quarta-feira, 12 de janeiro de 2011

Haii Fundus Legal no Konstitucional

ARTIGOS ESCOLHIDOS POR EDITORES FORUM-HAKSESUK, HOJE Quarta-feira, 12 de Janeiro de 2011

(Editorial)

Iha Orsamentu Jeral Estadu 2011 (OJE2011) ható mos proposta oinsa maka harii tan Fundus rua (2), tuir argumentus husi Governu nian,konforme argumentu ne´ebe maka hakerek iha Livro 1 OJE2011. Mos reforsa mos liu husi diskursu PM Kay Rala Xanana Gusmão liu husi ninia diskursu iha Parlamento Nasional iha apresentasaun ba OJE2011 nian.

Maibe husi parte oposisaun konsidere iha inkonstitucionalidade ba harii Fundus rua ne´e,neduni ameasa sei lori ba Tribunal hodi detekta ninia inkonstitucionalidade. Iha debate OJE2011 ba dala uluk (12.01.2011). Molok atu tama ba debate,husi deputadus balun husi oposisaun apresenta proposta ida ba meja, atu tau uluk ba ajenda debate konaba fundus rua ne´e. Husi maioria parlamentares la simu ba proposta ida ne´e.

Maibe problema legal konstitucional konaba harii fundus rua ne´e, baseia Lei Jestaun Financeira (LJF). Hare proposta Lei OJE2011,”Este Fundo Especial é estabelecido nos termos do artigo 32º da Lei nº.13/2009,de 21 de Outubro, sobre Orçamento e Gestão financeira, segue os procedimentos determinados por esta lei e é regulamentado por decreto-Lei”.

Lei ne´e aprova husi Parlamento Nasional (PN), promulga husi Presidente da República (PR),publika iha Jornal da República (JR) no tama ona iha vigor desde Outobro 2009.
Iha tinan ida ho resin ona maka Tribunal la detekta inkonstitucionalidade konaba ba Lei Jestaun Financeira ne´e rasik. Oinsa maka deputadus sira bele kontra fali Lei ne´ebe sira rasik maka aprova. Governo halao deit buat ne´ebe maka Lei haruka hodi loke dalan ba harii Fundus rua ne´e. Governu kumpri ninia knar ne´ebe tuir sistema ne´ebe vigora iha RDTL, Parlamento maka lejisla,Governu nudar exekutivu exekuta. Ninia ilegalidade ne´e iha ne´ebe, karik deputadus sira husi OMP (Oposisaun Maioria Parlamentares) keta iha ona parecer juridikus ruma husi Profesores Direitus Konstitucional ruma nian,ne´ebe detekta ona inkonstitucionalidade konaba Lei Jestaun Financeira karik. Maibe Tribunal iha tinan ida ho resin la detekta tamba la iha kontraria ho Lei Inan RDTL nian.

Iha debate ne´e,hatudu deit katak deputadus sira hakarak aproveita tempo antena,transmisaun direkta debates OJE2011 liu husi TVTL ho RTL hodi halao kampanye no marka pontus. Maibe substancia husi harii fundus, maka oinsa estado ninia dever konstitucional hodi halao objektivu final maka moris diak ba povo, desenvolvimentu no progresso ba nasaun tuir ispiritu Lei Inan RDTL nian. Tamba ne´e,harii Fundus rua (2),Fundus Infra-Estrutura (FE) no Fundos Desenvolvimento Capital Humano (FDCH) Legal no Konstitucional!
publicada por FORUM HAKSESUK @ 4:31 PM e-mail: fhaksesuk@gmail.com 

Sem comentários:

Enviar um comentário