 |  |  |
| Written by */CJITL | |
| Thursday, 27 January 2011 | |
 Dili Flash, Hanesan parte ida husi area Turizmu,Governo liu husi Ministeriu Turizmu Comersio e Industria (MTCI) organiza festa CARNAVAL ba 3o periodo iha Timor Leste. Eventu ne’ebe monu iha semana valentine day ne’e hanesan loron ne’ebe kada tinan komemora festa Carnaval iha mundu inklui Timor Leste, Iha Timor Leste konsidera loron ne’e hanesan loron “Alegria na Liberdade e Pluralidade”. Ministru Turizmu Comersio e Industria (MTCI), Gil da Costa Alves hateten katak, Carnaval ne’ebe halao hanesan parte ida mos promove Kultura Timor Leste, oin sa bele influensia ema rai liur. “Carnaval hanesan karakter cultural no liliu rekreativu, ema hirak ne’ebe partisipa iha Carnaval ne’e bele hatais variasaun oin sa dada antusiaz ema seluk nian liliu turista sira,” dehan Ministru Gil Alves, Kuarta (25/01), iha Parlamentu Nasional. Iha eventu ne’e, sei hatudu aktividade oi-oin, alende lao tuir estrada no komunidade ida-idak liu husi grupu bele halao iha fatin liu husi dansa kultura no dansa modernu oi-oin. “Loron ne’e hanesan loron ne’ebe ema bele goza malu ho aktividade oi-oin, para depois tama fali ba loron sério ka loron servisu,” hatete Ministru Gil Alves. “Carnaval iha Timor hanesan mos Carnaval iha rai sira seluk iha mundu, hatudu mos oin sa ita nia kultura bele influensia mos kultura rai liur,” hatutan Ministru Gil Alves. “Ohin loron ita hatais Kalsa laos kultura Timor, Kultura Timor hatais Tais, tamba ne’e ita hatudu oin sa ita bele influensia,” tenik Ministru Gil Alves.(*/CJITL) |
Sem comentários:
Enviar um comentário