quinta-feira, 3 de março de 2011

Iha Tribunal Distrital Dili, “Jose Luis Guterres:”Hau Inusenti”


.
Jornal Nacional Diário - Kinta, 03 Marsu 2011

Dili-“Tribunal Distrital Dili, Kuarta (2/3) julga Vice Primeiru Ministru, Jose Luis Guterres ba kazu indikasaun abuzo de poder no korupsaun maibe Parlamentu seidauk suspende nia husi ninia kargu tan ne’e julgamentu adia ba fulan Abril mai.
“Ohin hau mai mos ho sentimentu bot teb-tebes katak, hau inusenti,”afirma vice Primeiru Ministru Jose Luis Guterres, hafoin tuir julgamentu iha Tribunal Distrital Dili.

Tuir Jose Luis, desizaun ne’ebe hau toma iha Ministru Negosiu Estrangeiros iha segundu governu konstitusional, Governu FRETILIN nian, desizaun ne’ebe nia toma ne’e tuir lei, diretu internasional no no tuir mos pratika Ministeriu Negosiu Estrangeiros nian.

“Hau laos deit mesak, fo an deit atu sai ministru Negosiu Estrangeiros, maibe Primeiru Ministru altura Jose Ramos Horta no Vice Primeiru Ministru mak konvida hau atu mai kaer knar hanesan Ministru Negosios Estrangeiros, maibe hau mos tempo ne’eba dehan, hau iha familia no labarik sira sei estuda, ne’ebe sujestaun mai husi sira kedas, laiha buat ida, Dr. Ana bele servisu iha misaun permanenete Timor Leste nian iha Nasoens Unidas, tamba labarik sira sei estuda,”koalia Jose Luis.

Jose Luis haktuir, sujestaun ida ne’e mai rai Timor Leste, prosesu tuir fali birokrasia normal, iha altura Sekretariu Jeral Ministeriu Negosios Estrangeiros João Camra nia mak halo proposta ida ba vice Ministru Negosios Estrangeiros, tanba tempu ne’eba nia laiha ne’eba i Minitru interina Negosiu Estrangeiros nia mak fo aprovasaun konkordansia, tanba nia mos iha kualifikasaun professional.

“Ne’ebe akuzasaun balun hau rona bebeik dehan illegal-ilegal, laiha ilegalidade maibe buat ne’e direitu internasional, tanba ita mos iha pratika Timor leste, ema balun estranjeirus laos pais CPLP nian mos sai embaixador ne’ebe funsaun as ne’e bele I nusa mak sira mai iha kraik ne’e labele,”katak Jose Luis.

Jose Luis afirma, ninia prezensa iha tribunal ho konsensia trankuila katak, laiha KKN, laiha korupsaun, laiha konklui para erikisementu elisitu.

“Balun koalia US$3 miloens, 3 mil no 30 mil, favor, iha Governu ne’e atu asai osan ida deit sei liu prosesu barak, birokrasia iha ministeriu Nergosio Estrangeiros, Ministeriu Finansas, Banku Autoridade de Pagamentu, ne’ebe la’os fasil ita atu fo osan hanesan ne’e, US$2800 fulan ida, iha Nova Yorke US$2800 la to’o atu selu apartemen ida para ema hela, ne’e la to’o, tanba ne’e mak iha subsidiu,”katak Jose Luis.

Nia hateten nia rona bebeik dala barak durante tinan 3 ona, maibe nia dehan, sidadaun hotu-hotu Timor Leste tenki tuir lei, i interpretasaun lei ne’e mak nia mai Tribunal Distrital Dili atu rona juis sira atu tesi lia, para lialos hotu-hotu bele hare no simu.

Jose Luis koalia, iha Timor Leste, ema tomak husi Presidente Republika to’o sidadaun ida kualker, hotu-hotu tenki kumpri lei, laiha sidadaun Timor ida as liu konstituisaun da Republika no lei iha Timor Leste.

“Asuntu ne’e kleur ona, hahu deklarasaun politika ida mai husi Bancada FRETILIN, liu husi Prokuradoria i ohin loron tama iha Tribunal Distrital Dili, hau mai ho respeita teb-tebes ba instituisoens Timor Leste nian, tanba objetivus politikus tempu uluk kedas hau hakarak ba rai ida ne’e, kria sistema ida, ke ema tomak no Timor oan tomak bele senti katak, sira ne’e tratadu igual no hanesan no laiha ema ida as liu lei,”katak Jose Luis.

Jose Luis hateten, nia laran solok iha Tribunal Distrital Dili, tur iha Banku reios nian para rona akuzasaun husi Ministeriu Publiku nomos desizaun ne’ebe husi meritesimus Juis sira, maibe ohin (horsehik) arguida ida seidauk notifikada i tanba mos nia hanesan membru Governu, meritesimus Juiz sira hanoin katak, sira labele julga membru Governu.

