“Oras ona atu sai husi Timor-Leste”

http://noticias.sapo.tl/tetum/info/artigo/1116897.html
29 de Dezembro de 2010, 16:17

Tuir relatóriu husi InternationalCrisis Group (ICG), Austrália tenke hataka data ida ba retirada ninia forsa husi Timor-Leste tamba situasaun estavél ne’ebé hetan iha teritóriu laran nó Dili hatún pozisaun husi ONU.

Iha “Timor-Leste Ne’e tempu ona ba ONU atu rekua”, kritika ba estratéjia husi Nasoens Unidas nó habolu atensaun ba nasaun sira seluk ne’ebé mak kontribui ba dezenvolviemtnu Timór, ba lakon tempu nó osan iha operasaun polísia.

Misaun Integrada husi ONU 1485 iha Timor-Leste iha, la’o ho progreseivu tebes, delega ona kontrolu husi distritu sira ba autoridade lokál sira, nó iha hanesan data limite to’o Marsu tinan oin.

Austrália kontribui tiha ona durante ne’e ho hakbesik ba soldadu 400, maioria husi Forsa Internasionál ba Estabilizasaun (ISF), hanesan ba polísia 80, husi sira ne’e kuaze 50 hola parte husi UNMIT nó 30 iha formasaun nó asesoria polísia lokál.

Relatóriu husi ICG alerta katak operasaun ba manutensaun pás sei hakotu de’it iha fulan dezembru 2010, maibé klaru katak misaun ida bo’ot hanesan ne’e la adapta nesesidade husi nasaun ne’e. Prezensa husi Austrália nó Nova Zelândia tenke rekonsidera fali, tamba númeru husi elementu sei oituan loos.

Papél husi ISF dizkute ona husi parlamentár sira nó kestiona ona ninia legalidade tamba hirak ne’e duni seida’uk iha ratifika nia estatutu tuir militár. Porta-voz ida husi Departamentu de Defeza dehan ona katak Díli la fó hatene Camberra kona-ba kestoens legais iha relasaun ba ISF.

Relatóriu husi ICG hateten tán katak ONU tenke reduz kontingente militár atu para, pelu menus metade, nó atu iha akordu ida ho Díli nune´e ba limitasaun ida husi mandatu UNMIT nian.

Se akordu ne´e la iha, komunidade internasionál sei soe de´it tempu nó osan ho nune´e, di´ak liu mak ramata tiha impase ne´e se bele ho lalais. timór-oan sira halo sala, durante tina barak, konsellu husi ONU ba reforma servisus seguransa ne´ebé konserne.

Autoridades lokais sira la konsege lidar ho akontesimentus iha 2006 (ne´e halo tropas Australianas sira fila fali) nó 2008 bainhira iha tentativas asasinatu nian kontra hasoru primeiru-ministru Xanana Gusmão nó Prezidente José Ramos-Horta.

Porta-voz husi UNMIT Carlos Araújo dehan ona katak kestaun ba redusaun das forsas polisiais ne´ebé servisu iha Konsellu de Seguransa ONU nian nó governu timorense.

Fonte: The Australian