.Governu aprova kriasaun ba petrolíferu estatál nian

Sábado, 18 de Dezembro de 2010

.
18 de Dezembro de 2010 - Sapo.tl

Konsellu Ministru Timór nian aprova ona kriasaun empreza nasionál mina nian ida, fosai komunikadu ne’e no haruka ba ajénsia luza ohin.
Empreza ne’e ladauk iha dezignasaun ruma, sei hapara hosi estadu Timór nian no nia kriasaun ba regulamentu balun konabá atividade ne’ebé iha relasaun ho setór mina nian.

Iha komunikadu ne’e hatudu mós katak empreza foun ne’e sei esplora no jere, “empreza ida ke iha lójika”, ativu estadu Timór nian iha setór mina.

Iha reuniaun konsellu ministru, ne’ebé halo iha kinta feira, maka aprova konstituisaun ba fundu investimentu no dezenvolvimentu, nudár embriaun iha futuru ba Banku Nasinál Investimentu no dezenvolvimentu.

Objetivu maka, liu tiha difikuldade hirak ne’ebé emprezáriu sira hetan hodi asesu ba finansiamentu” no rezulta estudu ida ba ohin loron nian ne’ebé uza iha korporasaun finansiamentu internasionál, instituisaun Banku Mundiál, no Banku aziátiku ba dezenvolvimentu nian.

Governu primeiru Ministru Xanana Gusmão aprova tia hela dekretu lei ida, ho karákter ida ke oinseluk, ba selu fulan ida nian hodi tau tan ho saláriu baze ba funsionáriu públiku sira.

“Governu konstitusionál dahaat hakarak lori polítika ida ba prezervasaun rekursu umanu nian no, tan ne’e, importante atu rekoñese no hakbiit dezempeñu ida ke di’ak ba nia servidór públiku sira”, le iha dekretu lei ne’ebé aprova ho medida, maka klasifika hanesan “justu”, ne’ebé haree hodi hatuur funsionáriu públiku sira “besik liu ba nivel traballadór nasionál sira seluk”, saláriu hosi empreza privadu ka estranjeiru sira nian.

EL.