Dili-Osan Fundu-mina-rai ne’ebe tau iha Banku Amerika, atinji ona Biliaun 8,4, iad ne tanba deit politika poupansa nebe diak hosi governo nebe lidera hosi Primeiro Ministro Xanana Gusmao.
Maibe governu timor-Leste preokupa nafatin ho ossan dolar Amerika ebe tun makaas. “Amerika iha hela problema barak kona-ba nia orsamentu rasik, tanba ninia divida publika kuaze liu triliun 14, Dolar Amerikanu nia folin mos tun tiha ona, entaun ne’e iha risku mai ita, tanba ita nia osan barak liu mak iha ne’eba, ita fo impresta fali ba Amerika, depois sira la selu, ita sei hasoru problema boot,” Ministra Emilia hateten ba Jornalista sira, wainhira remata audensia ho komisaun C iha Parlamentu Nasional, Kinta (7/7).
Emilia haktuir, objetivu husi sorumutu komisaun C, atu koalia kona-ba lei rua, lei revizaun Fundu Petroliu no Lei Dibidas Publika.
Komisaun C husu MF atu halo aprejentasaun no tuir mai autor lei sira mos tenke halo aprejentasaun, konsulta ho stake holder sira ne’ebe iha interese.
Iha sorumutu ne’e, Emilia hato’o pontu hat, oinsa halo revizaun ba le returno investimentu makas liu, minimiza risku iha investimentu, buka difersifikasaun fundu, hare maneira diak liu atu hetan hanesan retornu ne’ebe asegura fundu.
Oinsa uza fundu hamenus kustus iha empretismu, presija hadia infraestrutura, nudar nasaun presija hela atu hadia infraestrutura, hanesan portu, Estrada no aeroportu.
Oinsa finansia, selu projeitu sira ne’e iha nia dalan barak, dalan ida mak bele uja osan mina rai nian, maibe dalan seluk impretismu no dalan seluk halo parseira privadu no publiku.
“Agora ita nia lei impretismu ne’e dehan se bele uja impertismu ba infraestrutura estratejika, hamenus impretismu nia kustu bele uja 10% ita nia fundu para garantia,” dehan Ministra Emilia. (Ato)
Este comentário foi removido pelo autor.
ResponderEliminar