CNJTL Propoin Investiga Asaun UNTAS

Sesta, 18 Marsu 2011 - 16:14:22 OTL
 
Posting Husi : Josefa Parada


DILI—Presidente Conselhu Nasional Joventude Timor Leste (CNJTL), Leovigildo Hornay husu Polisia halo investiga ba estudante sira ne’ebe halo asaun kona ba lista Uni Timor Asuain (UNTAS).
“ Hau hanoin presisa investigasaun ida profundu, tanba dokumentus (Lista UNTAS-Red) ne’ebe mosu ne’e maluk timor oan sira maka lori mai ga iha oknum balun mak hakarak akuza ema,” hatete Presidente CNJTL, Leovigildo Hornai ba STL iha nia Sede, Farol, Dili, Sesta (18/3).

Maibe realidade hatudu katak iha kontestu justu no klaru katak Otonomia ho Independensia ne’e defaktu, no dejure, maibe buat ne’e tenke remata ona iha 1999, hakarak ka lakohi tenki simu.

Relasiona ho asaun UNTAS, Primeiru Ministru (PM), Kay Rala Xanana Gusmao iha nia deklarasaun mos hatete katak nudar Timor oan lalika tau no foti buat sira ne’e demais, nia rona katak ema balun distritubui lista ne’e, ema nee  laran ladun mos, ba povu no nasaun ida ne’e.

Foin lalais ne’e mos, Komandante Jeral F-FDTL, Maijor Jeneral, Taur Matan Ruak fo sai mos nia deklrasaun katak labele akuza ema ida la ho  faktus, timor oan halai ba iha ne’eba, tanba  uluk iha funu,  barak hanoin katak Indonezia atu manan ona, realidade hatudu ona katak independensia maka manan. Oscar Salsinha