Quarta-feira, 12 de Janeiro de 2011
Written by Pedro Delfim - CJITL - Wednesday, 12 January 2011
CJITL Flash, Governu Timor Leste nia pozisaun Pipeline ou kadores ne’ebe governu Australia atu dada ba Daruwin maibe governu Timor Leste liu husi Sekretario Estadu Rekursu Naturais (SERN) nia pozisaun metin katak kadores tenke mai Timor Leste.
Tuir Secretariu Estadu Rekursu Naturais, Alfredo Pires katak governu Timor Leste liu husi sekretariu Estadu Rekursu Naturais nia pozisaun metin atu bele dada kadores mai Timor Leste.
“Pozisaun governu Timor Leste metin no sei garanti katak kadores sei dada mai iha Timor Leste tuir negosiasaun ne’ebe halo ho governu Australia”dehan Alfredo hafoin partisipa iha aprezentasaun proposta orsamentu jeral do esatadu iha Parlamentu Nasional kuarta (12/01).
Nia informa tan katak ho pozisaun governu Timor Leste nia ne’ebe atu dada kadores mai Timor Leste atu nune bele fo benefisiu ba povu iha rai ida ne’e no bele loke kampo de servisu ba Timor oan sira.
“Ita hotu fiar katak ho prosesu dada kadores mai Timor Leste bele fo benefisiu ba povu iha rai ida ne’e no bele dezenvolve nasaun ida ne’e ba oin”informa nia.(Pedro Delfim/CJITL)
Sem comentários:
Enviar um comentário