Tuir parte Ministeriu Publiku konkorda katak, bainhira iha loron ne’ebe determinadu ona husi tribunal mak arguidu la marka perzensa bele halo separasaun prosesu tuir artigu 25 kodigu prosesu penal Timor leste, kazu refere, Ministeriu Publiku akuza ho artigu 301 konaba agravasaun no artigu 302 kona ba konseitu funsionariu iha kodiku penal Timor Leste no Undang-undang Indonesia nian numeru 31/1999 capitulu I no II konaba kombate korupsaun.
Tantu husi defeza arguidu Jose Luis Guterres hateten katak, arguidu sira senti desponivel atu bele kopera ho autoridade judisario iha inisio to’o ate presente data sempre kolabora sira la goja sira nia imunidade mas sira mai hanesan sidadaun ne’ebe hakarak kolabora ho Justisa.
“Arguidu sira ne’e mai presta sira nia deklarasaun tanba sira hakarak husi verdadeiro iha tribunal ne’e duni ami nia kliente Jose Luis Guterres nudar arguidu nia la goza I nia la fo importansia ba imunidade, maibe ohin nia hatudu momos katak, nia hakarak kopera ho tribunal ida ne’e atu buka verdadeiru ba justisa,”deklara defeza Sergio Ornai.
IHA FATIN HANESAN, Arguido Joao Camra hatete, nia parte sei kolabora ho parte justisa nian iha momentu ne’ebe deit.
“Ho adiamentu ne’e lahalo ami triste tanba ami kolabora ho justisa atu hadia to’o ne’ebe deit ami sempre tuir dalan tribunal nian tamba ami buka justisa,”hateten Joao Camra.
Antes ne’e tribunal liu husi Joao Ribeiro fo livre Ministeriu Negosiu Estranzeiru Zacarias Albano da Costa, tanba faktus ne’ebe aprejenta husi PM la forte no tuir informasaun katak, Ministru Zacarias Albano da Costa sai sasin ba kazu refere, partisipa husi julgamentu ne’e mak membru PN, membru do Governu, sosiedade sivil, membru komisaun funsaun publiku, emprejariu no staf gabinete Vice Primeiru Ministru.nty
Sem comentários:
Enviar um comentário