Sesta, 07 Janeiru 2011 - 16:34:13 OTL
Posting Husi : Josefa Parada
DILI - Dezenvolvimentu iha rai ne’e atu lao ho diak, bainhira justisa hatur hanesan pontu prinsipal ba iha prosesu dezenvolvimentu.
“Oras ne’e daudauk kuaze iha Timor laran tomak, problema rai, bo’ot teb-tebes, tanba rai ema bele oho malu, kalan bo’ot mos ema ba tuku odamatan no fanun xefi Suku sira hodi rezolve sira nia problema,” Xefi Suku Ainaro Agapito de Fatima kasu lia hirak nee bainhira partisipa enkontru Annual ho MAEOT iha Exs Merkadu Lama Dili Kuarta (29/12) liu ba.
Agapito ejiji Ministra Justisa Lucia Lobato sosializa lei rai nian ba povu tomak iha rai laran, tamba problema rai nebe husik hela husi eransa kolonial portugues no Indonesia oras nee sai problema seriu nebe solusaun urjenti.
Agapito salenta liutan katak Justisa sivil nian lao hanesan registu sivil ou halo kartaun RDTL, maibe problema bo’ot liu mak Justisa konaba problema rai nia, tanba ne’e Ministra Justisa ho nia membru sira atu tun too ba iha Suku no Aldeia hodi esplika klaru konaba Justisa rai nian.
Iha fatin hanesan Xefi Suku Seisal Distritu Baucau, Marce lino, hateten katak ailaran fuik barak, maibe guarda floresta (Polisia kehutanan) barak mak hela deit iha Dili hodi fo biban ba ema balun tesi ai illegal.
Nune mos Xefi Suku Bobonaro Jose Barros, husu ba Ministerio Justisa, atu halo formasaun ba ekola ensinu bazeku no sekundaria sira nune’e sira bele hatene’e no iha konesementu klean ba lalaok Justisa nian, tanba dala barak estudante sira la respeita profe sores no inan aman sira.gus
Sem comentários:
Enviar um comentário