“Tamba ne’e, sira mos haruka karta ba iha Primeiru Ministru no Parlamento Nasional, atu deside saida los maka atu halo inrelasaun ho membru Govermu ida, iha hanoin oi-oin, ne’ebe hau hanesan ema ida ke’e ohin loron tur iha membru governu, kontinua disponivel nafatin saida deit maka Parlamento Nasional deside suspende atu mai Tribunal, ne’e knar Parlamentu Nasional,”haklaken Vice PM Jose Luis.

Konaba Imunidade
Kona ba imunidade, Jose Luis hateten, ne’e kompetensia Parlamentu Nasional, maibe ida ne’e foin dala ida, horiuluk ne’e, iha Primeiru Governu konstitusional, iha ona membru governu ida akuzadu omesidiu, nia mai ona Tribunal i laiha prosesu iha altura ne’eba konaba suspensaun ou lasuspensaun, maibe juiz sira iha direitu iha kualker altura deside hodi hateten, saida mak los no saida mak lalos.

“Ne’eduni, Juis sira hateten, desizaun los liu mak sira labele julga membru governu, ne’ebe ita husu ba Parlamentu Nasional deside iha tempo oportunu i sesaun ida markadu tiha ona ba iha dia 11-14 abril 2011, ne’ebe hau hakarak kopera nafatin ho justisa,”koalia Jose Luis.

Ba kazu Jose Luis ne’ebe tribunal distrital Dili ajenda fali julgamentu ba iha dia 11-14 Abril tinan ne’, tanba seidauk hetan suspensaun, Advogado Sergio Hornai ba Vice Primeiru Ministru Jose Luis Guterres hasoru Prezidente Parlamentu Nasional Fernando Lasama de Araujo iha Parlamentu, hafoin akompanha nia kliente ba Tribunal Distrital dili iha horsehik.

“Hasoru malu ho Presidente Parlamentu nasional, hakarak fo hanoin ruma ba Presidente PN konaba suspensaun ninian, tanba ne’e, Presidente parlamentu Nasional konvida hau mai ho kolega advogado sira atu mai fo hatene deit informasaun ba Presidente Parlamentu Nasional,”koalia Segio Hornai.

Nia afirma, iha konstituisaun Republika, konaba membru governu ruma ne’ebe hetan akuzasaun, oinsa Parlamentu Nasional atu hare sira ninia suspensaun no sira nia imunidade ne’e.
“Ami mai informa deit ba Presidente Parlamentu Nasional i nufim sira mak sei deside konaba imunidade ne’e rasik, maibe ita akompanha iha Tribunal katak, Tribunal husu atu suspensaun, tanba sira labele julga membru governu ruma, ne’e duni hau so mai aprejenta deit ba iha Presidente PN kona ba informasaun balun ne’ebe mak ita nia presidente PN presiza i karik nia mos bele hato’o ba Xefi Bancada sira iha Parlamentu ninian, atu bele hola konsiderasaun ba iha Tribunal Dili,”dehan Sergio Hornai.

PN sei suspende iha oportunidade ne’e, Presidente PN Fernando Lasama de Araujo hateten, nia rona ona situasaun ne’e i nia mos baisa tiha ona karta husi Tribunal ba iha komisaun I, se Tribunal Distrital Dili ninian ne’e mos fo ona seguransa ba Presidente PN atu prosesa levantamentu imunidade ba membru governu sira.

“Hau hein hela komisaun I bainhira hato’o sira nia relatoriu pareser mai iha plenaria i depois ami sei deskute,”koalia Lasama, Entertantu bainhira jornalista ne’e tenta atu halo intervista ho Vice Presidente komisaun I ba asuntu regulasaun interna, etika no mandatus deputadu iha PN, deputadu Jacob Xavier ne’ebe simu despaixu husi meja PN kona ba kazu vice PM Jose Luis Guterres ninian hodi sira halo pareser ba meja Parlamentu Nasional, maibe deputadu ne’e la fo nia komentariu, tanba kondisaun saude la primie.

HUSI SORIN SELUK, deputadu FRETILIN, Francisco Jeronimo hateten, hotu-hotu hare ba kompetensia ida-idak ninian ne’ebe estabelese ona iha konstituisaun laran.

“Ne’ebe ita hare, se tribunal husu ona tenki fila fali mai Parlamentu Nasional, entaun Parlamentu Nasional hare fila fali lai, los duni ka lae, atu hola desizaun sira, tanba buat ne’ebe akontese mak vice PM ba ona tribunal,”koalia deputado Francisco, nia sublinha, se iha tribunal husu atu PN hare kona ba imunidade, entaun fila fali mai PN atu hare tok los ka lae, para atu hola desizaun ruma, par abele lao tuir ida-idak nia kompetensia, se lae halo arbiru deit, ne’e ladun diak.das

1 comentário:

  1. Sr Luis hatudu duni ninia sentidu estadu hodi respeitu orgaun soberania estadu TL nian. Ita hein Politik nain sira seluk bele banati tuir embo'ot Lugu. Hau nian solidaridade ho ita bo'ot.

    ResponderEliminar