Faustino: CNRT Sei Lasimu Osan Husi Kompañia Sira

Wednesday, 23 May 2012 17:53 Written by MX

Dili - MLP: Komisaun Nasional Eleisaun (CNE) hala’o ekontru urjente ho Partidu CNRT hodi ko’alia konaba ba fundus agrariasaun ne’ebé mak foin dadauk hala’o iha Sentru Konvensaun Dili (CCD).

Relasiona ho informasaun  nomos karta ne’ebé Prezidente GOPAK, Deputada, Fernanda Borges haruka ba katak Partidu CNRT simu osan  husi kompañia no ema estranjeiru sira bainhira hala’o fundus agrariasaun iha CCD. Ne’eduni parte husi komisaun Nasional Eleisaun hala’o enktru emerjénsia ho Sekretáriu Jeral Partidu CNRT, Dr. Dionisio Babo.

Hafoin enkontru Prezidente CNE, Dr. Faustino Cardoso ba Jornalista Média Lebertasaun Povu imforma katak Partidu CNRT  iha komitmentu boot hodi kumpri lei no promete katak sidadaun sira ne’ebé mak hakarak fó apóiu ba Partidu maibe ho kompañia  nia naran ka ema estranjeiru  sei fo fila sira nia osan. “Ami mos hatene ona katak Partidu CNRT iha ninia konsiensia hatudu komitmentu  boot hodi tuir lei, tanba ne’e Paridu CNRT liu husi ninia ekipa ida  ne’ebé organiza “Malam Dana” iha divizaun juridikasaun agora dadaun  sei halo hela  verifiksaun ba ema sira ne’ebé mak fo dana ne’e. sekarik   sira mai husi kompañia ka ema estranjeiru  sira nia, Partidu CNRT promote katak  sei lasimu, no sei fo fila hikas ba nain” dehan Faustino hafoin enkontru ho lideransa husi Partidu CNRT Kuarta-Feira (23/05/12) iha Sede Nasional Partidu CNRT.

Prezidente CNE mos hatutan katak partidu politíku hotu-hotu iha direitu atu halo agrariasaun fundus ne’e lei  labandu ida.

“Partidu politíku sira hotu-hotu iha dereitu halo “Malam Dana” naran katak labele simu osan kompañia ruma ka ema estranjeiru” nia hatutan.

Bainhira hatan konaba imformasaun ne’ebé fo sai Prezidente GOPAK  husi Parlamentu Nasional ne’e los ka los, oras ne’e dadaun parte husi CNE komesa halibur imformsaun hotu hodi bele tetu di-diak depois mak fo sai ba públiku sei  liu husi  media sira.

Iha tempu hanesan mos Sekretáriu Jeral Partidu CNRT, Dr. Dionisio Babo hateten katak enkontru ne’e  sira ko’alia liu konaba fundus agrariasaun ne’ebé mak iha loron 12 fulan Maiu tinan hala’o iha CCD, tanba publiku balun kestiona maka’as. Maibe Partidu CNRT sei halo verifikasaun ba dadus hotu hafoin simu osan husi militante sira, karik sira mai ho kompañia nia naran ka ema estranjeiru Partidu promote sei la simu sira nia osan.