FOINSA’E-SIRA, LIDER HO MEMBRU-SIRA ARTE MARSIAIS NO ARTE RITUAL TIMOR-LESTE

Iha Dili Convention Centre (eis markadu lama) Dili, data 14 Maiu 2011, lideransa Foinsa’e sira, organizasaun arte marsiais no arte ritual realiza sorumutu nasional primeiru. Iha sorumutu ne’e, lideransa-sira halo konpromisiu ba nasaun. Iha lideransa organizasaun rua nolu resin rua (22) mak asina komprimisiu ida ne’e. Iha sorumutu ne’e hamusu pontu lima nudar komprimisiu ba nasaun ho tekstu hanesan tuir mai ne’e:

KOMPRIMISIU BA NASAUN:

Jura ba Nasaun: Nudar Lideransa Foinsa’e, nudar Lider, nudar membru Arte Marsiais, Arte Ritual, nudar Oan no Nain ba Rai ida ne’e;

Ami Jura ba Maromak, ba Rai Lulik ida ne’e, ba Matebian-sira hosi Luta ba Libertasaun Nasional no ba Po’v'u Timor-Leste, katak:

1. Ami Jura, prontu defende soberanu Nasaun Timor-Leste ne’ebe Ukun Rasik A’an liuhosi luta naruk ida ho nia rohan iha Proklamasaun loron 28 Novembru 1975;

2. Ami Jura, hametin unidadi nasional ho ispiritu nasionalismu no patriotismu ba Rai Lulik no ba Povu rai ida ne’e;

3. Ami Jura, hakribi violensia ne’ebe bazea ba rasa, etniku, reliziaun, suku, interese politiku no diferensia-sira rha organizasaun arte marsiais, arte ritual no seluk-seluktan;

4. Ami Jura, habelar moris paz, haburas hakmatek ba povu ninia diak, nudar lisan no kultura ba Rai no ba Povu Timor-Leste;

5. Ami Jura, ba Nasaun ninia Independensia iha loron 28 fulan Novembru 1975, hametin unidadi nasional, hakribi violensia, habelar moris paz nudar lisan no kultura ba Rai no Povu Timor-Leste;

Dili, loron Sabadu, data 14 fulan Maiu tinan 2011

Komprimisiu ida ne’e asina hosi lideransa maximu organizasaun Foinsa’e, arte marsiais no arte ritual iha Timor-Leste mak hanesan tuir mai ne’e:

Persaudaraan Setia Hati Terate (PSHT) Mak asina: Pedro Aparicio

Kmanek Oan Rai Klaran (KORK) Mak asina: Jose Cardoso

IKS-PTL Kera Sakti - Mak asina: Silvester Xavier Sufa Efi

Padjadjaran Nasional Timor-Leste - Mak asina: Pedro de Carvalho

Perisai Diri Timor-Leste - Mak asina: Hermenegildo Custodio Silva

Seruling Dewata Timor-Leste- Mak asina: Graciano Abril de Oliveira

Rajawali Putih Timor-Leste - Mak asina: Ramalho da Costa

Cong Fu Wushu Timor-Leste - Mak asina: Domingos Mesquita

Chotokan Karate-do Timor-Leste - Mak asina: Antonio Carlos de Araujo

Kushin Ryu Karate-do Timor-Leste - Mak asina: Filomeno Soares de Araujo

Shorinji KEMPO Timor-Leste - Mak asina: Jose Belo

Taekwondo Timor-Leste - Mak asina: Luis Lemos

Santo Antonio - Mak asina: Anansias do Carmo Fuca

5-5 Sagas de Cristo - Mak asina: Domingos F Pereira “Lusifer”

Sagrada Curacao de Jeuss “Colimao-2000” - Mak asina: Napoleao dos Santos Costa

Hitu-hitu (7-7) - Mak asina: Carlito Sanamea

Doze-doze (12-12) - Mak asina: Julio Martins

Foinsa’e Bairo iha Dili - Mak asina: Julio da Silva Salsinha

Federasaun AIKIDO Timor-Leste - Mak asina: Francisco Varudo

Federasaun Karate-do Timor-Leste- Mak asina: Higino Antonio Trindade

Federasaun Silat Timor-Leste - Mak asina: Aniceto Guro-Berteni Neves

Feto Arte Marsiais Timor-Leste - Mak asina: Amelia-Melita Andrade

Molok atu remata, Taur Matan Ruak afirma katak “hau konfia ba imi, imi laos mesak maibe imi tenki sura mos hau. Ba oin eleitu nudar Prezidenti ka la eleitu, ita sei hamutuk hodi lao ba futuru nasaun ida ne’ebe diak no oferese moris diak ba povu iha nasaun Timor-Leste.” Sira kaer-liman hodi tau konfiansa ba malu, hasai foto hamutuk hodi fahe malu. AGBN