FRETILIN KRITIKA MINISTÉRIU SAÚDE

.
16 de Janeiro de 2011- Sapo.tl

Fretilin membru Parlamentu Nasionál, Estanislau da Silva kritika makaas Ministériu Saúde tuir planu atu harii farmásia privadu ida iha Ospitál Nasionál Gido Valadares.
MP da Silva hateten Ministeriu nia planu atu harii farmásia privadu lahanoin katak nasaun ida ne’e implementa sistema saude gratuita. Haree ba ekonomia jeralmente ema labele atu sosa aimoruk.

Da Sila hatutan katak Ministériu Saude bele hamatan ba farmasia privdu sira no laoos harii fali farmásia iha kampaun HNGV, maibé tenki iha liur.

Ko’alia ba jornalista, sidadaun Indonézia ida ne’ebé mós na’in ba Farmásia ne’e hateten katak nia hetan autorizasaun hosi administrasaun HNGV atu harii farmásia iha ne’ebá. Iha resposta, Ministru Saude, Nelson Martins dehan katak sira halo planu atu harii farmásia ne’ebé refere atu fasilita pasien sira ho folin ne’ebé baratu no sira lapresiza atu ba sosa to dook hosi HNGV.

“Dalabarak pasien sira tenki sosa aimoruk sai dook hosi ospitál; tamba ne’e sira halo planu atu harii farmásia hodi fo alternativu ba sira no laoos atu obriga sira hodi sosa iha ne’ebá,” katak Martins.

Martins hatutan katak konstituisaun hateten katak nasaun ne’e implementa sistema saude gratuita, maibé iha lei mós hodi harii ida ne’e. Josmel