Hillary Clinton Husu PM Xanana Kontinua Hametin Demokrasia TL

Tersa, 01 Marsu 2011 - 14:43:01 OTL

Posting Husi : Josefa Parada
Kategoria : Notisias Online - Le'e dala : 46 Ona.

DILI– Ministra Negosiu Estranzeiru  Estadus Unidos Amerika, Hillary Rodham  Clinton husu ba  Primeiru Ministru Kay Rala Xanana Gusmao, atu kontinua haforsa prosesu demokrasia nebe halao iha Timor Leste.

Hillary Clinton kasu lia hirak ne’e wainhira halao inkontru harmonia ho Primeiru Ministru
Kay Xanana Gusmao iha nia knar fatin, Ministeiru Negosiu Estranzeiru Washington foin lalais
ne’e.

Tuir media Palasiu Governu, Jose Fausto “Oke Jadi”  ba STL via email, Tersa (01/02) informa katak, durante sorumutu haromonia ne’e, Ministra Hillary Clinton promete sei konsulta atu kontinua  fo apoiu TL rezolve nia problema iha areia importante, hodi nune’e nasaun TL bele moris iha paz ba dezemvolvimentu.
“Ami sei apoiu saida deit maka Timor Leste presiza, tanba Amerika sei fo apoiu ba mudansa
iha Timor Leste, tanba ne’e hau sente orgulhu simu ita bo’ot,” tenik Hillary durante
sorumutu ho PM Xanana.

MNE Amarika, Hillary informa katak, apoiu nebe Amerika sei fo maka atu hadia administrasaun estadu bele hetan boa governasuan, kombate korrupsaun no reduksaun pobraza no seluk tan.
Iha fatin hanesan, PM Xanana Gusmao mos hato agoradese ba Hillary Clinto hodi simu no halao inkontru ho nia hodi debate proseisu demokrasia nebe halao iha TL.

“Hau mos felista Ministra Negosiu Estranzeirus Sra. Hillary Clinton tanba hau sente orgulho
hodi naran povu Timor Leste mai hasoru ita bo’ot hodi hametin relasaun nebe TL halao ona ho Amerika  atu kontinua fo apoiu hadia ami nia administrasan estadu bele lao diak iha futuru mai,” tenik PM Xanana agradese. Eugenio Pereira